| Nummer:ahs442 | Datum:6 okt. 1579 | Overlevering:Origineel | Vindplaats:Arch. Armhuiszittengasthuis, inv.nr. 0762, reg. 442 |
Wy Borghermesteren ende Raedt in Groeninghen betugen mit desen openen breve dat voer ons
sint gekomen Andrea Cloever de varwer voermunt Hinrick Janssen ende Johan Bruijns
voechden tot saligen Harmen Claessens naegelaeten soene Claus genannt Ende bekanden vann
wegen desselves kyndes ende synen arffgenamen dat se ( doch mit onsen weten wille ende consente)
hebben vercoft upghedraegen ende overghegheven Chrystopher Janssen ende Cruydenier Gesse
syn huijsfrouwe ende hoeren arfgenamen Soedaene Negen arents gulden jaerlycker renten
dair die brieven van spreecken daer dusse brieff doer ghetogghen is vrij ende quijdt
arfflicken tho maenen ende tho boerenn oeck gebruycken ende besitten in allen formen
ende manieren als deselve brieven daer vann inholden ende uuthwysenn Ende vry arff
licken to waren Voer eene Summa geldes de den voermunt mitden voechden vorgen. becanden
dat hem tot behoeff ende proffyt als voerscr. vull ende all is betaelt Sunder arghelist
dat Oerkhunde wij mit unsen Stadt Segell Ghegeven inden Jaeren unses heeren dusent vyff
hundert Negenendetsoeventich den Sesten dach Octobris Doe Albert Rolteman, Johan
Wyfferingk, Everdt Ulgher ende Willem Ubbena Borghermesteren weeren unser Stadt.
sint gekomen Andrea Cloever de varwer voermunt Hinrick Janssen ende Johan Bruijns
voechden tot saligen Harmen Claessens naegelaeten soene Claus genannt Ende bekanden vann
wegen desselves kyndes ende synen arffgenamen dat se ( doch mit onsen weten wille ende consente)
hebben vercoft upghedraegen ende overghegheven Chrystopher Janssen ende Cruydenier Gesse
syn huijsfrouwe ende hoeren arfgenamen Soedaene Negen arents gulden jaerlycker renten
dair die brieven van spreecken daer dusse brieff doer ghetogghen is vrij ende quijdt
arfflicken tho maenen ende tho boerenn oeck gebruycken ende besitten in allen formen
ende manieren als deselve brieven daer vann inholden ende uuthwysenn Ende vry arff
licken to waren Voer eene Summa geldes de den voermunt mitden voechden vorgen. becanden
dat hem tot behoeff ende proffyt als voerscr. vull ende all is betaelt Sunder arghelist
dat Oerkhunde wij mit unsen Stadt Segell Ghegeven inden Jaeren unses heeren dusent vyff
hundert Negenendetsoeventich den Sesten dach Octobris Doe Albert Rolteman, Johan
Wyfferingk, Everdt Ulgher ende Willem Ubbena Borghermesteren weeren unser Stadt.
x
| Archief | Groninger Archieven |
|---|---|
| Fonds | Arch. Armhuiszittengasthuis |
| Toegangsnummer | 1377 |
| Inventarisnr. | 0762 |
| Regestnr. | 442 |
| Jaar | 1579 |
| Datumcode | 0610 |