Alef van Assen, cureit te [Rold]e, en Diderich Diderixzone Maes, koster aldaar, maken een zoen tussen de abdij te Assen en de kosterij van Rolde, zodat de Hofwaer en de Bullenwaer te Deurse, tegen betaling van een geldsom, worden vrijgesteld van de opbrengst van klokrogge aan de kosterij. Met medebezegeling door het land van Drenthe.

Wy here Alef van Ansen cureet to [Rold]e ende her Diderich Diderixzone Maes coster to Rolde doen kunt allen luden
de dessen brief zien oft horen lesen dat wy hebben ghemaket ene zone tusschen den convente van Assen ende der
costerie van Rolde als van ..... de was van ..en waren to Durse gheheten de Hofwaer ende de Bullenwaer
umme ene summe van ghelde de der costerie wal betalt is ende vort is beleghet aen ene maet achter
Anreper holte ende aen enen acker up Rolder essche ghegheven dat ghelt Ludikine Levinch umme zinen
venen acker ende de tve vorscreven waer zolen ewelike ende jummermeer bliven vri ende quiet van kloch
rogghen to ghevene der costerie als ander waer doen inden den kerspele to Rolde up dat dat stede ende
vast si zo hebbe wy her Alef ende her Dideric vorscreven dessen brief bezeghelt mit des landes zeghele van
Drenthe ende mit unser tvier zeghele. Ghegheven inden jaer unses heren dusent drehundert zovene
ende vyftich up sunte Andrees avent apostoli.

x

x

Archief	Drents Archief
Fonds	Arch. Abdij Assen
Inventarisnr.	81
Regestnr.	22
Jaar	1357
Datumcode	vAndree

x

x

Commentaar	Met geschonden zegel van A. v. A. in (bruin-gele ?) was ; de 2 andere zegels zijn verloren.

x

Materiaal	perkament
Afmeting (mm)	225/60

x

Edities	OGD, nr. 455

x