Burgemeesteren en raad in Groningen verklaren, dat Elleke Peters droeg over aan Egbert van Banlo een half stenen huis in de Sint-Jansstraat met ten oosten daarvan de halve menewech, waarvan hij de andere helft al bezit; onder voorbehoud van een lijfrente voor zich van 7 1/2 gulden uit het huis

Wy Borghermestere ende Raet in Groninghen bekennen ende betughen in dessen openen breve, dat voer ons ghecomen
is Elleke Peters ende bekande dat sie hevet vercoft Egberde van Banlo en half steenhues mitten halven mene weghe
de an de oester zide van den vorscreven stenhues leghet ende mit alle zinen to behore achter ende voere, daer Egberde
voerscreven de ander helfte van to behoert, voer ene summe gheldes de Elleke vorscreven bekande dat hoer vol ende al betaelt is.
Ende dit vorscreven halve steenhus mitter helfte van den mene weghe ende mit al zinen to behoren droech Elleke vorscreven up
Egberde voerscreven ende sinen erfghenamen vrij ende quijt mit allen rechte ende eghendome ewelike ende erflike to bruken
ende to besitten. Dit voerscreven alinge steenhues mit zinen to behoren is gheleghen in Sunte Johans strate daer des
curetes wedem, de van onser stad weghen is, naest bi leghet an de oester zide, daer de vorscreven menewech en tusschen le-
ghet. Ende Elleke vorscreven beholt achtenhalven gulden rente in den vorscreven halven steenhues tot hoeren live, dertien corte
grote voer den gulden gherekent, to betalen jaerlikes als en stadrecht is. Dat orkunde wy mit onsen stad seghel.
Ghegheven in den jaer ons heren dusent vierhondert ende dertiene up sunte Matheus avent, do Johan Renghers,
Rading Hoerneking, Johan Wichering ende Bruen Clinghe borghermestere weren onser stad.

x

x

Archief	Drents Archief
Fonds	Arch. Abdij Assen
Inventarisnr.	54
Regestnr.	35
Jaar	1413
Datumcode	vMatthe

x

x

Commentaar	Met geschonden stadszegel en contrazegel in groene was.

x

Materiaal	perkament
Afmeting (mm)	270/85

x