Johannes Pigge koster te Rolde, commissaris van de deken van Drenthe, neemt de getuigenverklaring op van Engelbert Knuppel e.a. op vordering van het convent van Assen, als bewijs dat wijlen Godevaert ten Grale alias ter Host en zijn vrouw aan Albert Stiuehenrixs heeft overgedragen 6 stukken land (te Rolde): "dat stucke ten Rotighen goerden dat op den wal gheet, dat stucke op den Vaeltacker, dat stucke to den Bakeboem, dat stucke in den Krumen Wynkel, dat stucke to des Havekesloe ende dat stucke Rynskamp".

Johannes Pigge Coster to Rolde des erberen heren heren Berends ter Maet, Cureyt to Deveren deken des lands van
Drenthe commissarius do kundich ende openbaer allen luden gheestlick ende warlick dat voer my daghet weren to
Rolde daer ick zat inder kercken to rechte Engelbert Knuppel, Coenraet sijn wijff, Egbert Schulten, Albert Schutten
ende Willem Levigen van weghen broder Egberts vorwarer des convents van Assen umme ene waerde to segghen
van dedinge de ghededingt is ende ghewesen tuschen Albert Stivehenrixs ande ene zijd ende Godevaert ten Grale
anders ghenoempt ter Host saliger dachtnysse ende Aleyt synen echte wyve ande ander zijt. Desse voerscreven hebben
gheantwort dat Albert voerscreven van Godevaert voerscreven hefft ghenomen ses stucke lands hijr na ghescreven to ghelde
dat stucke ten Rotighen goerden dat op den wal gheet, dat stucke op den Vaelt acker, dat stucke to den Bake boem,
dat stucke inden Krumen Wynkel, dat stucke to des Havekesloe ende dat stucke Rynskamp. Hijr hefft Albert
voerscreven Godevaert voerscreven mede quijt ghesculden van aller ansprake ende van allen zaken ende den stock daer van
ghelecht als lantrecht is. Ende Albert voerscreven hefft Goedevert voerscreven noch daer en boven seven elle wandes
ghe-
gheven offt Albert yets to vele des sijns hadde. Des hebben se ghegolden to wynkope ende to stock leggen to
Engelberts voerscreven hues Albert voerscreven tijn kanne beers, Godevaert vijff kanne ende Roloff Edyngen twe kanne beers.
Dit hebben desse voerscreven ghetuget lijfflike ten hilligen daer Albert voerscreven by was in gherichte. Hijr was an
als een dedynges man Engelbert Knuppel ende buer over dat stock leggen ende wyncopes lude Egbert Schulten,
Willem Levingen, Albert Schutte, Coenrat Knuppel ende anders gueder mans ghenoech. Hijr weren by my
in gherichte bisitters heer Johan Bakeringen Cureyt to Rolde, Henrick Broylman, Otto Piggen ende Johannes Wilhelmi
ende anders gueder mans ghenoech. In oerkunde als voerscreven so hebbe ick Johannes voerscreven mynen zeghel beneden
an dessen breeff gehangen. Ghegheven int jaer ons heren dusent vieerhondert [sic] ende dre ende tsestich op sunte
Pancraes avent des hilligen martelars.

x

x

Archief	Drents Archief
Fonds	Arch. Abdij Assen
Inventarisnr.	91
Regestnr.	81
Jaar	1463
Datumcode	vPancra

x

x

Commentaar	Met geschonden zegel in groene was.

x

Materiaal	perkament
Afmeting (mm)	220/115

x