Burgemeesteren en raad in Groningen verklaren, dat Nanningk Scomaker droeg over aan de abdij van Assen een losrente van 3 guldens, uit Evert Wytkens huis en hofstede in de Rechten Yate Wz.

Wy borgermestere ende Raed in Groningen (g.) betugen myt dessen openen breve dat voer ons is gekomen Nanningk
scomaker ende bekande voer em ende sine erffgenamen dat hie hevet verkofft, upgedragen ende overgegeven der abdissen
ende convente van Assen dre gulden jaerliker ende erffliker renten twaleff olde vleemschen offte payment dat daer
guet voer is voer den gulden gerekent jaerlix to boren alze stad recht is uut Evert Wytkens huus ende
hofstede myt alle sinen tobehoren gelegen ande wester zyde inden Rechten Yate daer Henric Scroders huus naest
by licht ande norder zyd ende Henric Mellis huus ande zuuder zyd vry ende quijt voer ene summe geldes
die Nanningk vorgenoemd bekande dat em vull ende all is betalt. Hiir is togesproken dat men desse vorscreven rente
mogen lossen aff vry ende quyt kopen tot allen tijden myt twintich penninge enen penning rente vorscreven payments
sunder argelist. Dat orkonde wy myt onsen stad zegell. Ghegeven inden jair ons heren dusent vierhundert
vijffendetsestich des dinxdages na sunte Johans dage ante portam latinam doe Johan Potter, Wygbolt Lewe,
Johan Tedema ende Roloff Huginge borgermestere waeren onser stad.

x

x

Archief	Drents Archief
Fonds	Arch. Abdij Assen
Inventarisnr.	66
Regestnr.	82
Jaar	1465
Datumcode	MpJohaPL

x

x

Commentaar	Met geschonden stadszegel en contrazegel in groene was.

x

Materiaal	perkament
Afmeting (mm)	245/80

x