Burgemeesteren en raad in Groningen verklaren, dat Henric Wigboldes de backer en zijn zoon Hermen Wigboldes de smit droegen over aan Goyke van Munster de mulner en Goike Arentss. de mulner een windmolen met de molenberg, een huis van 2 woningen met het land, waarop het huis staat, ten oosten van de molen tot aan de Oesterwech, en een stuk land ten westen van de molen tot aan Johan Wissche Brincks molen; een en ander gelegen buiten de Oestorpoerte op de Zuutesch en o.a. belast ten behoeve van de abdij van Assen met een rente van 21 Arnemss guldens; - en dat de kopers zich verbonden de verkopers onder verband van het gekochte te vrijwaren voor de betaling van die renten, welke bovendien rustten op Henrics huis en hofstede aan de Vyschmarkede Zz. en zijn overige goederen.

Wy Borgermestere ende Raedt in Gronyngen betugen mit dessen openen breve dat voer ons sint gekomen Henric Wigbol-
des de backer ende Hermen Wigboldes de smit Henrix vor-screven soen ende bekanden samentliken voer em ende oeren erffgenamen dat se hebben
verkofft, opgedragen ende overgegeven Goyken van Munster de mulner ende Goiken Arentsoen de mulner ende oeren erffgenamen ene
winde mole mit den berge daer de mole vorscreven op steet ende mit enen huuse van tween woningen ende twee stucke landes
daer dat ene stucke landes van gelegen is an de oesterzydt vander molen vorscreven tot anden Oesterwege ende daer dat hus
vorscreven op steet ende dat ander stucke landes vorscre-ven is gelegen an de wester sijdt streckende an Johan Wisschebrincks mole.
Ende desse vorscreven mole mit den landen ende huuse vorscreven is gelegen buten de Oesterpoerte op den zuutesch vry ende quyt
erfflicken ende ewlicken to bruken ende to besitten voer ene summe geldes de Henric ende Hermen vorscreven bekanden dat em vull ende
all is betaelt. Beholden den Hilligen Geeste in onser stadt vier arnemsen gulden ewiger renten ende ses gulden erfflicker
renten na uutwisinge breve ende segele de se daer aff hebben ende uut de mole mit den huuse ende lande vorscreven jaerlix manen
mogen. Ende beholden oeck den convente van Assen ende oeren nakomelingen eenentwintich arnemsen gulden erfflickerrenten
uut der vorscreven mole, huuse ende landen teyn onser stadt vlegers voer elken gulden gerekent voer datum des-breves gemuntet
offte payment dat daer guet voer is na inholde ende uutwisinge oerres breves welke breven ende renten vorscreven niet al-
lene sprekende sint up de mole, huuse ende landen vorscre-ven, men oeck op Henrix vorscreven huus ende hoffstede gelegen ande zuder
sijdt vanden Vyschmarkede daer he nu ter tyt inne woent ende voert over all sijn ander guet. Hyr is bevorwert
dat Goyken van Munster ende Goyken Arentsoen vorscreven sullen ende loven voer em ende oeren erffgenamen Henric ende Hermen vorscreven offte oren
erffgenamen vry scadeloes to holden van sodane renten vorscreven ende van alle ansprake de up Henrix huus ende guederen vorscreven staen
de oec beswaert sinnen van de renten vorscreven. Ende setten daer voer to onderpande de mole mit den berge, huus ende landt
vorscreven so alse dat gekofft hebben van Henrike ende Hermenne vorscreven ende voert alle oer andere guederen replic ende onreplick
de se nu ter tyt hebben offte hyr namaels crygen mogen sonder alle argelist. Dat orkonde wy mit onssen stadt
segell. Gegeven inden jaer ons heren dusent vierhondert ende tnegentich des saterdages na sunten Johannes dage
decollacionis doe Sweder Kater, Herman Potter, Coppyn Jarghes ende Roleff Mepsche Borgermestere waeren onsser stadt.

x

x

Archief	Drents Archief
Fonds	Arch. Abdij Assen
Inventarisnr.	69
Regestnr.	106
Jaar	1490
Datumcode	SpDecJoh

x

x

Commentaar	Het stadszegel is verloren.

x

Materiaal	perkament
Afmeting (mm)	255/140-150

x