Henric Houinge, Boele Hoeuinge, Harmen Hunt en Johannes Hueringe, "voeghede" te Anloe, dragen voor buren van Grolle over aan de abdij van Assen een losrente van 2 guldens uit een rente van 6 guldens, die de kerk van Anloe trok uit goed van Ludeken Willinge in de buurschap van Grolle in het kerspel van Rolde. Met bezegeling door Steuen Broyls.

Wy Henrick Hovingen ende Boele Hoevingen Harmen Hunt ende Johannes Hueringen als voeghede in der tyt toe Anloe bekennen
in dessen breve voer ons ende onse naekomelinge dat wy hebben verkofft ende verkopen eweliken ende erfflike der
Ersamer joffer ende vrouwen Reynalt Jarghs Abdisse des Cloesters van Assen ende oeren Convente alzulcke twe gulden
renthe als die karcke van Anloe hadde over alle Ludeken Willinge guet ghelegen in der buerschap van Grolle ende
under den clocken van Rolde nae uutwisinge eyns bezegheldes breves den wy voeghede voerscreven daer van hebben
holdene van ses gulden daer wy die twe gulden voerscreven der Abdissen ende den convente voerscreven van verkofft hebben myt
alzucke [sic] rechte ende eyghendoem als wy daer an hadden voer eyne summe ghelds die ons die Abdisse voerscreven vul
ende al betaelt hevet ende wy voeghede voerscreven willen ende sullen den Convente voerscreven rechte waerschap doen ende desse
renthe voerscreven waren vry voer alle die ghene die daer myt rechte up spreken moeghen woe ende vaeke des noet
is. Hyr is stock legginne [sic] van ghescheen als dat wy voegheden voerscreven hebben broder Egbert Eykingen den stock
ghelecht voer den buren van Grolle voerscreven als Claws van Schonloe ende Harmen Thesens. Hyr is in ghesproken dat
Ludeken offt syne erffgenamen voerscreven desse twe gulden renthe moeghen affkopen tot allen meye myt neghen ende dertichsten
halven gulden tyn groninger stuvers voer den gulden up datum desss [sic] breves ghemuntet offt payment dat daer
guet voer is ende dan die renthe by den ghelde. Ende want Ludeken voerscreven eynen brieff hevet holdene van drye
gulden tlozen myt vijfftich gulden Soe synt dit sunderlyngen vorwerde dese twe gulden tlozen mytten voerscreven
ghelde want die renthe verstaen was. In oerkunde der waerheit hebben wy Henrick, Boele, Harmen ende Johannes
als voeghede voerscreven ghebeden den Ersamen Steven Broyls dessen brieff voer ons ende onse naekomelinge toe
bezeghelen dat ick Steven voerscreven ghedaen hebbe umme bede wille dier gueden manne voerscreven ende hebbe mijn
zeghel an dessen breeff gehangen. Ghegeven int jaer ons heren dusent vierhondert ende sesendeneghentich up
paessche achten dach.

x

x

Archief	Drents Archief
Fonds	Arch. Abdij Assen
Inventarisnr.	87
Regestnr.	112
Jaar	1496
Datumcode	oPasche

x

x

Commentaar	Met geschonden zegel in groene was.

x

Materiaal	perkament
Afmeting (mm)	240/165-170

x