| Nummer:coe0095b | Datum: | Overlevering:Origineel | Vindplaats:Arch. Coevorden, inv.nr. 0095 |
Dem Erentvesten, Erbaren, Vrommen unde vursichtigen Engelbert van
Enss Conincklicker Majesteit Raedt ende Droste to Covorden ende slants van Drenthe denstlick.
Up de voelvoldyge schriften ende voergevent der borgere van Covorden an uw fromme
lieffden gedain belangende dat ongebrucklicke plaggen meijen de borgere voerscreven aver
hoere limiten bes an Steijnwijckes camp voer wenden tdoin etcetera segt ende antwort de
Juffer ende weduwe van Stenwijck soe nae volget dat se recht ende reden heft to stuijren
dat ongewoentlicke plaggen meijen de van Covorden eynsdeels aver hoere lijmiten in Holtho-
ner marcke dair de vurscreven Juffer als mede merckgenote gedain heft. Ende wes de borgere
dair mijt verwercket moegen hebben dat sye in andere gerichten hoer ongewaerde hant
geslaigen ende der vurscreven Juffer angevoerde plaggen daetlicken ontvrommeth machmen tot
syner tijt waernemen.
De wijle dan de borgere voergeven dat aver lange jaren by tyde Johan van Selbach eyn
dyenre van Henrick Cloet solde gemeijt hebben unde by salige Derck van Steenwyck den
sycht genoemen, nochtans den sycht hebbe moeten avergeven, daer uut volget ijmmer dat
de borger dat plaggen meijen in andere mercke nijet gestendich. Edoch de tyt van oerloge
(als doe was) vermuchte wal voere meer ende konde wal groeter toe wege brenghen
dan gedult to draegen aver dat plaggen meijen. Oick hadde salige Derck van Steenwyck
geen macht der halven wat in toe treden buyten consent der mede erffgenamen konnen nuu de van
Covorden by brengen ennijge tractaten der limiten halven dair sye inne geaccordeert sijnnen
machmen toe wege stellen.
Wijders soe Leffert vander Lippe, Hermen Gelsynck, Johan Kuuck, Luygen Schomaker, Henrick
Muller ende Gert ter Scheer hoer kuntscap oepenen angaende vanden plaggen sycht ende
oick eynsdeels seggen van een boede etcetera.
Dair up weert geantwert woe voer angetogen, dat de tijt van oerloge wal meer konde tho
wege brengen, dan de getugen konnen mijt der waerheijt nijet seggen dat hoer limiten soe
veer gaen alss sye nuu plaggen gemeijt hebben. Ende dat enijge borgere van Covorden sedert
by tyde salyge Johan van Steijnwijck op dusse stridige plaetze gemeijt hebben dan de
wijle eergemelte weduwe hoers huijsheren beroevet, hebben de borgere eyndeels begondt
aver to treden des sye tusschen naburen so scerp nijet solden gesecht hebben, want sye
aver de mate nijet voertgevaeren (hebben) hadden. Unde oick wat creft oft vrucht de
getugen als saekewolderen by brengen worden machmen tot syner tijt vernemen.
Dije vorscreven weduwe geloevet nijet soe wanneer dije saemplicken erffgenamen van Holthuyn
off de der saeken angain bijden anderen komen, dair sall wal betoent worden waer
sich dye limiten tusschen Covorden ende tgerichte van Hardenborch endert vellichte bevonden
byde vijff stenen cruijtze affgescheyden dorch dat ryveerssen lopende vant venne inde
Vechte. Bidde der halven demoedichlicken lyeve heer droste dat uw fromme lieffde de moetwijllijge
hant sluijten ende den borgeren gebeden hoer onbillick voernemen to cesseren ter tijt
ende soe lange als by uw fromme lieffde ende de Erffgenamen van Holthuyn eijnen dach verordenert
weerde ende alsdan dat beste bescheijt afftervolget to worden. Dit doende etcetera.
Enss Conincklicker Majesteit Raedt ende Droste to Covorden ende slants van Drenthe denstlick.
Up de voelvoldyge schriften ende voergevent der borgere van Covorden an uw fromme
lieffden gedain belangende dat ongebrucklicke plaggen meijen de borgere voerscreven aver
hoere limiten bes an Steijnwijckes camp voer wenden tdoin etcetera segt ende antwort de
Juffer ende weduwe van Stenwijck soe nae volget dat se recht ende reden heft to stuijren
dat ongewoentlicke plaggen meijen de van Covorden eynsdeels aver hoere lijmiten in Holtho-
ner marcke dair de vurscreven Juffer als mede merckgenote gedain heft. Ende wes de borgere
dair mijt verwercket moegen hebben dat sye in andere gerichten hoer ongewaerde hant
geslaigen ende der vurscreven Juffer angevoerde plaggen daetlicken ontvrommeth machmen tot
syner tijt waernemen.
De wijle dan de borgere voergeven dat aver lange jaren by tyde Johan van Selbach eyn
dyenre van Henrick Cloet solde gemeijt hebben unde by salige Derck van Steenwyck den
sycht genoemen, nochtans den sycht hebbe moeten avergeven, daer uut volget ijmmer dat
de borger dat plaggen meijen in andere mercke nijet gestendich. Edoch de tyt van oerloge
(als doe was) vermuchte wal voere meer ende konde wal groeter toe wege brenghen
dan gedult to draegen aver dat plaggen meijen. Oick hadde salige Derck van Steenwyck
geen macht der halven wat in toe treden buyten consent der mede erffgenamen konnen nuu de van
Covorden by brengen ennijge tractaten der limiten halven dair sye inne geaccordeert sijnnen
machmen toe wege stellen.
Wijders soe Leffert vander Lippe, Hermen Gelsynck, Johan Kuuck, Luygen Schomaker, Henrick
Muller ende Gert ter Scheer hoer kuntscap oepenen angaende vanden plaggen sycht ende
oick eynsdeels seggen van een boede etcetera.
Dair up weert geantwert woe voer angetogen, dat de tijt van oerloge wal meer konde tho
wege brengen, dan de getugen konnen mijt der waerheijt nijet seggen dat hoer limiten soe
veer gaen alss sye nuu plaggen gemeijt hebben. Ende dat enijge borgere van Covorden sedert
by tyde salyge Johan van Steijnwijck op dusse stridige plaetze gemeijt hebben dan de
wijle eergemelte weduwe hoers huijsheren beroevet, hebben de borgere eyndeels begondt
aver to treden des sye tusschen naburen so scerp nijet solden gesecht hebben, want sye
aver de mate nijet voertgevaeren (hebben) hadden. Unde oick wat creft oft vrucht de
getugen als saekewolderen by brengen worden machmen tot syner tijt vernemen.
Dije vorscreven weduwe geloevet nijet soe wanneer dije saemplicken erffgenamen van Holthuyn
off de der saeken angain bijden anderen komen, dair sall wal betoent worden waer
sich dye limiten tusschen Covorden ende tgerichte van Hardenborch endert vellichte bevonden
byde vijff stenen cruijtze affgescheyden dorch dat ryveerssen lopende vant venne inde
Vechte. Bidde der halven demoedichlicken lyeve heer droste dat uw fromme lieffde de moetwijllijge
hant sluijten ende den borgeren gebeden hoer onbillick voernemen to cesseren ter tijt
ende soe lange als by uw fromme lieffde ende de Erffgenamen van Holthuyn eijnen dach verordenert
weerde ende alsdan dat beste bescheijt afftervolget to worden. Dit doende etcetera.
x
| Archief | Drents Archief |
|---|---|
| Fonds | Arch. Coevorden |
| Toegangsnummer | 116 |
| Inventarisnr. | 0095 |
| Jaar | 1550 |
| Deviatie | 50 |