Cizo van Ancen verkoopt aan de abdij van Dickeninghe zijne bezittingen te Ancen, zonder den nieuwen kamp; onder belofte van vergoeding der schade, van zijnentwege gedurende den oorlog tusschen die van Kovorde en Johannes Klengken aan bedoelde goederen te lijden. Met borgstelling voor de nakoming dezer voorwaarden door genoemden Cyzo, Arnold Wilde, Adam Luttike WiCHErSsone en Gherard Menzinghe, onder belofte van leisting, en met medebezegeling door de borgen.
Ic, Cizo van Ancen, doe kundich alien dieghenen, die dessen brief solen sien oft horen lesen, dat ic dien abt ende dien convent van Dickeninghe hebbe vercoft al dat guet, dat ic hadde to Ancen, sonder den nyen camp, to gueder rekeninghe, wat ic mach doen, VI mudde haveren a), ellic mudde voer twe marc enghels bruens gheldes, vry te waren voer nacoep ende ansprake yenighes mannes ende schadeloes to holden van alien scaden, die an dessen guede mach schien van mijnre weghen, dierwile dat dit orloch staed tusschen die van Kovorde ende Johannes Klengken, ende van yenighen twiste, daer nu inne begrepen bin. Ende schede dessen voersproken convente an dessen guede van warringhe, van naerrecope, van ansprake ende van scaden yenich hinder, die sal ic oen beteren. Ende wy, Cyzo voer-ghenoempt, Arnold Wi.'de, Adam, Luttike Wichers sone, ende Gherard Menzinghe kennet in dessen brieve, dat wij sin borghe voer desse voersprokene stucke oft vorwarde den convent voers. die to holden. Ende wy voerghenoemt hebben ghesekert ende sekert ende lovet in dessen brieve an gueden trouwen sonder arghelist an sammender hant ende werdet borghe an dessen brieve in to comen an ene eerachtighe herberghe, daer wy veylich moghen wesen, daer niet uyt te comen, eer wy den convente ghenoech hebben ghedaen, ende des derden daghes in te comen na der maninghe desses brieves. Ende wy, Arnold, Adam ende Gherard vorghe-noemt, hebt ghebeden Cyzen dessen brief voer ons mit sine seghel to beseghelene. Ende ic, Cyzo voers., an orkunde desen voersprokener stucken so heb ic doer bede desser voer-sprokener knapen voer ons ende voer my mijn seghel an dessen brief ghehanghen. Ghegheven in den jaer ons Heren dusent driehondert vijf ende dertich op sancte Marien Magdalenen dach.
