Egbert van Echten, zijne vrouw Margbete, hunne kinderen volkier en Beerte en Johan Sloot jr. en zijne vrouw Jutte dragen over aan de abdij van Dickenijnghe het 1/3 in het goed ter Hare in het kerspel van de Ywehorst tusschen de Ywehorst en Boghenijnghe. Met medebezegeling door Godeuard en Rolof van Echten.

a) Wy, Egbert van Echten, Margrete, mijn wijf, Volkier ende Beerte, onse kindere, jonghe Johan Sloot ende Jutte, mijn wijf, doe kond ende kenlic alien luden, die dessen brief solen sien oft horen lesen, dat wy vor ons selven ende voer rechte erfghenaemen vercoft hebben ende vercopen mit dessen tjeghenwordighen brieve den abt ende den ghemenen convente van Dickenijnghe dat derden deel van den guede, dat gheheten is Ter Hare ende gheleghen is tusschen der Ywehorst ende Boghenijnghe in den kerspel van der Ywehorst, mit alle sijnre behore ende mit alre slachter not, alsoe als dat gheleghen is, um ene summa van ghelde, die ons ende onsen gherechten erfghenamen wittelike ende wal bitaelt is. Ende hiermede schelde wy vry ende quijt dit voerscreven gued Ter Hare den abt ende den ghemenen convente voers. to besitten ende to bruken ewelike ende urnmermeer sonder enigherhande ansprake ons ofte onser gherechter erfghenaemen. In oerkunde der waerheit soe heb ic, Egbrecht van Echten vornomt, dessen breef beseghelt mijt minen seghel voer myselven, voer Margreten, mijn wijf, vor Volkier ende Berten, onse kindere voernomt, ende voer al onse rechte erfghenamen. Ende ic, Johan Sloet, hebbe dessen breef beseghelt mit minen seghele voer myselven, voer Jutten, mijn wijf vornomt, ende voer al onse rechte erfghenamen. Ende wy, Margrete, Volkier, Berte ende Jutte vornomt, belyen desse dinghe voerscreven onder Egbert ende Johan Sloets seghel voernomt, ghelijc alsoft onses selves seghele weren. Ende um die meerre vestenisse ende zekerheit, soe hebbe wy ghebeden eersamen luden ende wysen Godevarde van Echten ende Rolove van Echten, dat sie dessen breef mit ons beseghelen willen tot enen waren tughe desser dinghe voers. Ende wy, Godevard van Echten ende Rolof van Echten voernomt, hebben om bede willens Egberts vornomt ende Johan Sloets, Margreten, Volkiers, Berten ende Jutten vornomt dessen brief beseghelt mijt onsen seghelen tot enen waren tughe desser dinghe voerscreven. Ghegheven int jaer ons Heren MCCC achte ende vijftich up sente Michiels avond.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 36v
Regestnr.	60
Jaar	1358
Datumcode	vMichae

x

x

Materiaal	perkament

x

Edities	O0461