Johan Alferssone, schulte te Hasselt, oorkondt, dat Gheeet Mijsteloech, zijne vrouw Jutte en hunne kinderen Maes, Willem, Henric, Lyse en Ghese overdroegen aan de abdij van Dickenijnghe het 1/3 in het goed ter Hare in het kerspel van de Ywehorst, tusschen de Ywehorst en Bogenijnghe.
a) Ic, Johan Alfers sone, schulte to Hasselt, doe kont ende kenlic alien luden, die dessen brief solen sien oft horen lesen, dat voer my quamen in den hagheden heymale Gheert Mijsteloech, Jutte sijn wijf, Macs, Willem, Henric, Lyse ende Ghese, oer kindere, ende droghen up den abte ende den convente van Dickenijnghe dat derden deel van den guede, dat gheheten is Ter Hare ende gheleghen is tusschen der Ywehorst ende Boghenijnghe in den kerspel van der Ywehorst mit alle sinen tobehore, also als dat gheleghen is, ende schelden dit voerscreven quijt den abt ende den convente voers. to besitten ende to ghebruken ewelike ende ummermeer, ghelijc oren vryen eyghen guede. Hier hebben over ende an gheweest Gheerd Mulaerd, Dideric die Gruter, Gheerd van Hanijnghe, Clawes van den Velde, Goessen Splete ende anders vele gueder lude. In oerkonde der waerheit soe heb ic, Johan Alfers sone vornomt, dessen breef beseghelt mit minen seghel. Ghegheven int jaer ons Heren MCCC achte ende vijftich up sunte Michiels avond.
