Egbrecht van Echten en zijne kinderen Volkier, Egbrecht en Berte verkoopen aan de abdij van Dickeninghen eene rente van 2 vierendeel en l kop boter uit het goed van Herman ter Hofstadt in het kerspel van de Ywehorst.

Wi Egbrecht van Echten, Volkier Egbrecht ende Berte sine kindere doen kont ende kenlic allen luden die desen
brief zolen zien of horen lesen dat wi vor ons selven ende vor onse gherechte erfnamen vercoft hebben ende vercopen
met desen tgheghenwordighen brieve heren Johanne den Abt ende den ghemenen Convente van Dickeninghen twe vierendeel
boteren ende enen cop boteren erfliker renten die ons toebehorden ende gheleghen siin over Hermans goed tor Hofstadt
inden kerspele vander Ywehorst om ene somma van ghelde die ons ende onsen gherechten erfnamen wiitielic ende wal
betaelt is. Ende dese twe vierendeel ende desen cop bote- ren vorscreven solen die Abt ende dat convent van Dickeninghen vorscreven
ghebruken ende besitten ewelic ende ummermeer sonder eni- gherhande ansprake ons of onser gherechter erfnamen ende
om dat wi willen dat dese coep vaste si stede blive ende wal gheholden werde so hebbic Egbrecht van Echten vornomt desen
brief beseghelt mit minen seghel vor mi selven vor Volkie- re vor Egbrechte ende vor Berten minen kinderen vornoemt
want si selve ghene seghele en hebben. Ende wi Volkier Egbrecht ende Berte vornomt verlyen ende volboerden deses
copes ende deser dinghe vorscreven onder Egbrechts onses vader seghel gheliker wijs als oftet ons selves seghel were. Hier
hebben over ende angheweest Eersamighe lude ende wise Reynold vanden Cloestere, Steven siin broeder Johan ..... Johan
Haghene ende anders vele goeder lude. Ghegheven int iaer ons heren dusent driehondert Achte ende tsestich op sinte
Laurentius avond.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	118
Regestnr.	74
Inventaris	Bekijk de inventaris
Jaar	1368
Datumcode	vLauren

x

x

Materiaal	perkament

x

Edities	O0554

x

Commentaar	Met fragment van het zegel van E. van E. in bruine was.