Paus Bonifacius bepaalt, - op de klacht der nonnen van het St. Maria-klooster te Dickenyngen, dat op aandrang van aanzienlijke bloedverwanten door den abt met verlof van den bisschop nonnen worden aangenomen boven het vastgesteld getal van 24, - dat voortaan geene non mag worden aangenomen boven dat getal, tenzij met verlof van den apostolischen stoel.
Bonifacius, episcopus servus servorum Dei, ad futuram rei memoriam cunctis orbis ecclesiis (et) monasteriis disponente Domino presidentes circa singulorum statum salubriter et prospere dirigendum diligenter attendimus eaque sic cupimus utilis nostre provisionis opere dirigi, ut in ipsis numerus altissimo famulancium sic ordinacione provida limitetur, quod ex superflua eorum multitudine ecclesie et monasteria non graventur nee ex paucitate dignum Deo servicium subtrahatur. Exhibita siquidem nobis nuper pro parte dilecti filii abbatis et dilectarum in Christo filiarum conventus monasterii monialium beate Marie in Dickenyngen, per abbatem soliti gubernari, ordinis sancti Benedict! Trajectensis dyocesis peticio continebat, quod, licet ab olim auctoritate ordinaria certus videlicet vigintiquatuor monialium numerus in eodem monasterio ordinatus existat et eciam hujusmodi numerus in ipso monasterio copiose sufficiat nee pro earum majori numero ejusdem monasterii absque gravamine suppetant facultates, et quamvis eciam abbas ipsius monasterii pro tempore existens propter penam seu censuras, dicte ordinacioni appositam, non possit aliquam ultra dictum numerum in ipso monasterio recipere, tamen interdum propter instantes preces et importunas instancias procerum et nobilium ac potentum illarum parcium filias, vel neptes seu consanguineas in monasterio antedicto recipi desiderant. Contingit, quod ordinarius, semel pro una et interdum pro alia et sic deinceps hujusmodi ordinacioni derogans, concedit et admittit, ut hujusmodi ordinacioni non obstante alique persone successive ultra dictum numerum in dicto monasterio recipiantur, quibus derogacione et concessione per ipsum ordinarium factis, idem abbas hujusmodi proceribus, nobilibus et potentibus sepe sepius contradicere et displicere non audens, cogitur hujusmodi personas ultra dictum numerum in prefato monasterio recipere et admittere in magnum ipsius monasterii prejudicium et gravamen. Quare pro parte ipsius abbatis nobis fuit humiliter supplicatum, ut super hoc de oportuno remedio providere de benignitate apostolica dignaremur. Nos igitur, hujusmodi supplicacionibus inclinati, auctoritate apostolica tenore presencium statuimus et ordinamus, quod de cetero nulla persona ultra numerum predictum in prefato monasterio in monialem absque speciali sedis apostolice licencia, seu mandato sub excommunicacionis pena, quam ferimus in hiis scriptis et quam, si contrarium fieret, extunc tarn recipientem et admittentem quam eciam receptam et admissam incurrere volumus, aliquatenus recipiatur seu eciam admittatur. Decernentes eciam irritum et inane, quitquid in contrarium a quoquam quavis auctoritate scienter vel ignoranter contigerit attemptari. Nulli ergo omnino hominum liceat hanc paginam nostre statuti, ordinacionis, voluntatis et constitutionis infringere vel ei ausu temerario contraire. Si quis autem hoc attemptare presumpserit > indignacionem omnipotentis Dei et beatorum Petri et Pauli, apostolorum ejus, se noverit incursurum. Datum Rome apud sanctum Petrum IIII Kalendas Novembris, pontificatus nostri anno decimo.
