Het convent in Haska geeft aan de abdij te Dickenynghen terug hare in erfpacht bezeten goederen in Staphurst, groot 4 hoeven, met de tienden over goederen in Hessel en in Warchurst en eene pacht van 18 1/2 vierendeel boter, na terugontvangst der 2000 Geldersche guldens, waarmede het de goederen had ver-beterd. Met verdere bepalingen omtrent den terugkeer der goederen aan de eigenaars.

Hoytetus prepositus, prior, priorissa totusque conventus in Haska ordinis Canonicorum Regularium sancti Augustini Trajectensis diocesis notum facimus universis, quod bona nostra et monasterii nostri situata in Staphurst, que communi estimacione reputantur quatuor mansi, cum decimis predialibus in Hessel et in Warchurst et decem et octo quartaria butiri cum dimidio annue pensionis, que bona usque in hodiernum diem tenuimus tytulo contractus emphiteotici a monasterio beate Marie in Dickenynghen ordinis sancti Benedict! dicte diocesis, matura deliberacione prehabita solempni tractatu premisso et communi concordia refutamus et resignamus libere in manus venerabilis et religiosi viri, domini Arnoldi Wilhelmi, abbatis monasterii beate Marie in Dickenynghen, ad utilitatem monasterii et conventus sui tamquam nobis minus utilia et eis magis proficua, refusa nobis et restituta seu retradita certa summa pecunie, videlicet duorum milium florenorum Ghelrensium , pro melioracione dictorum bonorum , ad habendum, tenendum, possidendum et quicquid eis suisque successoribus deinceps placuerit perpetuo faciendum, cum omnibus et singulis juribus, accessibus et egressibus suis, que habent supra vel infra seu intra se in integrum > cum omnibus eciam edificiis, plantatis, seminatis, fenis et graminibus et aliis fructibus non consumptis hujus anni. Confitemur eciam dictam summam pecunie, videlicet duorum milium florenorum Ghelrensium, nobis integraliter solutam, renun-ciantes exceptioni nobis non dati, non soluti et non numerati precii et omni alii auxilio juris, promittentes bona fide dicto abbati et suo dicto monasterio facere in possessione pociorem, excepta una urnata butiri, quam dominus de Voerst habet in eis. Constituimus eciam nos dicta bona de cetero nomine dicti abbatis et sui monasterii possidere, donee ipsorum bonorum dictus abbas seu alius nomine sui et monasterii sui possessionem acceperit corporalem, quam possessionem accipiendi sua auctoritate et deinceps retinendi ei licenciam omnimodam damus. Insuper nos, prepositus et conventus noster antedictus, promittimus dicto abbati et suo conventui, quod de dictis bonis vel parte ipsorum aut aliquo eorum jure nulli alii hactenus donacionem,
obligacionem, servitutern vel aliquem contractual alienacionis per nos vel per alium fecimus, cujus pretextu vel occasione dicto abbati vel suo monasterio in libera dicto bonorum possessione apprehendenda et tenenda prejudicium aliquot vel dampnum generetur vel generari possit, quod si nos vel aliquis nostrorum conventualium contrafecisse apparuerit, conservabimus dictum monasterium indempne. Quam siquidem retradicionem, refutacionem, resignacionem dictorum bonorum et omnia et singula suprascripta promisimus et promittimus dicto abbati nomine sui monasterii pro se (et) suis successoribus stipulanti perpetuo firma, grata et rata habere, tenere et observare et adimplere nee contrafacere vel venire per nos vel alium seu alios aliqua ratione vel causa, de jure vel de facto, item eidem abbati et suo conventui restituere omnia et singula dampna et expensas ac interesse litis et extra. Pro quibus omnibus et singulis firmiter observandis obligavimus et obligamus dicto abbati et suo conventui omnia bona nostra tarn presencia quam futura, renunciantes exnunc omnibus privilegiis, literis, instrumentis publicis et privatis, a quocumque vel per quemcunque editis, per que possit ista resignacio, refutacio seu emphiteotici contractus rescisio impugnari. In omnibus predictis dolo et fraude exclusis. Ut autem ista nostra renunciacio, refutacio, restitucio seu emphiteotici contractus rescisio dictorum bonorum firma, grata et rata perpetuo permaneat, sigillorum nostrorum munimine presentes literas duximus roborandas. Acta sunt hec in Steenwijc in ecclesia, presentibus honorabilibus et discretis viris domino Arnoldo Spisen, decano et domino Johanne de Wapse, vicario ibidem, anno Domini millesimo quadringentesimo secundo ipso die beati Odulphi confessoris.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 49cr
Regestnr.	144
Jaar	1402
Datumcode	Odulph

x

x

x

Materiaal	perkament

x

Edities	O1120