Lude Nysinghe en Thobe e.l. pachten van de abdij te Dickenynghe: l. een huis c.a. Nyssekinghe te Spehoren in het kerspel te Beylen in de marke te Wijshoren en te Spehoern en 1/4 waar in de marke te Beylen, gekocht van eghert altinghe en gekomen van den hof te Beylen, tegen eene pacht van 16 stede mudden rogge en 12 stede mudden haver gestooten Groninger maat;2. 1/6 van de tienden over Oelde Amelinghe-guet te Ouersinghe ’t kerspel en de marke te Borch, tegen eene rente van l stede schat rogge en l stede schat haver gestooten maat, te betalen uit Nyssekinghe-erve te Spirhoern;3. dragen over aan de abdij eene rente van 8 stede mudden rogge en 5 stede mudden haver uit Tyenghe-guet c a. in de marke en de buurschap te Wijshoern, hem aangekomen van zijne ouders; zoodat zij schuldig blijven uit Nyssekinghe-erve te Spirhoern 8 stede mudden en l schat rogge en 7 stede mudden en l schat haver; - en dragen deze renten over voor buren te Wijshoren en Spirhoren. Met belofte van vrijwaring, ook van het 1/4 der grove en het 1/8 der smalle tienden en al het onraad; en belofte het erf niet te splitsen of te bezwaren oi het waerscap te verminderen zonder goedvinden der abdij en met bepaling dat deze zal behouden alle maden van het erf in de marke te Pesse. Met bezegeling als in dik156.

[ingevoegd in margine: Spehoern] Ic Lude Nysinghe ende Thobe, mijn echte wijf, doen kundich allen lude in desen
breve dat wij voer ons ende voer al onse rechte erfg. hebben tot ewighen da-
ghen ghepacht een huyserve gheheten Nyssekinghe tot Spehoren mit al
sinen tobehoren als 't gheleghen is in den kerspel to Beylen in der merke to
Wyshoren ende to Spehoern voers. Ende een vierdeel waerscaps in der mer-
ke to Beylen ghecoft teghen Eghert Altinghe, uutghecomen van den
hove to Beylen voers. teghen den eerbaren ghiesteliken luden den abt
ende den ghemenen conventsluden to Dickenynghe jaerlix voer sestien
stede mudde rogghen ende twaelf stede mudde haveren Gronyngher mate
ghestoten. To betalen als men stede pacht mudde betaelt jaerlix in Dren-
the. Voert so hebbe wij ghepacht tot ewighen daghen dat sestendeel
van den allynghen tyenden over Oelde Amelinghe guet to Oversinghe
gheleghen in den kerspel ende merke to Borch teghen den abt ende convents
luden voers. jaerlix voer een stede schat rogghen ende een stede schat
haveren ghestoten, to betalen jaerlix uut Nyssekinghe erve to Spirhoern
voers. Voert soe hebbe ic bij consent Toben voers. voer ons en ende onsen
rechten erfg. achte stede mudde rogghen ende vijf stede mudde haveren
die wij jaerlix hadden over Tyenghe guet ende erve gheleghen in der
merke ende buerscap to Wyshoern die mij Lude voers. anghecomen
waren van vader ende moeder overghegheven den abt ende den convent
voers. ende al haren nacomen an een deels van der voers. summe der
mudde. Ende wij ende onse erfg. solen jaerlix erflic ewelic gheven
uut Nyssekinghe erve to Spirhoern achte stede mudde rogghen ende een
schat ende soven stede mudde haveren ende een scat van der voers. summe.
Voertmeer so hebbe wij Lude ende Thobe voers. voer ons ende al onse erfg.
dese voers. mudde quijt gheschulden der stoc gheleghet voer den buren
to Wyshoren ende Spirhoren voers. daer mede erflic ende ewelic overghe-
gheven dese voers. mudde den abt ende den convent ende haren nacomen
to besitten, in to manen uut den voers. erven to Wyshoren ende to Spirhoren.
Ende solen al dese voers. mudde jaerlix vrij, ledich, loes ende onbekummert
waren uut den voers. erven na lantrecht. Ende wij solen van Nyssekynghe
erve voers. dat virendeel van den groven tyenden ende dat achtendeel
van den smalen tyenden. Ende al den onraet waren die op dit voerscr.
erve coemt. Ende en solen des niet tobreken oft beswaren uut ander
pacht oft dat voers. waerscap vermynren buten consent des abts
ende des cloesters voers. Al die made die gheleghen sin in der marke
to Pesse die to desen voers. erve hoerden solen beholden dat cloester
voers. Al arghelist nye vonde quessinghe der seghele, rasuer des
breves ende al dat men dessen breef to hinder dichten mach, uutghespro-
ken. Hier waren over ende an doe dese voers dynghe ghededinghet wa-
ert Jabe Lodinghe, Jacob Nysinghe, Johan Assinghe, Lude Barrin-
ghe, Albert Rentinghe ende anders gueder lude ghenoech. Want wij
Lude oft Tobe, mijn echte wijf, solven gheen seghele ende hebben oft
en bruken, daerom hebbe wij tosamen ghebeden gueden eerbaren
wijsen bescheyden preesters her Laurens, onsen kercheer to Beylen,
her Rolof Ovingh, kercheer to Vlelderen, ende her Johan Woerding,
vicarius to Dwingelo, dat sie mit haren seghelen over ons ende onse
erfghenamen desen breef beseghelen willen. Wij Laurens, Rolof,
ende Johan, preesters voerscr., om bede wyllen van beyden partyen hebbe
wij tosamene onse seghele an desen breef ghehanghen. In een tuych
der voerscrevener waerheyt. Ghegheven in den jaer ons heren du-
sent vierhondert ende achte, des sonendaghes na Meyg daghe.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 49cv
Regestnr.	157
Jaar	1408
Datumcode	DpMei

x

x

x

Materiaal	perkament