| Nummer:ech026 | Datum:29 nov. 1406 | Overlevering:Origineel | Vindplaats:H.A. Echten, inv.nr. 0618, reg. 026 |
..... Wij Otte van Asperen Ridder heer van Voerst ende van Keppel doen kont allen luden mit desen apenen brieve dat wi voir ons ende
voir onse erfgenamen geloeft hebben ende loven vastelic mit desen openen brieve Jacob Bierwisch ende sinen erfgenamen die vijftehalf morgen landes ghe-
legen in Mastebroec in Voerslage des heren van Voerste alse hem vercoft ende ghevestighet sin des een open besegelt brief is toe waren voer
een edel eyghen hoemen een edel eyghen mit rechte sculdich is te warene voir alle die ghene die des toe rechte comen willen. Ende voert
lyftucht ende allen voerkommer aff te doen die in enygerwijs die up dat voirscreven lant wesen mochte. Ende weert sake dat hem enich gebreck
hinder coste off schade gesciede van enighen punte die hem geloeft sin in sinen erfcoepsbrieve ende in desen brieve soe hebben wi geloeft
ende gezekert loven ende zekeren in goiden trouwen in desen openen brieve voir ons ende voir onsen erfgenamen dat wi binnen achte daghen nae
oere maningen gedaen an onsen mont off an onse wonynghe daer wi woenaftich sin solen in comen toe Zwolle ende uut der stat van Zwolle
nyet scheyden wi off onse erfgenamen en hadden Jacob voirscreven of sinen erfgenamen ierst ofgedaen. Alle ansprake gebreck cost hinder ende schaden
dien se daer omme gedaen off geleden hadden toe goider bewisinge sonder argelist. Mer weert zake dat wi of onse erfgenamen ghebreeck
onser van nootsaken binnen der stat van Zwolle miet comen en mochten soe mochte onser enich enen goiden redeliken man voir hem
dair legghen in allen schijn als voirscreven is. In oir konde des briefs besegelt mit onsen segell voir ons ende voir onse erfgenamen. Ghegeven int iaer
ons heren dusent vierhondert ende sesse op sante Andries avond.
voir onse erfgenamen geloeft hebben ende loven vastelic mit desen openen brieve Jacob Bierwisch ende sinen erfgenamen die vijftehalf morgen landes ghe-
legen in Mastebroec in Voerslage des heren van Voerste alse hem vercoft ende ghevestighet sin des een open besegelt brief is toe waren voer
een edel eyghen hoemen een edel eyghen mit rechte sculdich is te warene voir alle die ghene die des toe rechte comen willen. Ende voert
lyftucht ende allen voerkommer aff te doen die in enygerwijs die up dat voirscreven lant wesen mochte. Ende weert sake dat hem enich gebreck
hinder coste off schade gesciede van enighen punte die hem geloeft sin in sinen erfcoepsbrieve ende in desen brieve soe hebben wi geloeft
ende gezekert loven ende zekeren in goiden trouwen in desen openen brieve voir ons ende voir onsen erfgenamen dat wi binnen achte daghen nae
oere maningen gedaen an onsen mont off an onse wonynghe daer wi woenaftich sin solen in comen toe Zwolle ende uut der stat van Zwolle
nyet scheyden wi off onse erfgenamen en hadden Jacob voirscreven of sinen erfgenamen ierst ofgedaen. Alle ansprake gebreck cost hinder ende schaden
dien se daer omme gedaen off geleden hadden toe goider bewisinge sonder argelist. Mer weert zake dat wi of onse erfgenamen ghebreeck
onser van nootsaken binnen der stat van Zwolle miet comen en mochten soe mochte onser enich enen goiden redeliken man voir hem
dair legghen in allen schijn als voirscreven is. In oir konde des briefs besegelt mit onsen segell voir ons ende voir onse erfgenamen. Ghegeven int iaer
ons heren dusent vierhondert ende sesse op sante Andries avond.
Geen afbeelding beschikbaar.
x
| Archief | Drents Archief |
|---|---|
| Fonds | H.A. Echten |
| Toegangsnummer | 614 |
| Inventarisnr. | 0618 |
| Regestnr. | 026 |
| Jaar | 1406 |
| Datumcode | vAndree |