| Nummer:fae051 | Datum: | Overlevering:Origineel | Vindplaats:F.A. Van Ewsum, inv.nr. 0497, reg. 051 |
Wy Uneke Rypperda Unde Eewe Ewesma toe Wydwart ende Dykhusen hovetlinghen bekennen ende lyen in dessen openen breve wo dat wy myt
vrien willen ende gueden voirberade ende vullen to doen Bawen ende Ulsken unser huesvrouwen eenen ewighen steden vasten ende un
verbrokenen landwissel hebben ghemaket unde ghedaen myt Popken ten Nyen huse ende Eltken siner echter huesvrouwen wonende inden
kerspele van Uschwart ende dat in desser maneer als nageschreven is Int eerste so gheven wy Uneko ende Eewe Bawe ende Ulska den voerscr.
Poepken ende Eltken vyffte halff hundert landes gheleghen in Uschwarder hamrick daer Aweke Buwen by der oester zyde myt ses
hunderde ende des jungher papen lant to Uschwart gheheten de smale fenne by der wester zyd naest is ter swetten gheleghen ende myt den zuderen
ende springhet an den notwech daer to behorende Item bet een halff heem gheheten Siben heem van een halff hundert daer des selven Poepken
lant an de wester zyde naest is ter swetten gheleghen Item bet twe hundert landes oeck gheleghen in Uschwarder hamrick by der
wester zijt des voerscr. Poepken ende Eltken hues daer de selve Poepko myt den langhen ackeren by der Oester zyde ende Aweka Buwen lant
by der wester zyde naest is ter swetten ghelegen Hyr voer ende weder en teghen gheven uns de voirscr. Poepko ende Eltka weder soven
hundert landes twe hundert in Meder hamrich [...] hundert in Uthuser hamrick een inde Hantschoete Item bet een hundert up de wester
Campen Welcke voirscr. unse soven hundert landes wy voerscr. Uneko Eewe Bawa ende Ulska voir uns ende unsen erffghenamen gheven
over myt dessen ieghenwaerdighen breve den voerscr. Poepken Eltken ende eren erffghenamen to ewighen daghen vrij ende veerdich
ewelick ende erfflick to bruken to besitten to verwesselen to verhueren to vercoepen eren rechten erffghenamen voer to erven ende al eren
vrien willen daer mede to doene sunder al arghelist In een Orkunde der waerheyt hebben wy Uneko ende Eewe voirben. unser
beyder Ingheseghele witliken an dessen breeff ghehanghen inden jaere ons heren dusent veerhundert ende tsestich des dinghesdaghes
na den sondagh Invocavit inder vasten.
vrien willen ende gueden voirberade ende vullen to doen Bawen ende Ulsken unser huesvrouwen eenen ewighen steden vasten ende un
verbrokenen landwissel hebben ghemaket unde ghedaen myt Popken ten Nyen huse ende Eltken siner echter huesvrouwen wonende inden
kerspele van Uschwart ende dat in desser maneer als nageschreven is Int eerste so gheven wy Uneko ende Eewe Bawe ende Ulska den voerscr.
Poepken ende Eltken vyffte halff hundert landes gheleghen in Uschwarder hamrick daer Aweke Buwen by der oester zyde myt ses
hunderde ende des jungher papen lant to Uschwart gheheten de smale fenne by der wester zyd naest is ter swetten gheleghen ende myt den zuderen
ende springhet an den notwech daer to behorende Item bet een halff heem gheheten Siben heem van een halff hundert daer des selven Poepken
lant an de wester zyde naest is ter swetten gheleghen Item bet twe hundert landes oeck gheleghen in Uschwarder hamrick by der
wester zijt des voerscr. Poepken ende Eltken hues daer de selve Poepko myt den langhen ackeren by der Oester zyde ende Aweka Buwen lant
by der wester zyde naest is ter swetten ghelegen Hyr voer ende weder en teghen gheven uns de voirscr. Poepko ende Eltka weder soven
hundert landes twe hundert in Meder hamrich [...] hundert in Uthuser hamrick een inde Hantschoete Item bet een hundert up de wester
Campen Welcke voirscr. unse soven hundert landes wy voerscr. Uneko Eewe Bawa ende Ulska voir uns ende unsen erffghenamen gheven
over myt dessen ieghenwaerdighen breve den voerscr. Poepken Eltken ende eren erffghenamen to ewighen daghen vrij ende veerdich
ewelick ende erfflick to bruken to besitten to verwesselen to verhueren to vercoepen eren rechten erffghenamen voer to erven ende al eren
vrien willen daer mede to doene sunder al arghelist In een Orkunde der waerheyt hebben wy Uneko ende Eewe voirben. unser
beyder Ingheseghele witliken an dessen breeff ghehanghen inden jaere ons heren dusent veerhundert ende tsestich des dinghesdaghes
na den sondagh Invocavit inder vasten.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0497 |
| Regestnr. | 051 |
| Jaar | 1460 |
| Datumcode | MpInvoca |