| Nummer:fae056 | Datum: | Overlevering:Origineel | Vindplaats:F.A. Van Ewsum, inv.nr. 0078, reg. 056 |
Wy Emo unde Ghayke to Norden unde Berum voghede Bekennen openbar in dussen breve
voer alsweme Dat vor uns hebben gewesen Hinrick Bremer unde Elke syn echte husfrowe wonaftich
to Norden unde hebben openbare in unser yeghenwardicheit up ore truwe unde waerheit bekant wodane wijs
in oren huse sodane nagescreven vorhandelinge van worden to worden twisschen dem eersamen gestrenghen
Her Onnen to Ewessum unde Middelstum Ritter unde hovetlinge unde Pyleken een deels sy ghescheen
daer mede by anne unde over Johan unde Willem Sasse synd gewesen des ghelyken in aller mate oek
up ore truwe unde waerheit vor uns bekanden dat de vorscreven Her Onno umme guderterenheyt
yft sek Pyleke ycht wat vlysam wolde gegheven hebben want he [...] in rechte vorwunnen hadde
syne anclage up om in frundschop an den eerwerdigen geestliken Gherardum Prior to Norden unde an de eerwerdigen her Rotcherum unde her Ffeken kerckheren unde her Hayen vicarium to Norden
de sek ten lesten des myt Pyleken nicht beweren wolden went he to male strenghe unde spee myt
worden was mangk meer unnutten worden Her Onnen vorscreven eyne koygeken bedende anders hedde he
nicht genogede om des nicht moste he waken war her Onno slepe Daer om her Onno up geantwordet
hadde mangk anderen worden yft he om een hus aff brende offt des ghelyck daer weren galgen und
unde rade noech beholden do Pyleke voert gesecht hadde wat macht dan arger dan kop aff und
de sele in de helle Voert so bekanden vor uns oek sunderlinx Hinrik Bremer unde Elke
syn husfrouwe vorscreven up ore truwe unde warheit by orer sele salicheyt dat Pyleke up de sulven
tyd in oren huse ghesecht hadde he wolde her Onnen vorscreven noch een lecht ontfenghen dat
he nener kersen behoven scholde Oek heft vor uns do slves in unser yeghenwardicheyt een
ander from man Haygink Dylena bekant wodane wys Pyleke to her Onnen in syne wonynge to Norden komen was do Pyleke ghesecht hadde de sulven vorscreven word van her Onno
slepe wolde he waken dar her Onno up geantwordet hadde van galgen unde raden so vor ghevort
ys dat Hayngk vorscreven oek de sulven word van om gehort hadde wo macht dan arger dan
kop aff unde sele inde helle Dar up een from prester her Rotcherys ghesecht hadde Pyleke
bistu den al heel vortwyvelt und Pyleke vort ghesecht hadde manck anderen worden wat
yuw noch neen quaet bescheen ys Dar up ffrouwe Ghele geantword hadd so denkestu
uns noch quaet to doen dar he do vort neen antword up gegheven hadde Dusse bekantnisse
ys gescheen in unser Emen unde Ghaykens yegenwardicheit so vorscreven ys unde hebben des to
tuchnisse der waerheit unde Ingesegele witliken drucket upt spacium dussen breves Datum
Anno domini Mo CCCC LXIX dominica Oculi.
voer alsweme Dat vor uns hebben gewesen Hinrick Bremer unde Elke syn echte husfrowe wonaftich
to Norden unde hebben openbare in unser yeghenwardicheit up ore truwe unde waerheit bekant wodane wijs
in oren huse sodane nagescreven vorhandelinge van worden to worden twisschen dem eersamen gestrenghen
Her Onnen to Ewessum unde Middelstum Ritter unde hovetlinge unde Pyleken een deels sy ghescheen
daer mede by anne unde over Johan unde Willem Sasse synd gewesen des ghelyken in aller mate oek
up ore truwe unde waerheit vor uns bekanden dat de vorscreven Her Onno umme guderterenheyt
yft sek Pyleke ycht wat vlysam wolde gegheven hebben want he [...] in rechte vorwunnen hadde
syne anclage up om in frundschop an den eerwerdigen geestliken Gherardum Prior to Norden unde an de eerwerdigen her Rotcherum unde her Ffeken kerckheren unde her Hayen vicarium to Norden
de sek ten lesten des myt Pyleken nicht beweren wolden went he to male strenghe unde spee myt
worden was mangk meer unnutten worden Her Onnen vorscreven eyne koygeken bedende anders hedde he
nicht genogede om des nicht moste he waken war her Onno slepe Daer om her Onno up geantwordet
hadde mangk anderen worden yft he om een hus aff brende offt des ghelyck daer weren galgen und
unde rade noech beholden do Pyleke voert gesecht hadde wat macht dan arger dan kop aff und
de sele in de helle Voert so bekanden vor uns oek sunderlinx Hinrik Bremer unde Elke
syn husfrouwe vorscreven up ore truwe unde warheit by orer sele salicheyt dat Pyleke up de sulven
tyd in oren huse ghesecht hadde he wolde her Onnen vorscreven noch een lecht ontfenghen dat
he nener kersen behoven scholde Oek heft vor uns do slves in unser yeghenwardicheyt een
ander from man Haygink Dylena bekant wodane wys Pyleke to her Onnen in syne wonynge to Norden komen was do Pyleke ghesecht hadde de sulven vorscreven word van her Onno
slepe wolde he waken dar her Onno up geantwordet hadde van galgen unde raden so vor ghevort
ys dat Hayngk vorscreven oek de sulven word van om gehort hadde wo macht dan arger dan
kop aff unde sele inde helle Dar up een from prester her Rotcherys ghesecht hadde Pyleke
bistu den al heel vortwyvelt und Pyleke vort ghesecht hadde manck anderen worden wat
yuw noch neen quaet bescheen ys Dar up ffrouwe Ghele geantword hadd so denkestu
uns noch quaet to doen dar he do vort neen antword up gegheven hadde Dusse bekantnisse
ys gescheen in unser Emen unde Ghaykens yegenwardicheit so vorscreven ys unde hebben des to
tuchnisse der waerheit unde Ingesegele witliken drucket upt spacium dussen breves Datum
Anno domini Mo CCCC LXIX dominica Oculi.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0078 |
| Regestnr. | 056 |
| Jaar | 1469 |
| Datumcode | Oculi |