| Nummer:fae110 | Datum: | Overlevering: | Vindplaats:F.A. Van Ewsum, inv.nr. 0188, reg. 110 |
Wy Ghemeyne Jonckherren ennde Erbaermanscapp der Vriesscker Lande
twijsschen der Emesze ende Lauwersze Itszendts inden Dhamme weszennde
doen sampt kundt ennde apenbaer erkennen inn unnde mydt dussenn
apenen voersegellden brieve voer allszwemen dath uuth bevell ende vullmacht
des Dorch luchtighen ennde hoechghebornen ffuersthen van Saexszen unses
gnedichsthen heerren etc. syner ffuerstliche gnade vullmechtige Rede ende Regente
inn Vriesslandt ouck by veten ennde wille des Eddellen unnde wallgeborren
herren Edeszaerdts Graven tho Oestfrieslandt unnses gnedigen herren hebben
mydt demen bestendighenn Henrick van Essen overkomen werdraghen
Unnde voer enen hoefftman anghenomen bevelen unnde gheven den ergenompten
Henrick durch dussen breve unnsze vullmacht anderhaellffhundert knechte
Unsenthalven anthonemen ennde mydten ersten uptobrenghen een mandt lanck
ende szo lange alls men voersolldeth itlichen knechte ter mandt vier gellderse gullden
twe Hernikens gullden offte paymendt daer guedt voer wesende gherekendt
toe betalen Allszo wanneer Henrick vorgenompt mydten knechten sampt
by een inden Damme werdt komende eer Dennst ende Szollt allss dan sall
anghaen Des tot orkunde hevet de Erbaere ennde Duchtige Jonckher Re
loff tho Euwszum unnde Myddellstum hovetlinck dessen brieff van unnser
aller weghen vorsegellt Des unns samptliche ghenogeth Datum them
Damme Anno XVc unnde sesse dess Donredages na Conversio Pauli apostoli.
twijsschen der Emesze ende Lauwersze Itszendts inden Dhamme weszennde
doen sampt kundt ennde apenbaer erkennen inn unnde mydt dussenn
apenen voersegellden brieve voer allszwemen dath uuth bevell ende vullmacht
des Dorch luchtighen ennde hoechghebornen ffuersthen van Saexszen unses
gnedichsthen heerren etc. syner ffuerstliche gnade vullmechtige Rede ende Regente
inn Vriesslandt ouck by veten ennde wille des Eddellen unnde wallgeborren
herren Edeszaerdts Graven tho Oestfrieslandt unnses gnedigen herren hebben
mydt demen bestendighenn Henrick van Essen overkomen werdraghen
Unnde voer enen hoefftman anghenomen bevelen unnde gheven den ergenompten
Henrick durch dussen breve unnsze vullmacht anderhaellffhundert knechte
Unsenthalven anthonemen ennde mydten ersten uptobrenghen een mandt lanck
ende szo lange alls men voersolldeth itlichen knechte ter mandt vier gellderse gullden
twe Hernikens gullden offte paymendt daer guedt voer wesende gherekendt
toe betalen Allszo wanneer Henrick vorgenompt mydten knechten sampt
by een inden Damme werdt komende eer Dennst ende Szollt allss dan sall
anghaen Des tot orkunde hevet de Erbaere ennde Duchtige Jonckher Re
loff tho Euwszum unnde Myddellstum hovetlinck dessen brieff van unnser
aller weghen vorsegellt Des unns samptliche ghenogeth Datum them
Damme Anno XVc unnde sesse dess Donredages na Conversio Pauli apostoli.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0188 |
| Regestnr. | 110 |
| Jaar | 1506 |
| Datumcode | JpConPau |