| Nummer:fae111 | Datum: | Overlevering:Afschrift | Vindplaats:F.A. Van Ewsum, inv.nr. 0624, reg. 111 |
Wij Jacob, Egbert ende Johan Landes, ghebrueders bekennen ende betueghen myt dessen
openen brieve, dat wij verkofft, opghedraeghen ende overghegheven hebben, stedes vastes
erfkoepes, een erve thoe Foxwolde gheleghen, Karslotinge goet, soe alse uns dat van
Roleff Landt, onse broeder saligher ghedachten angheervet is, myt allen sijnen toebehoer
als hues, hoff, schuer, hoylandt, bowlandt, kerckstoel ende visschenije, als de ghelegen
synt onder den klocken van Roeden, myt sesz graese landes, thoe Roerwolde, Johanne
Mepschen, voer een summe gheldes, de uns vol ende al betaelt is, de leste penning
mytten eersten ende des soe loeven wij die voers. wij dat erve, soe voers. is, vrij
thoe waeren Johanne Mepschen ende sijnen erfgenaemen off holder disses breves,
voer ons ende onsen erfghenaemen ende voert voer alle deghene die dair myt
rechte op spreken mochten. Sonder argelyst, uutghesecht kerckenrecht ende heren-
pacht. Ende hyr hebben wij van verteghen myt hande ende monde ende hebben stock
daervan ghelecht Johanne Mepschen, als landrecht is in Drenthe voer den
bueren van Foxwolde, als These Reiners, Bertholdt Thesema ende Gheert Keme
ende Bertholdt Kerstez. ende meer guede luede ghenoech. In oerkonde der waerheyt,
want desse koep stede ende vast blijven sal, soe hebben wij Jacob, Egbert ende Johan
Landes ghebeden Otten Landt, schulte thoe Roeden, dessen breeff over uns
thoe beseghelen. Ende ick Otto Landt, schulte voers., omme bede wylle Jacob, Egberts
ende Johan voers. hebbe mijn seghel beneden an dessen brieff ghehanghen. In 't jaer
ons Heren dusent vijfhondert ende sesz, des manendaghes nae Sandtghanghe.
Ick Frans Buygirs,
van weegen k. m.
grietman van het Tietzerckte-
radeel, kenne ende
certificeere myts
dessen dat dese
copie vors. voirac-
cordert ende owereencomt
myt den principaelbryeff
hyervan luydende.
In een kennis der
waerheit heb ick
Frans vorsc. mijn hant
hier onder geset.
Datum den xxv
septembris
anno xliiii.
F. Buygirs
sst.
openen brieve, dat wij verkofft, opghedraeghen ende overghegheven hebben, stedes vastes
erfkoepes, een erve thoe Foxwolde gheleghen, Karslotinge goet, soe alse uns dat van
Roleff Landt, onse broeder saligher ghedachten angheervet is, myt allen sijnen toebehoer
als hues, hoff, schuer, hoylandt, bowlandt, kerckstoel ende visschenije, als de ghelegen
synt onder den klocken van Roeden, myt sesz graese landes, thoe Roerwolde, Johanne
Mepschen, voer een summe gheldes, de uns vol ende al betaelt is, de leste penning
mytten eersten ende des soe loeven wij die voers. wij dat erve, soe voers. is, vrij
thoe waeren Johanne Mepschen ende sijnen erfgenaemen off holder disses breves,
voer ons ende onsen erfghenaemen ende voert voer alle deghene die dair myt
rechte op spreken mochten. Sonder argelyst, uutghesecht kerckenrecht ende heren-
pacht. Ende hyr hebben wij van verteghen myt hande ende monde ende hebben stock
daervan ghelecht Johanne Mepschen, als landrecht is in Drenthe voer den
bueren van Foxwolde, als These Reiners, Bertholdt Thesema ende Gheert Keme
ende Bertholdt Kerstez. ende meer guede luede ghenoech. In oerkonde der waerheyt,
want desse koep stede ende vast blijven sal, soe hebben wij Jacob, Egbert ende Johan
Landes ghebeden Otten Landt, schulte thoe Roeden, dessen breeff over uns
thoe beseghelen. Ende ick Otto Landt, schulte voers., omme bede wylle Jacob, Egberts
ende Johan voers. hebbe mijn seghel beneden an dessen brieff ghehanghen. In 't jaer
ons Heren dusent vijfhondert ende sesz, des manendaghes nae Sandtghanghe.
Ick Frans Buygirs,
van weegen k. m.
grietman van het Tietzerckte-
radeel, kenne ende
certificeere myts
dessen dat dese
copie vors. voirac-
cordert ende owereencomt
myt den principaelbryeff
hyervan luydende.
In een kennis der
waerheit heb ick
Frans vorsc. mijn hant
hier onder geset.
Datum den xxv
septembris
anno xliiii.
F. Buygirs
sst.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0624 |
| Regestnr. | 111 |
| Jaar | 1506 |
| Datumcode | LpSantga |