| Nummer:fae176 | Datum: | Overlevering:Afschrift | Vindplaats:F.A. Van Ewsum, inv.nr. 0561, reg. 176 |
Wy These Cater unde Geige min echte huesfrowe bekennen mit dussen openen brieve voer ons unde unse arfgena
men dat wy hebben verkoft opgedragen unde overgegeven doctori Henrico Elderwolt priester ende vicario der
hilligen XIII martelars altar in unsen leven vrowen kercken ter Ae in der Stadt Groningen ende synen
nakomelingen vicarien der vorscr. vicarien twalff golden philippus gulden jaerlick ende arflicker renten ofte
payment dat daer gunt voer is so men in tyt der betalinge de philippus gulden binnen Groningen voer die
wage inwesselen ende uutgeven kan jaerlix to S. Michael ofte schadeloes gelt mit botbrieven ofte anders
mit wat recht em believet in to manen ofte tho boeren uut onsers heerdt gelegen sinnen
erflycke ende ewelycke vry end quyt ock vry daer uut to waeren voer so dane husen mit hoeren toebehoer
als wy van den vorscr. doctor gekoft hebben ende up die twehondert philippus vorscr. na betaelt hebben Hyr
is to gesproken dat wy Theso unde Geige vorscr. dusse twalf philippus gulden rente mogen weder af vry ende
quyt kopen tuschen dit ende paeschen naostkomende mit CC philippus gulden vorscr. payements sonder enige renten
darvan to geven und of wy voer de tyt vorgescreven de rente so vorgescr. is nicht aflosden so mogen wy ofte
unse arfgenamen darna de twalf philippus rente weder af vry unde quyt kopen wenner uns des believet
mit twe hondert philippus gulden vorscr. payements ende mit der vuller rente sunder argelist Orkunde
der warheit hebbe ick Theso voer my ende myner huesfrowen vorscr. myn segel beneden an dessen
brief gehangen Inden iaer uns heren M V c XXIIII vrydages na Michaelis.
men dat wy hebben verkoft opgedragen unde overgegeven doctori Henrico Elderwolt priester ende vicario der
hilligen XIII martelars altar in unsen leven vrowen kercken ter Ae in der Stadt Groningen ende synen
nakomelingen vicarien der vorscr. vicarien twalff golden philippus gulden jaerlick ende arflicker renten ofte
payment dat daer gunt voer is so men in tyt der betalinge de philippus gulden binnen Groningen voer die
wage inwesselen ende uutgeven kan jaerlix to S. Michael ofte schadeloes gelt mit botbrieven ofte anders
mit wat recht em believet in to manen ofte tho boeren uut onsers heerdt gelegen sinnen
erflycke ende ewelycke vry end quyt ock vry daer uut to waeren voer so dane husen mit hoeren toebehoer
als wy van den vorscr. doctor gekoft hebben ende up die twehondert philippus vorscr. na betaelt hebben Hyr
is to gesproken dat wy Theso unde Geige vorscr. dusse twalf philippus gulden rente mogen weder af vry ende
quyt kopen tuschen dit ende paeschen naostkomende mit CC philippus gulden vorscr. payements sonder enige renten
darvan to geven und of wy voer de tyt vorgescreven de rente so vorgescr. is nicht aflosden so mogen wy ofte
unse arfgenamen darna de twalf philippus rente weder af vry unde quyt kopen wenner uns des believet
mit twe hondert philippus gulden vorscr. payements ende mit der vuller rente sunder argelist Orkunde
der warheit hebbe ick Theso voer my ende myner huesfrowen vorscr. myn segel beneden an dessen
brief gehangen Inden iaer uns heren M V c XXIIII vrydages na Michaelis.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0561 |
| Regestnr. | 176 |
| Jaar | 1524 |
| Datumcode | VpMichae |