| Nummer:fal003 | Datum:1 juni 1391 | Overlevering:Origineel | Vindplaats:F.A. Lewe, inv.nr. 0602, reg. 003 |
Wy menelant to Westerwolde doet kundich alle den ghenen de dessen bref zeen of horen lesen
dat wy myd guden willen over dreghen zin ener vasten olden vrunscap unde zone ewighe unde
immer meer alzo myd Umken Rypperdes proveste unde hovedinch to Fyrmesen Wyarde Memmin-
ghe Memmen zinen zone Tiabeken Ielderkes Adden Hayen Bolen broderen zelghen Egghen kin-
deren Addinghe unde myd eren rechten na komelinghen unde myd den vor warere des huses to
Wedde van erer weghene Alzo dat wy mene lant to Westerwolde zolen ende willet gherne gheven
Memmen Wyardes zone Adden Addinghe unde zinen broderen ende eren rechten na komelinghen alle de
broke de wy zelghen Egghen vore ghe gheven hebben ut ghesproken den toln unses eghenen
gudes twe penninghe to bezetten unde twe to untzetten unde de hove den men faret de en
zal den ghe richte nicht gheven unde zo zele wy gheven den richtere dre schillinghe vor de vif schil
linghe de boven de vif mark zin dar men enen man sleyt dat god be hode hir en boven zo love
wy mene lant to Westerwolde an guden truwen dit recht to holden unde to blyvene myd lyve
ende myd gude to miden ende noden by dessen vor ghe nomden hovedinghen alzo ze vore streven
stan unde eren rechten na komelinghen. Des ghe lyken love wy vor screvenen hovedinghe unde
unse rechten na komelinghe weder den lande to Westerwolde by em to blyvene myd lyve unde
myd gude. Wer oech zake dat dar ghe screyet wurde en wapen rocht unde dat gherichte
zochte ere viande unde unse mene lant en volghende nicht en jewelk man zolde breken vif mark
unde de ghene de ze husede unde havende dat men be schute mochte de zolde breken lyf unde guot Desse
vor screvenen zone unde vrunscap love wy Umken Wyarde Memme unse zone Tiabeke Jelder-
kes Adden Addinghe unde zinen broderen unde eren rechten na komelinghen wy mene lant tho
Westerwolde to holdene zunder alle arghelist alle quade nye vunde ut ghe sproken dar
desse zone ghe maket hebbet umme unser beyder vrunscap willen. In ene merre vestnisse
desser vorscrevenen dink zo hebbe wy mene lant to Westerwolde unse Ingheseghel an dessen
bref ghe hanghen unde hebbet dar tho ghebeden her Memmen to Unswide unde her Gherde to
Flachtwide dat he zin Ingheseghel heft ghe hanghen an dessen bref. Datum anno domini
MoCo Co C o LXXXXo primo in octava corporis Christi.
dat wy myd guden willen over dreghen zin ener vasten olden vrunscap unde zone ewighe unde
immer meer alzo myd Umken Rypperdes proveste unde hovedinch to Fyrmesen Wyarde Memmin-
ghe Memmen zinen zone Tiabeken Ielderkes Adden Hayen Bolen broderen zelghen Egghen kin-
deren Addinghe unde myd eren rechten na komelinghen unde myd den vor warere des huses to
Wedde van erer weghene Alzo dat wy mene lant to Westerwolde zolen ende willet gherne gheven
Memmen Wyardes zone Adden Addinghe unde zinen broderen ende eren rechten na komelinghen alle de
broke de wy zelghen Egghen vore ghe gheven hebben ut ghesproken den toln unses eghenen
gudes twe penninghe to bezetten unde twe to untzetten unde de hove den men faret de en
zal den ghe richte nicht gheven unde zo zele wy gheven den richtere dre schillinghe vor de vif schil
linghe de boven de vif mark zin dar men enen man sleyt dat god be hode hir en boven zo love
wy mene lant to Westerwolde an guden truwen dit recht to holden unde to blyvene myd lyve
ende myd gude to miden ende noden by dessen vor ghe nomden hovedinghen alzo ze vore streven
stan unde eren rechten na komelinghen. Des ghe lyken love wy vor screvenen hovedinghe unde
unse rechten na komelinghe weder den lande to Westerwolde by em to blyvene myd lyve unde
myd gude. Wer oech zake dat dar ghe screyet wurde en wapen rocht unde dat gherichte
zochte ere viande unde unse mene lant en volghende nicht en jewelk man zolde breken vif mark
unde de ghene de ze husede unde havende dat men be schute mochte de zolde breken lyf unde guot Desse
vor screvenen zone unde vrunscap love wy Umken Wyarde Memme unse zone Tiabeke Jelder-
kes Adden Addinghe unde zinen broderen unde eren rechten na komelinghen wy mene lant tho
Westerwolde to holdene zunder alle arghelist alle quade nye vunde ut ghe sproken dar
desse zone ghe maket hebbet umme unser beyder vrunscap willen. In ene merre vestnisse
desser vorscrevenen dink zo hebbe wy mene lant to Westerwolde unse Ingheseghel an dessen
bref ghe hanghen unde hebbet dar tho ghebeden her Memmen to Unswide unde her Gherde to
Flachtwide dat he zin Ingheseghel heft ghe hanghen an dessen bref. Datum anno domini
MoCo Co C o LXXXXo primo in octava corporis Christi.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0602 |
| Regestnr. | 003 |
| Jaar | 1391 |
| Datumcode | oSacram |