| Nummer:fal022 | Datum:28 juni 1443 | Overlevering:Origineel | Vindplaats:F.A. Lewe, inv.nr. 0605, reg. 022 |
Wij Borghermester Ende raet In Groningen doen kondich allen luden mit dessen openen breve dat wij bij consente ons swoerne meente voer ons
ende onse nakomelinge leefflike sint overdraghen mitten Erbaren Eggen to Westerwolde Hoeftling ende van des landes weghen omme nutlicheit
eendracht ende salicheit onser stad en Westerwoldinges landes also dat wij mit malkanderen eendrachtlike hebben anghenomen ende begropen mit
gansen trouwen ghelovet ene stede vaste vrentscap mit malkanderen to eweghen daghen to holden op sodane punten ende artikelen. Also hiir
na volghen bescreven ende op dusdanen manieren dat wij hebben anghenomen ende ontfangen Eggen huuss in Westerwolde lande gheleghen
tot onser stad openen huse dat to besocken wanneerss ons ofte onsen nakomelingen ghenoghet op der stad kost ende buten Eggen ende sinere
erffg. schaden. Men de vors. stad Egge borgh ende sine erffg. sullen den ghemenen koepman Inden vors. lande vrij ende velich laten varen wenden
keren Ende beleghen na onser macht. Oec so ende sullen onse stad noch Egge noch sine erffg. onsen ende oeren koepman neet vorbeden noch
behinderen eneghe gude Inder anderen landen to copen ende to den anderen to voeren. Vorder so en sullen onse ende Westerwoldinges landes inwoenres
de ene den anderen nicht besecken voer andere lude schulde. Men breke ijemande de sal bothen ende betheren na wonicheit ende rechte der stede
daer dat ghescheed worde oec ijemande van misdadeghen luden voervluchtich ut Groningen ende Westerwoldinge lande als benamen morden
moerdbarnerss kercken brekerss straten schijnnerss see rovers deve ende deer ghelick de ende sullen de stad Egge vorg. noch sine erffg. niet
ontholden men de salmen richten na rechte ofte daer claghe ofte vorvolch omme wert ghedaen. Oec so en sullen de stad noch Egge vorg.
vorg. noch sine erffg. neve vrede noch orloch an nemen de ene buten des anderen rade daer de ene den anderen to to hulpe begheerd
noch vorbonde noch nije bonde de ene teghen den anderen to maken de teghen de stad Eggen vorg. ofte sinen erffg. en teghen mochte
wesen. Item so sal Egge vorg. ende sine erffg. der stad to staen enen vrijen wech den ghemenen koepman to varen Int stichte van Munster door
Westerwoldinge lans daer Egge ende sine erffg. oere hulpe mede sullen to doen. Men were ijemande daer behinderlick ijnne den wij
samentlike malkanderen truweliken helpen berichten ende to keren. Oek worde Jenich wechgheld opden ghemenen koepman van bute ghe-
leghed dat sal komen to nutticheit des weghes buten ende bijnen Westerwolde daer den rade van Groningen Inder tiit Ende Eggen vorg. ofte
sinen erffg. dat best en nuttest duncket to wesen. Item weer oec ijemande de In to komenen tiiden Eggen vorg. ofte sinen erffg. mit onrechte
overvallen wolde In oere heerlicheit rechtinge gude ende erve, ende sie oere sake bij den rade to Groningen to rechte blijven wolde ende worden
sie daer en boven overvallen so sullen de stad die beschermen ende beschudden na oere macht. Ende des ghelikes wederomme ofte ijemande
die stad ende oeren Inwoenres overvallen wolde ofte Em to onwillen were den sulle wij Egge vorg. ende mijne erffg. helpen to beheren
na onser macht alse onser een den anderen daer to vormaend. Mit vorworden wolde Jenighe lande mede in dit vorbond ende vrentscap
wesen de moghen de Borgermester ende raet In Groningen Ende Ik Egge vorg. ofte mijne erffg. samentlike hiir mede in nemen mit
een tussix breeff hiir doer ghetoghen. Welke vors. Artikelen punten vorbond ende vrentscap wij perte. vorg. Elk den anderen loven
vollencomelick ganss heel ende onverbroken eweliken ende erffliken to holden sunder alle argelist ende nije vonde in dessen breve vorghe-
sproken. Dat orkonde wij mit onser stad seghele Ghegen ghededinget ende anghenomen Inden jaer onss heren dusent veerhondert
dreeenveertich op sunte peterss ende pauwels avent tweer apostelen do Luloff Sickinc Lubbert Lewe Folkeer Marissinge Ende Ludeken Everdes
Borgermester weren onser stad.
ende onse nakomelinge leefflike sint overdraghen mitten Erbaren Eggen to Westerwolde Hoeftling ende van des landes weghen omme nutlicheit
eendracht ende salicheit onser stad en Westerwoldinges landes also dat wij mit malkanderen eendrachtlike hebben anghenomen ende begropen mit
gansen trouwen ghelovet ene stede vaste vrentscap mit malkanderen to eweghen daghen to holden op sodane punten ende artikelen. Also hiir
na volghen bescreven ende op dusdanen manieren dat wij hebben anghenomen ende ontfangen Eggen huuss in Westerwolde lande gheleghen
tot onser stad openen huse dat to besocken wanneerss ons ofte onsen nakomelingen ghenoghet op der stad kost ende buten Eggen ende sinere
erffg. schaden. Men de vors. stad Egge borgh ende sine erffg. sullen den ghemenen koepman Inden vors. lande vrij ende velich laten varen wenden
keren Ende beleghen na onser macht. Oec so ende sullen onse stad noch Egge noch sine erffg. onsen ende oeren koepman neet vorbeden noch
behinderen eneghe gude Inder anderen landen to copen ende to den anderen to voeren. Vorder so en sullen onse ende Westerwoldinges landes inwoenres
de ene den anderen nicht besecken voer andere lude schulde. Men breke ijemande de sal bothen ende betheren na wonicheit ende rechte der stede
daer dat ghescheed worde oec ijemande van misdadeghen luden voervluchtich ut Groningen ende Westerwoldinge lande als benamen morden
moerdbarnerss kercken brekerss straten schijnnerss see rovers deve ende deer ghelick de ende sullen de stad Egge vorg. noch sine erffg. niet
ontholden men de salmen richten na rechte ofte daer claghe ofte vorvolch omme wert ghedaen. Oec so en sullen de stad noch Egge vorg.
vorg. noch sine erffg. neve vrede noch orloch an nemen de ene buten des anderen rade daer de ene den anderen to to hulpe begheerd
noch vorbonde noch nije bonde de ene teghen den anderen to maken de teghen de stad Eggen vorg. ofte sinen erffg. en teghen mochte
wesen. Item so sal Egge vorg. ende sine erffg. der stad to staen enen vrijen wech den ghemenen koepman to varen Int stichte van Munster door
Westerwoldinge lans daer Egge ende sine erffg. oere hulpe mede sullen to doen. Men were ijemande daer behinderlick ijnne den wij
samentlike malkanderen truweliken helpen berichten ende to keren. Oek worde Jenich wechgheld opden ghemenen koepman van bute ghe-
leghed dat sal komen to nutticheit des weghes buten ende bijnen Westerwolde daer den rade van Groningen Inder tiit Ende Eggen vorg. ofte
sinen erffg. dat best en nuttest duncket to wesen. Item weer oec ijemande de In to komenen tiiden Eggen vorg. ofte sinen erffg. mit onrechte
overvallen wolde In oere heerlicheit rechtinge gude ende erve, ende sie oere sake bij den rade to Groningen to rechte blijven wolde ende worden
sie daer en boven overvallen so sullen de stad die beschermen ende beschudden na oere macht. Ende des ghelikes wederomme ofte ijemande
die stad ende oeren Inwoenres overvallen wolde ofte Em to onwillen were den sulle wij Egge vorg. ende mijne erffg. helpen to beheren
na onser macht alse onser een den anderen daer to vormaend. Mit vorworden wolde Jenighe lande mede in dit vorbond ende vrentscap
wesen de moghen de Borgermester ende raet In Groningen Ende Ik Egge vorg. ofte mijne erffg. samentlike hiir mede in nemen mit
een tussix breeff hiir doer ghetoghen. Welke vors. Artikelen punten vorbond ende vrentscap wij perte. vorg. Elk den anderen loven
vollencomelick ganss heel ende onverbroken eweliken ende erffliken to holden sunder alle argelist ende nije vonde in dessen breve vorghe-
sproken. Dat orkonde wij mit onser stad seghele Ghegen ghededinget ende anghenomen Inden jaer onss heren dusent veerhondert
dreeenveertich op sunte peterss ende pauwels avent tweer apostelen do Luloff Sickinc Lubbert Lewe Folkeer Marissinge Ende Ludeken Everdes
Borgermester weren onser stad.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0605 |
| Regestnr. | 022 |
| Register Feith | 1443.013 |
| Jaar | 1443 |
| Datumcode | vPetPau |