| Nummer:fal038 | Datum: | Overlevering:Afschrift | Vindplaats:F.A. Lewe, inv.nr. 0616, reg. 038 |
Wy Herman van godesgnaden Abt des frygen Stiffts Corveij bekennen openbar yn dussen breffs vor uns unse nakomen und Stiffte, dat wij
hebbet belehent und myt macht dusses breffes belenen Eygen Addinge hovetschoppe to Westerwolde und synen lyffes erven beyder kunne to eynen
rechten erff leyne myt dussen nageschreven guderen. Int erste myt den lande to Westerwolde und alle syner tobehoringe geistlick und wertlick und
sunderlinges myt der kercken to Unswedde myt alle oer Rechticheit erffen und luden de dar in horet. Item myt den dorpe Smerlicke uthgescheden Drye
hus Tangklinckhus Edingehus und Lottringehus. Item myt der kercken to Sellingen und myt den gansen dorpe myt alle oren rechten erffen und
luden und sunderlinges der borch de Hare de Melme de Walslage und de Wisck uth gescheden Werdelinghus Item myt dem gansen dorpe to lande
myt den erffen und luden Item myt der kercken to Vlachtwedde myt alle oren erffen und luden myt dem gantzen dorpe Waldingehus Tiringhus
Coilershus und Wiltingshus myt dem gantzen dorpe und allen erffen und luden de dar in horen in dat dorp to Weende Lenestinghus Eyntzing
hus de Hustede und Bruskmanshus, met allen erven und luden de dar in horen Item myt der kercken to Wedde myt allen rechten huse
luden und erffen als Mening erve Redwerdinck, Bruninck und Wicherinck Item myt der kercken Freischenloy myt aller to behoringe und
rechten Vort mer belenen wij den vorgeschreven Eygen und synen lyffes erven beyder kunne to eynen rechten erffleyn myt unser vogedyge
to Wynschot myt aller rechticheyt und toberinge geistlick und wertlick worde gelegen syn in holte in velde in watere in wischen und
in weyden nicht dar van uthgescheden so de tho unsen Stiffte horen und wy obgenant Hermen Abt willen des genanten Eygen und synes
lyffes erven dusses vorgeschreven leens und gudes bekante gichtige here und warent syn wor wenne und wo dicke end des noet
und behoeff is dat eisschen und uns in rechte geboren mach Dus in ein tuchnisse der waerheit hebben wy unser Ebdye Ingesegel
vestelicken an dussen breff don hangen und wy Gosschalcus prior Eheverardus provest und vort gantze gemeyne Capittel des
ergeschreven frygen Stifftes Corvey bekennen in dussen sulven openen breffe dat sodane beleninge alse ik Erwerdige in Godt vader
und here hern Harman Abt vorgenant unse genedige leve here Eygen und synen lyffes erffen wy vorschreven gedan hefft is geschein
mit unsen weten willen und volborde wij willen und volborden dat ock in krafft dusses breffes des to orkonde hebben wy unses
Capittels Ingesegel by Ingesegel unses gnedigen leven heren doen hangen. Inden Jare unses heren dusent vierhundert inden
vier und soventichsten up sondach negste Jacobi Apostoli.
hebbet belehent und myt macht dusses breffes belenen Eygen Addinge hovetschoppe to Westerwolde und synen lyffes erven beyder kunne to eynen
rechten erff leyne myt dussen nageschreven guderen. Int erste myt den lande to Westerwolde und alle syner tobehoringe geistlick und wertlick und
sunderlinges myt der kercken to Unswedde myt alle oer Rechticheit erffen und luden de dar in horet. Item myt den dorpe Smerlicke uthgescheden Drye
hus Tangklinckhus Edingehus und Lottringehus. Item myt der kercken to Sellingen und myt den gansen dorpe myt alle oren rechten erffen und
luden und sunderlinges der borch de Hare de Melme de Walslage und de Wisck uth gescheden Werdelinghus Item myt dem gansen dorpe to lande
myt den erffen und luden Item myt der kercken to Vlachtwedde myt alle oren erffen und luden myt dem gantzen dorpe Waldingehus Tiringhus
Coilershus und Wiltingshus myt dem gantzen dorpe und allen erffen und luden de dar in horen in dat dorp to Weende Lenestinghus Eyntzing
hus de Hustede und Bruskmanshus, met allen erven und luden de dar in horen Item myt der kercken to Wedde myt allen rechten huse
luden und erffen als Mening erve Redwerdinck, Bruninck und Wicherinck Item myt der kercken Freischenloy myt aller to behoringe und
rechten Vort mer belenen wij den vorgeschreven Eygen und synen lyffes erven beyder kunne to eynen rechten erffleyn myt unser vogedyge
to Wynschot myt aller rechticheyt und toberinge geistlick und wertlick worde gelegen syn in holte in velde in watere in wischen und
in weyden nicht dar van uthgescheden so de tho unsen Stiffte horen und wy obgenant Hermen Abt willen des genanten Eygen und synes
lyffes erven dusses vorgeschreven leens und gudes bekante gichtige here und warent syn wor wenne und wo dicke end des noet
und behoeff is dat eisschen und uns in rechte geboren mach Dus in ein tuchnisse der waerheit hebben wy unser Ebdye Ingesegel
vestelicken an dussen breff don hangen und wy Gosschalcus prior Eheverardus provest und vort gantze gemeyne Capittel des
ergeschreven frygen Stifftes Corvey bekennen in dussen sulven openen breffe dat sodane beleninge alse ik Erwerdige in Godt vader
und here hern Harman Abt vorgenant unse genedige leve here Eygen und synen lyffes erffen wy vorschreven gedan hefft is geschein
mit unsen weten willen und volborde wij willen und volborden dat ock in krafft dusses breffes des to orkonde hebben wy unses
Capittels Ingesegel by Ingesegel unses gnedigen leven heren doen hangen. Inden Jare unses heren dusent vierhundert inden
vier und soventichsten up sondach negste Jacobi Apostoli.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0616 |
| Regestnr. | 038 |
| Jaar | 1474 |
| Datumcode | DpJacobi |