| Nummer:fal059 | Datum: | Overlevering:Origineel | Vindplaats:F.A. Lewe, inv.nr. 0005, reg. 059 |
Inden name godes amen. Wy Hinrick Kater ende Luert Kater gebroders ende Allert Gaykuma up de ene, Wygbolt Lewe Hermen Lewe ende Johan ter Borch up de andere syde doen
kont ende bekennen mit dessen openen breve alle den ghenen deden solen seen offte hoeren lesen dattet echtscap ende hylick tusschen my Hinrick Kater ende juffer Wyggert Lewens
Wigboldes vorscr. suster is gededinget geraempt ende besloten by mande vrende raet ende consent an beiden syden in maneren ende hylixvorwerden hyr na bescreven Inden eersten
genoget elk van beiden parten vorscr. en den guderen die se en malkanderen brengende worden Voert sint hylix vorwerden storve Hinrick Kater vorgen, voer juffer Wygert
vorscr. sunder witlike gheboerte levendich nalatende somsal juffer Wygert vorscr. verbetert ende begavet wesen uut Hinrixs vorscr. guderen hundert rynsen gulde sessnde
twintich groninger stuvers vor datum desbrieffs gemuntet offte payment dat daer guet voer is voer elken gulden gerekent jaerlicker lijffrente To boeren ende to manen
uut syn part van syn salige vaders gudere naemptlike uut Hinricks vorscr. lant inden Paddepoel ende voert over all offt een deel Hinricks vorscr. gudere bynnen ende buten Groningen offt anders wo ende waer an de gelegen mogen wesen ghene daer van uutgenomen daer Juffer Wygert vorscr. jaerlix des best belevet
offte scadeloes gelt mit botbreven offt anders mit wat rechte geestlick offte warlick mit beiden toe saemen offte mit elken besunder dat ene den anderen neet hin-
derende wo Juffer Wygert vorscr. dat best enenkomen sall to manen. Storve oeck Juffer Wygert vorgen. voer Hinrick vorscr. sunder witlike geboerte levendich na
latende so sal Hinrick vorscr. verbetert ende begavet wesen uut Juffer Wygerts vorscr.. guede tsestich rynsen gulden vorscr. paymens jaerliker lyffrenten ende dat to boeren
ende to manen mit sodanen rechte als vorscr. is uut alle offte een deel Juffer Wygerts vorscr. guedere wo ende waer de gelegen sint bynnen ende buten Groningen ghene
daer van uutgenomen daar Hinrick voirscr. dan best enenkomen sall. Storve oeck Hinrick vorscr. voer ende lete levendige kindere nae so solen Juffer Wygert
ende oere kindere alle hoera beider gudere gelike delen dan storven dan de kinderen nae voer hoer moder Juffer Wygert vorgen. so sal se nochtand alsodanen gudere se
dan van Hinrick voegen. gecregen mach hebben mit dat versterff van hoeren kinderen bruken oer levent langh ende neet langer ende tendes hoeren levende so sal dat
selve guet dat van Hinricks syd gekomen is dan weder komen ende erven up Hinricks vorscr. erffgenamen ende dat van Juffer Wygerts syd gekomen is up, Juffer
Wygerdes erffgenamen Storve oeck Juffer Wygert vorscr. voer ende lete levendige kindere na.so solen de kinderen oer moder guet nemen ende Hinrick vorscr. sal al syne
gudere beholden des sal Hinrick vorscr. syn ende Juffer Wygerts vorscr. kindere geen guet ontmaken in hylix vorwerden offt he een ander beraet dede vorder dan na
land rechte geboert uutgenomen een maneerlick lyfftucht de he der vrouwen offte junckfrouwen sal mogen geven by vrunde raet om oeck maneerlyck myt
lyfftucht weder begavet te worden dan storven dan kinderen nae voer Hinrick oeren vader vorgen. se sal he nochtans alsodanen gudere he dan van Juffer Wygert
vorscr. gecregen mach hebn mit dat versterff van sinen kinderen bruken syn levent langk ende neet langer ende tendes sinen levende so sal dat selve guet dat van
Juffer Wygerts syd gekomen is dan weder komen ende arven up Juffer Wygerts vorscr. Erffgenamen ende dat van Hinricks syd gekomen is up Hinricks vorscr. erffgenamen
Voert sint hylix vorwerden In allen gevallen solen alle hoere beider tylbar gude togecoffte offte vertegen guderen by oer beider levende wesen halff ende halff scade ende bate
Storven de kinderen nae oere beider oldere sunder witlike geboerte nalatende solden se hoers vaders guede up svaders syde ende smoders gued up smoders syde erven ten
weer dan in oere hylix vorwerden anders gemaket. Anders solen alle oere beider gude waer de gelegen mogen wesen arven ende ghaen elk weder up de syde daer
se heer gekomen syn. Voert in allen gevallen van versterven ende arven sal Hinrick Kater off syn erffgenamen voer uut hebben syn peerden ende harnasch cledere ende clenodien
to sinen lyve behoerende Des geliken sal juffer Wygert vorscr. off oere erffgenamen to voeren uut hebben alle oere cledere clenodien tot hoeren lyve behorende sunder al argelsit.
In Orkonde der waerheit hebben wy Hinrick Kater, Lluert Kater, Alert Gaykema; Wijbolt Lewe, Hermen Lewe ende Johan ter Borch vorscr. elk onse zegele beneden an
dessen brieff gehangen Ende tot merrer vestnisse hebben wy eenpartliken gebeden den werdigen ende hoechgeleerden heren Meister Willem Frederici doctor ende pastor der
kerken to sunte Merten bynnen Gronyngen als een mede dedinx ende overman van der vorscr. sake dessen brieff mede toe bezegelen Ende Ick Wilhelmus pastor vorgen.
om oere bede wille heb myn Segel mede an dessen brieff gehangen Ghegeven inden Jaere ons heren dusent vyffhundert ende vier des dages na sunte Jacobs dach
des hilligen apostels naemptlick up een vrydach.
Beschreven zegelstaarten.
kont ende bekennen mit dessen openen breve alle den ghenen deden solen seen offte hoeren lesen dattet echtscap ende hylick tusschen my Hinrick Kater ende juffer Wyggert Lewens
Wigboldes vorscr. suster is gededinget geraempt ende besloten by mande vrende raet ende consent an beiden syden in maneren ende hylixvorwerden hyr na bescreven Inden eersten
genoget elk van beiden parten vorscr. en den guderen die se en malkanderen brengende worden Voert sint hylix vorwerden storve Hinrick Kater vorgen, voer juffer Wygert
vorscr. sunder witlike gheboerte levendich nalatende somsal juffer Wygert vorscr. verbetert ende begavet wesen uut Hinrixs vorscr. guderen hundert rynsen gulde sessnde
twintich groninger stuvers vor datum desbrieffs gemuntet offte payment dat daer guet voer is voer elken gulden gerekent jaerlicker lijffrente To boeren ende to manen
uut syn part van syn salige vaders gudere naemptlike uut Hinricks vorscr. lant inden Paddepoel ende voert over all offt een deel Hinricks vorscr. gudere bynnen ende buten Groningen offt anders wo ende waer an de gelegen mogen wesen ghene daer van uutgenomen daer Juffer Wygert vorscr. jaerlix des best belevet
offte scadeloes gelt mit botbreven offt anders mit wat rechte geestlick offte warlick mit beiden toe saemen offte mit elken besunder dat ene den anderen neet hin-
derende wo Juffer Wygert vorscr. dat best enenkomen sall to manen. Storve oeck Juffer Wygert vorgen. voer Hinrick vorscr. sunder witlike geboerte levendich na
latende so sal Hinrick vorscr. verbetert ende begavet wesen uut Juffer Wygerts vorscr.. guede tsestich rynsen gulden vorscr. paymens jaerliker lyffrenten ende dat to boeren
ende to manen mit sodanen rechte als vorscr. is uut alle offte een deel Juffer Wygerts vorscr. guedere wo ende waer de gelegen sint bynnen ende buten Groningen ghene
daer van uutgenomen daar Hinrick voirscr. dan best enenkomen sall. Storve oeck Hinrick vorscr. voer ende lete levendige kindere nae so solen Juffer Wygert
ende oere kindere alle hoera beider gudere gelike delen dan storven dan de kinderen nae voer hoer moder Juffer Wygert vorgen. so sal se nochtand alsodanen gudere se
dan van Hinrick voegen. gecregen mach hebben mit dat versterff van hoeren kinderen bruken oer levent langh ende neet langer ende tendes hoeren levende so sal dat
selve guet dat van Hinricks syd gekomen is dan weder komen ende erven up Hinricks vorscr. erffgenamen ende dat van Juffer Wygerts syd gekomen is up, Juffer
Wygerdes erffgenamen Storve oeck Juffer Wygert vorscr. voer ende lete levendige kindere na.so solen de kinderen oer moder guet nemen ende Hinrick vorscr. sal al syne
gudere beholden des sal Hinrick vorscr. syn ende Juffer Wygerts vorscr. kindere geen guet ontmaken in hylix vorwerden offt he een ander beraet dede vorder dan na
land rechte geboert uutgenomen een maneerlick lyfftucht de he der vrouwen offte junckfrouwen sal mogen geven by vrunde raet om oeck maneerlyck myt
lyfftucht weder begavet te worden dan storven dan kinderen nae voer Hinrick oeren vader vorgen. se sal he nochtans alsodanen gudere he dan van Juffer Wygert
vorscr. gecregen mach hebn mit dat versterff van sinen kinderen bruken syn levent langk ende neet langer ende tendes sinen levende so sal dat selve guet dat van
Juffer Wygerts syd gekomen is dan weder komen ende arven up Juffer Wygerts vorscr. Erffgenamen ende dat van Hinricks syd gekomen is up Hinricks vorscr. erffgenamen
Voert sint hylix vorwerden In allen gevallen solen alle hoere beider tylbar gude togecoffte offte vertegen guderen by oer beider levende wesen halff ende halff scade ende bate
Storven de kinderen nae oere beider oldere sunder witlike geboerte nalatende solden se hoers vaders guede up svaders syde ende smoders gued up smoders syde erven ten
weer dan in oere hylix vorwerden anders gemaket. Anders solen alle oere beider gude waer de gelegen mogen wesen arven ende ghaen elk weder up de syde daer
se heer gekomen syn. Voert in allen gevallen van versterven ende arven sal Hinrick Kater off syn erffgenamen voer uut hebben syn peerden ende harnasch cledere ende clenodien
to sinen lyve behoerende Des geliken sal juffer Wygert vorscr. off oere erffgenamen to voeren uut hebben alle oere cledere clenodien tot hoeren lyve behorende sunder al argelsit.
In Orkonde der waerheit hebben wy Hinrick Kater, Lluert Kater, Alert Gaykema; Wijbolt Lewe, Hermen Lewe ende Johan ter Borch vorscr. elk onse zegele beneden an
dessen brieff gehangen Ende tot merrer vestnisse hebben wy eenpartliken gebeden den werdigen ende hoechgeleerden heren Meister Willem Frederici doctor ende pastor der
kerken to sunte Merten bynnen Gronyngen als een mede dedinx ende overman van der vorscr. sake dessen brieff mede toe bezegelen Ende Ick Wilhelmus pastor vorgen.
om oere bede wille heb myn Segel mede an dessen brieff gehangen Ghegeven inden Jaere ons heren dusent vyffhundert ende vier des dages na sunte Jacobs dach
des hilligen apostels naemptlick up een vrydach.
Beschreven zegelstaarten.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0005 |
| Regestnr. | 059 |
| Jaar | 1504 |
| Datumcode | cJacobi |