| Nummer:gus0420b | Datum:14. Jan. 1483 | Overlevering:Abschrift | Vindplaats:Rep. 1 (Große Urkundensammlung), inv.nr. 0420 |
Aufzeichnungen über die Lehnsverhältnisse des Gutes Brahe.
Copie dess reversalsbreve offte der huldonge.
Wij Uko, greve yn Oestfrieslant, doen kunt ind bekennen yn dussem breve, dat wij van dem werdigen heren heren Dederich van Gotz gnaeden abbet der fryghen stichten ind steden sunte Ludgers, Werden ind Helmstede, to deynstmansrechte, in medebehoiff myner vrau moider ind broderen Ennen ind Etzardt, intfangen hebbe dat guet ind hoff to Brae mit syner alynger tobehoringe, als mit dem huse Reseken, domo Brederen, domo Siffridi yn Wallage, domo Lumberten Sipenteil, domo Verdeken yn Berwale, domo Siffridi, domo Swenken, domo Hermanni Volleren ibidem, domo Lyffhardi de Wych, curia dicta Velthoff yn Reide, domo Lyffhardyngh, domo Gerhardi tom Staute ibidem, domo Wesseli, domo Hokyngen, dorno Wernhers yn Herbraem, domo Stregekinken, domo Lambertingh, domo Rewerdyng in Asschendorp, domo Snesen in Eyndorp, mansione yn Tuncestorpe, domo in Smerlike cum eorum attinentiis, to deynstmansrechte, my, myner vrau moider Theda ind mynen broderen vurscr. in medebehoiff, tot unsen rechten, myme leven heren den abte ind synen stichten tot oiren rechten, ind yederman synes rechten darane unvertegen; dar wy Uko up gedaen hebben huldynge ind ede gelove ind gesworen lyfflyken ton hilgen, ind gelovet Gode van hemelricke, dem guden hern sunte Ludger, synen stichten, ind myme heren dem abte vurscr. truwe ind hoult to wesen, als eyn deynstman synen heren is schuldich to wesen. Hier over ind ane hebben gewesen dey eirbare ind veste Jurgen Aschebroeck, droest, Johan van Tytz, richter tor tijt to Werden, Roseir Duker, Johan Huge, deynstman sunte Ludgers, ind meir lude genoich. Ind disse toe tuge der wairheit so hebben wy Uko greve vorscr. unse segel an dussen breiff gehangen, ind to merer vestenisse so hebben wij gebeden die eirberen ind veste Jurgen Aschebrock, droest, Johan van Tytz, richter to Werden, Roseir Duker ind Johan Hugen, dat sy oire sigel by dat unse aen dussen breiff willen hangen; dess wij Jurgen Aschebrock, droest, Johan van Tytz, richter, Roseir Duker ind Johan Hugen bekennen ind omme beden willen dess edeln junckheren Uko greve vorser. gerne gedaen hebben. Gegeven yn dem jaere unses Heren dusent vierhundert dry indtachtentich, up deynsdage Post octavas epiphanie Domini.
Wij Uko, greve yn Oestfrieslant, doen kunt ind bekennen yn dussem breve, dat wij van dem werdigen heren heren Dederich van Gotz gnaeden abbet der fryghen stichten ind steden sunte Ludgers, Werden ind Helmstede, to deynstmansrechte, in medebehoiff myner vrau moider ind broderen Ennen ind Etzardt, intfangen hebbe dat guet ind hoff to Brae mit syner alynger tobehoringe, als mit dem huse Reseken, domo Brederen, domo Siffridi yn Wallage, domo Lumberten Sipenteil, domo Verdeken yn Berwale, domo Siffridi, domo Swenken, domo Hermanni Volleren ibidem, domo Lyffhardi de Wych, curia dicta Velthoff yn Reide, domo Lyffhardyngh, domo Gerhardi tom Staute ibidem, domo Wesseli, domo Hokyngen, dorno Wernhers yn Herbraem, domo Stregekinken, domo Lambertingh, domo Rewerdyng in Asschendorp, domo Snesen in Eyndorp, mansione yn Tuncestorpe, domo in Smerlike cum eorum attinentiis, to deynstmansrechte, my, myner vrau moider Theda ind mynen broderen vurscr. in medebehoiff, tot unsen rechten, myme leven heren den abte ind synen stichten tot oiren rechten, ind yederman synes rechten darane unvertegen; dar wy Uko up gedaen hebben huldynge ind ede gelove ind gesworen lyfflyken ton hilgen, ind gelovet Gode van hemelricke, dem guden hern sunte Ludger, synen stichten, ind myme heren dem abte vurscr. truwe ind hoult to wesen, als eyn deynstman synen heren is schuldich to wesen. Hier over ind ane hebben gewesen dey eirbare ind veste Jurgen Aschebroeck, droest, Johan van Tytz, richter tor tijt to Werden, Roseir Duker, Johan Huge, deynstman sunte Ludgers, ind meir lude genoich. Ind disse toe tuge der wairheit so hebben wy Uko greve vorscr. unse segel an dussen breiff gehangen, ind to merer vestenisse so hebben wij gebeden die eirberen ind veste Jurgen Aschebrock, droest, Johan van Tytz, richter to Werden, Roseir Duker ind Johan Hugen, dat sy oire sigel by dat unse aen dussen breiff willen hangen; dess wij Jurgen Aschebrock, droest, Johan van Tytz, richter, Roseir Duker ind Johan Hugen bekennen ind omme beden willen dess edeln junckheren Uko greve vorser. gerne gedaen hebben. Gegeven yn dem jaere unses Heren dusent vierhundert dry indtachtentich, up deynsdage Post octavas epiphanie Domini.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0420 |
| Jaar | 1483 |
| Datumcode | MpoEpipha |
x
| Afbeelding 1 | |
|---|---|
| Commentaar | Fol. [1]r |
| Afbeelding 2 | |
| Commentaar | Fol. [1]v |
| Afbeelding 3 | |
| Commentaar | Fol. [1]r. Sicherheitsverfilmung |
| Afbeelding 4 | |
| Commentaar | Fol. [1]v. Sicherheitsverfilmung |