Der Pfarrer Bouwe in Fletum beurkundet die Schenkung von Grundbesitz durch Wemme an das Kloster Langen.

Ick Bouwe, kerckheer to Flietum, betuge openbaer voir alsweem, dat Wemme saligher ghedachtenisse, Gherlt Sceltgens echte huusvrou, heeft ghegheven in eer leste myt vryen wyl ende walberaden moede om hoerer sielen salicheit wyl den cloester te Langermoniken ses grees lands nae utwysinghe hoers testaments, welke land is ghelegen mytter eenre syde sen Yldermoniken land, ende mytter ander syde aen Langermoniken land aen Popswal, welke testament ic her Bouwe voirbenant selve ut hoeren monde ghescreven heb, doe sy wittelic by horen vyf sinnen was, Ende om meerte vestinge unde waerheyt soe heeft dese selve Wemme voirben. voir waerachtige tuge hierto gheropen unde ghebeden, als by naem Haytet to Nes, Claes Huer[*], huerman, unde Gheryt ende Hynrick to Flietum. Ende op dat dese punten ende articulen waerachtigher moighen wesen, so heb im Bouwe, herckheer voirben, , myn ingesegel ghehangen aen dessen brieff. Ist jaer ans Besen dusent vierhondert ende vierentachtentich, op sunte Jacobs dach apostoli.

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0645
Jaar	1484
Datumcode	Jacobi

x

x

x

Commentaar	Anhängende Siegel beschädigt erhalten.

x

Edities	Editie naar dit exemplaar: oub1141.