Merkelt Enghena in Blandorf sowie Tyarck Mersen und Hayghe Ghermers in Norden tauschen mehrere Grundstücke und stiften eine Memorie im Kloster Coldinne.

In den name Godes, Amen. Na der bort Christi onses Heren dusent vierhondert ende seven ende achtentich, des anderen daghes na onser liever Vrowen hemelvaert, quamen overeen die vrome mannen Merkelt Enghena to Blandorpe[*] mit Tyarck Mersen ende Hayghen Ghermers, sinen swagher, woenende to Norden, also dat se ghewelvet ende ghebutet hebben mit lande, want Merkelt voerscreven ghift Tyarck ende Hayghen voerscreven vijf diemete in Gaster meyde ende een halve dimete ackerlandes opter Gast beleghen, voer achte dimete meydelandes, beleghen in Blandorper meyde, op sodane vorwart, dat Merkelt voerscreven die achte dimete lovede to gheven in der ere Godes int cloester to Coldinnen; so belevede Tyarck ende Hayghen voerscr. de bute ende ghewelf, des oer lant beter ware dan Merkelts, dattet totter ere Godes quame int cloester to Coldinnen voerscreven, ende se daer een ewighe memorie voer helden in oer sielenboeck voer Merkelt, Tyarck ende Hayghen ende oere gheslechte. Dat dit waer is, daer hebben an ende over gheweset die vrorne mannen Manne Eerkena, Wille Tirling, Poppe Ymelen Tirlinch ende ander eerbare lude ghenoch. Toe merer tuchnisse der waerheit synt deser certen twe, die twe uten anderen ghesneden, doer de hilghe namen Jhesus, Maria ende Anna, ende all eens ludende. Die ene certe hebbe ick Merkelt Enghena bi my, ende die ander hevet Tyarck ende Hayghen bi sick.

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0730
Jaar	1487
Datumcode	cAssMar

x

x

x

Commentaar	Certerform.

x

Edities	Editie naar dit exemplaar: oub1191.