Der Häuptling Sybrand Brunghersna verkauft der Kommende Abbingwehr die Grundstücke seines Vaters im Uttumer Hammrich.
Sybrandus Brunghersna capitalis in Laquerth[*] ad universorum noticiam ac singulorum cognicionem cupio devenire publice eognoscendo, quod domino Hermanno commendatori et conventualibus beati Johannis in Abingwere iusto ac rato vendicionis titulo animo deliberato, maturo consilio prehabito ac propria voluntate, omnia predia patris mei Brungheri in hamrika Uttum situata, primo 10 graminata in Clay-ekrar, [*] item in Dyc-ekrar[*] tria graminata absque quarta parte, item iuxta Aldaburch[*] tria graminata, oppa Aldaburch tres partes graminis unius, item sex graminata eta Rima Weysend, [*] item in Rima 10 cum dimidio graminata, vendidi cum favore, que quidem mihi ad mee voluntatis arbitrium graciose ac plenarie persolverunt; dans ex hoc prefatis conventualibus et domino Hermanno hereditatem predictam possidendi, vendendi seu alienandi aut quovis modo faciendi plenariam et meram in omnibus huiusmodi potestatem. In huius rei evidentiam sigillum meum cum sigillis reverendorum dominorum abbatis in Syle[*] et Fredardi vicedecani in Rysinghum[*] Ulbodique curati in Laquerth testimonialiter duxi appendenda. Datum anno Domini Mo CCCCo IIII.
