| Nummer:gus0766a | Datum:5. Dez. 1499 | Overlevering:Original | Vindplaats:Rep. 1 (Große Urkundensammlung), inv.nr. 0766 |
Graf Edzard I. von Ostfriesland bestätigt die Inkorporation der Häuser Hasselt, Hesel und Boekzetel der Kommende Abbingwehr.
Wy Edezardt, grave tho Oestfriesslanndt etc., bekennen mit desen unsen openen besegelden breve voir uns, unse erven, nakomelinge unde alssweme, dat wy szodanne incorporatien der hueszere sunte Johannssorden tho Haszell, Heszell unde Boickzete to Abingewere, unde alle inhollt deses principaillbreves, dair unse transfixe is doirgetogene, mede hebbn belevet, confirmeret unde approberet, beleven, approberen unde confirmeren mit jegenwordigen, to ewigen tiden vast unvorbroken to bliven, unde holden als dese principaillbrieff vermeldet, uns unde den unsen ungeverlig. Des to urkunde der wairheit hebbn wy unse ingesegell an dit jegenwordige unse transfixe heten hangene. Amme avende Nicolai episcopi, anno etc. LXXXXIXo.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0766 |
| Jaar | 1499 |
| Datumcode | vNicola |