Wy borgermestere ende Raed in Groningen betugen myt dessen openen breve dat voer ons is gekomen
Alryck Borcharda to Warphum ende bekande voer em ende synen erffgenamen dat hie hefft verkofft
upgedragen ende overgegheven Abelo Tammynga ende synen erffgenamen alsodanen reetschap ruu ende
bloet also daer valt up Hayema heert in Lydense rechtschape geliken salge Wybbe Hayema
by synen levende dat plach to gebruken ende na syn overlyden up Alrych vorscreven verarvet hefft
myt allen rechte ende eygendome eweliken ende erffliken to bruken ende to besitten ende synen
vryen wyllen dar myt moghen done voer ene summe geldes de Alryck Borcharda vorscreven
bekande dat em vull ende all is betalt sunder alle argelist. Dat orkonde wy myt onsen
stad zeghell. Ghegeven in den jaer onses heren dusent veerhundert vyff ende twintich in sunte
Urbanus daghe do Renold Hughinge, Bruen Klynge, Henric ter Bruggen ende Dytmar
Rengers borgermestere waeren onser stad.
Zegel verloren.

x

x

Archief	Groninger Archieven
Fonds	H.A. Farmsum
Toegangsnummer	619
Inventarisnr.	0835c
Regestnr.	044
Jaar	1425
Datumcode	Urbani

x

x

Materiaal	perkament