| Nummer:haf180 | Datum:28 febr. 1478 | Overlevering:Origineel | Vindplaats:H.A. Farmsum, inv.nr. 0785, reg. 180 |
Wij David van Bourgonden bijder genaden Goits bijsscop tUtrecht maken kont allen luden dat voer Wijcher Poppe, Steven vander Borch ende Johan Renghers
vanden Poste onse ende onss gestichts leenmanne bij ons dair toe gemechtiget gecomen is Johan Hoerneken onse man ende droech ons op in Wijchers voirscreven als
onsen handen mit sijnen vrien moetwille dat guet geheiten Nydinge guet off Henrick Everts soens guet gelegen bynnen onser stad van Groningen op
Folkerdinge strate huerne streckende aen Werner Smedes huys ende achter aen Lubbert Sickinges erve ende voert mit allen sijnen toebehoeren bynnen ende buten
onser stat voirscreven. Ende Johan voirscreven geng dat erve als voirscreven uut ende verteech dair aff claerliken als onse manne wijsden dat recht was ende hie sculdich
waer te doen soe dat dair niet meer aen en behielt noch wachtende en was ende wij onsen vrijen wille daer mede doen mochten. Dit geschiede bynnen
onser stat voirscreven int jaer onss heren dusent vierhondert achtendetsoeventich opten sestiensten dach in februario gelijc ons dat getoent is bij segele ende
brieve bij Wijcher, Steven ende Johan voirscreven mit hoeren segelen gans ende gave wail besegelt. Hier nae voer ons ende onse manne naebescreven comende Werner
Poppe hebben wij den selven tot behoeff des cloesters ende convents van Jesse ende suster Mette, suster van Johan Hoerneken voirscreven conventuael professyt inden
selven cloester, dit voirscreven erve verlijet ende beleent, verlijen ende belenen mit desen onsen brieve te holden tot behoeff als voirscreven van ons ende onsen gestichte
in allen manieren als Johan voirscreven dat geholden heeft ende men onss gestichts leen mit rechte sculdich is te holden. Mit voirwerden oft Werner voirscreven
deser beleninge verdragen wolde wesen ende oic anders sijnre doet dat alsdan dat voirscreven convent ons enen waill geboeren dienstman onse
gestichts tijtlyke presentieren sullen dat voirscreven leen indien sy dat noch hadden tot hoire behoeff mit heergewaden geborelike te ontfangen ende anders altijt
te doene dat des geboerlike sijn sall ende oick mit voerwerden dat dat voirscreven convent tusschen dit ende twee jaeren lang nae dode van suster Mette voirscreven dat
voirscreven erve weder aen enen geboerlijken werliken dienstman brengen sullen dat alsdan van ons oft onsen nakomelingen bijsscopen tUtrecht voert aen
te ontfangen ende te lene te houden als van onse ende onss gestichts lene geboerlike is te geschien behoudelicke ons onsen gestichte ende malck syns rechts.
Hier waeren over ende aen onse lieve getruwe Raet ende hoevemeister Roeloff van Bevervoerde, Hermen van Isselmuden onse manne ende meer gueder
lude. In oirkonde sbriefs besegelt mit onsen segell Gegeven op onsen Slote tot Duersteden int jaer onss heren dusent vierhondert acht ende
tsoeventich opten lesten dach in februario.
vanden Poste onse ende onss gestichts leenmanne bij ons dair toe gemechtiget gecomen is Johan Hoerneken onse man ende droech ons op in Wijchers voirscreven als
onsen handen mit sijnen vrien moetwille dat guet geheiten Nydinge guet off Henrick Everts soens guet gelegen bynnen onser stad van Groningen op
Folkerdinge strate huerne streckende aen Werner Smedes huys ende achter aen Lubbert Sickinges erve ende voert mit allen sijnen toebehoeren bynnen ende buten
onser stat voirscreven. Ende Johan voirscreven geng dat erve als voirscreven uut ende verteech dair aff claerliken als onse manne wijsden dat recht was ende hie sculdich
waer te doen soe dat dair niet meer aen en behielt noch wachtende en was ende wij onsen vrijen wille daer mede doen mochten. Dit geschiede bynnen
onser stat voirscreven int jaer onss heren dusent vierhondert achtendetsoeventich opten sestiensten dach in februario gelijc ons dat getoent is bij segele ende
brieve bij Wijcher, Steven ende Johan voirscreven mit hoeren segelen gans ende gave wail besegelt. Hier nae voer ons ende onse manne naebescreven comende Werner
Poppe hebben wij den selven tot behoeff des cloesters ende convents van Jesse ende suster Mette, suster van Johan Hoerneken voirscreven conventuael professyt inden
selven cloester, dit voirscreven erve verlijet ende beleent, verlijen ende belenen mit desen onsen brieve te holden tot behoeff als voirscreven van ons ende onsen gestichte
in allen manieren als Johan voirscreven dat geholden heeft ende men onss gestichts leen mit rechte sculdich is te holden. Mit voirwerden oft Werner voirscreven
deser beleninge verdragen wolde wesen ende oic anders sijnre doet dat alsdan dat voirscreven convent ons enen waill geboeren dienstman onse
gestichts tijtlyke presentieren sullen dat voirscreven leen indien sy dat noch hadden tot hoire behoeff mit heergewaden geborelike te ontfangen ende anders altijt
te doene dat des geboerlike sijn sall ende oick mit voerwerden dat dat voirscreven convent tusschen dit ende twee jaeren lang nae dode van suster Mette voirscreven dat
voirscreven erve weder aen enen geboerlijken werliken dienstman brengen sullen dat alsdan van ons oft onsen nakomelingen bijsscopen tUtrecht voert aen
te ontfangen ende te lene te houden als van onse ende onss gestichts lene geboerlike is te geschien behoudelicke ons onsen gestichte ende malck syns rechts.
Hier waeren over ende aen onse lieve getruwe Raet ende hoevemeister Roeloff van Bevervoerde, Hermen van Isselmuden onse manne ende meer gueder
lude. In oirkonde sbriefs besegelt mit onsen segell Gegeven op onsen Slote tot Duersteden int jaer onss heren dusent vierhondert acht ende
tsoeventich opten lesten dach in februario.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0785 |
| Regestnr. | 180 |
| Jaar | 1478 |
| Datumcode | 2802 |