| Nummer:haf295 | Datum: | Overlevering:Origineel | Vindplaats:H.A. Farmsum, inv.nr. 0706, reg. 295 |
Ick Wijllem Wygherynge bekenne ende betuge mijt dessen oppenen breve dat Ick hebbe
verkofft uppghedragen
ende over ghegeven Albert tho Byllyngeweer ende synen erffgenamen ses arnemse gulden erffliker renten teyn gronnynger
stuvers voer datum desses breves ghemunttet offte payement dat dar ghuet voer ys voer elken ghulden ghereckent
jarlikes to vrygmarkede to betalen vryg schadelos ghelt to boeren ende to manen vryg tho waren uth dat
hoff bueten Botterynge poerte ghelegen by de Brunne ghelegen tusschen twe straten de norder swette streckende
an Arnt Ulgher kamp en off Albert voerscr. dar nycht bekomen ende konde so mach Albert voerscr. manen
over Wyllems ander ghuderen waer de ghelegen synnen Hyr ys to ghesprocken dat Wyllem voerscr. offte synen
erffgenamen desse voerscr. ses arnemse gulden renten mogen afflossen alle vrygmarkede myt hundert arnemse gulden als hem
des belevet myt der voeller rentte sunder arghelyst Dyt Orkunde Ick Wyllem Wycherynge myt
myn segel an dessen breff doen hangen Ghescreven Inden jaer ons dusent vyffhundert sesentwyntijch
manendages na Marien geborte te vrygmarckede.
verkofft uppghedragen
ende over ghegeven Albert tho Byllyngeweer ende synen erffgenamen ses arnemse gulden erffliker renten teyn gronnynger
stuvers voer datum desses breves ghemunttet offte payement dat dar ghuet voer ys voer elken ghulden ghereckent
jarlikes to vrygmarkede to betalen vryg schadelos ghelt to boeren ende to manen vryg tho waren uth dat
hoff bueten Botterynge poerte ghelegen by de Brunne ghelegen tusschen twe straten de norder swette streckende
an Arnt Ulgher kamp en off Albert voerscr. dar nycht bekomen ende konde so mach Albert voerscr. manen
over Wyllems ander ghuderen waer de ghelegen synnen Hyr ys to ghesprocken dat Wyllem voerscr. offte synen
erffgenamen desse voerscr. ses arnemse gulden renten mogen afflossen alle vrygmarkede myt hundert arnemse gulden als hem
des belevet myt der voeller rentte sunder arghelyst Dyt Orkunde Ick Wyllem Wycherynge myt
myn segel an dessen breff doen hangen Ghescreven Inden jaer ons dusent vyffhundert sesentwyntijch
manendages na Marien geborte te vrygmarckede.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0706 |
| Regestnr. | 295 |
| Jaar | 1526 |
| Datumcode | LpNatMar |