| Nummer:hal177 | Datum: | Overlevering:Origineel | Vindplaats:H.A. Lulema, inv.nr. 0177 |
Wy borghemestere ende raedt yn Groeninghen betueghen myt desen openen breve dat vor uns ys ghekomen de erbare vrouwe Gese Lewens ende
bekande vor hoer ende hoerer arffghenamen dat se myt ghueden voirberaden moede uuth sunderlinghe oirsake hebbe ghegeven ende ghyfft yn cracht
desses breves rede uuth der handt Gese ende Eemke Tammynga, Abel Tammynge ende salighe Annen, Enno tho Tzolwerts dochter, kynderen
dese naebeschreven landen ende ghoederen. In den eersten eersten [sic!] dat hues myt dat hoff ende hoffstede myt de hemynge tho Godtlynse, so
ghuedt ende quaet, so groet ende cleen dat daer gheleghen ys, oick myt de voernste karckstoelte staende yn der karcken voir an yn 't noirden
voer unser lever vrouwen altaer, daertho myt een sitten achter an sunte Anthonius altaer. Item dat heem dat daerup strecket an
de karckgracht, daer Abel Jantzen yn 't oesten ende de ghemene wech up 't westen bij gheleghen ys. Bet veer grase valge daer de
Ripperda jufferen yn 't noirtoest bij tho swette leggen. Bet een gras landes daer Abel Jantzen yn 't oesten bij ghelandet ys. Item vijff grasen
landes, daer up 't oesten bij gheswettet ys Frebes Ennens. Item veertyn grase naest bij de vijff grase gheleghen, noch ses grasen landes naest
an de veertyn grasen ter swette. Bet een venne van veer grasen landes daer Abel Jantzen up 't noerden naest an gheleghen ys. Item twalff
grase hoylandes up 't myddelpart yn een venne van achteyn deymat, noch de hemynge myt alle de landen tho Reyde ghelegen de men
bevraghen kan, de vrouw Lewens vors. tho komen. Also dat de kynderen vors. dat voirbenoempte hues end heminge myt alle de vorg.
landen ende ghuederen van stunden an soelen moeghen antasten ende arfflick hoir vrije wille daermede tho doen sunder enich
wederseggen van vrouw Lewens vors. off hoer arffg., doch up vorworden naebes. so wat lasten van dijken, weghen, maren
off anders up de vors. landen ende ghoederen vallen, de soelen daerup nae advenandt blijven bestaen, wederum oick so wat
bate men daerup tot enighen tijden berekenen kan hetsij van anslach off anders saeken de kynder na advenandt mede gheneten.
Oick sullen de vorg. kynderen offte hoir arffghenamen thostaen Popko Ewens een notwech van veerteyn grasen gheleghen yn twe vennen
doir desse vorg. landen. Noch sullen de vors. kynderen offte hoir arffg. thostaen Aylste Zolwers een notwech van wegen teyn grasen
gheleghen yn dre vennen, als twe vennen van vijff grasen ende een venne van negen grasen. Noch ys yn dese beghyfftinghe bescheyden offt ene
van vors. kynderen sunder wytlike gheboerte van syck nalatende verstorve, sall de dode up die levendighen sijn anpart voirt verarven.
Storven se oick beyde ende gheen kyndt off kynderen van sick yn den levende achterleten, solen de vors. landen end ghoederen arven end ver-
starven neet up der kynder vors. vrunden dan up Claes Kater end Everdt Clandt tho gheliker dele ende hoerer twyer arfghenamen
offschoen oeck Claes Cater ende Everdt Clandt alsdan muchten wesen verstorven off ene van hem beyden, solen nochtans des doden
arfghenamen yn de stede staen ende gheneten ghelick de levendighe solde ghedaen hebben. Noch ys bescheyden dat de vors. kynderen uuth dese
vorgenoempte ghuederen hoir moeijen tho Oldencloister juffer Haye ende Grete tho Solwerdt tot ene gheheichnisse van vrouw Lewen
vors. jaerlixs soelen gheven dre rider ghulden lijfftucht so langhe de moeyen beyde offt hoerer ene yn den levende ys ende neet langher.
Oeck ys persoenlick vor uns ghekomen juffer Ode Lewens, vrow Gese Lewens dochter, als hoers moders rechte naeste arffghename ende hefft vor
hoir ende hoeren arffg. yn dese beghyfftinghe vors. yn alle sijnen puncten ende articulen bewillighet ende consenteert. Sunder argelist.
Dat oirkunde wij myt unser stadt seghell. Gegeven in den jaer uns Heren dusent viffhundert soevenendeveertich, woensdaech nae
Decollationis Johannis Babtiste, do Everdt Mepsche, Reynt Albarda, olde Johan Hoernken ende Johan Sickynge borgermesteren waren unser
stadt.
bekande vor hoer ende hoerer arffghenamen dat se myt ghueden voirberaden moede uuth sunderlinghe oirsake hebbe ghegeven ende ghyfft yn cracht
desses breves rede uuth der handt Gese ende Eemke Tammynga, Abel Tammynge ende salighe Annen, Enno tho Tzolwerts dochter, kynderen
dese naebeschreven landen ende ghoederen. In den eersten eersten [sic!] dat hues myt dat hoff ende hoffstede myt de hemynge tho Godtlynse, so
ghuedt ende quaet, so groet ende cleen dat daer gheleghen ys, oick myt de voernste karckstoelte staende yn der karcken voir an yn 't noirden
voer unser lever vrouwen altaer, daertho myt een sitten achter an sunte Anthonius altaer. Item dat heem dat daerup strecket an
de karckgracht, daer Abel Jantzen yn 't oesten ende de ghemene wech up 't westen bij gheleghen ys. Bet veer grase valge daer de
Ripperda jufferen yn 't noirtoest bij tho swette leggen. Bet een gras landes daer Abel Jantzen yn 't oesten bij ghelandet ys. Item vijff grasen
landes, daer up 't oesten bij gheswettet ys Frebes Ennens. Item veertyn grase naest bij de vijff grase gheleghen, noch ses grasen landes naest
an de veertyn grasen ter swette. Bet een venne van veer grasen landes daer Abel Jantzen up 't noerden naest an gheleghen ys. Item twalff
grase hoylandes up 't myddelpart yn een venne van achteyn deymat, noch de hemynge myt alle de landen tho Reyde ghelegen de men
bevraghen kan, de vrouw Lewens vors. tho komen. Also dat de kynderen vors. dat voirbenoempte hues end heminge myt alle de vorg.
landen ende ghuederen van stunden an soelen moeghen antasten ende arfflick hoir vrije wille daermede tho doen sunder enich
wederseggen van vrouw Lewens vors. off hoer arffg., doch up vorworden naebes. so wat lasten van dijken, weghen, maren
off anders up de vors. landen ende ghoederen vallen, de soelen daerup nae advenandt blijven bestaen, wederum oick so wat
bate men daerup tot enighen tijden berekenen kan hetsij van anslach off anders saeken de kynder na advenandt mede gheneten.
Oick sullen de vorg. kynderen offte hoir arffghenamen thostaen Popko Ewens een notwech van veerteyn grasen gheleghen yn twe vennen
doir desse vorg. landen. Noch sullen de vors. kynderen offte hoir arffg. thostaen Aylste Zolwers een notwech van wegen teyn grasen
gheleghen yn dre vennen, als twe vennen van vijff grasen ende een venne van negen grasen. Noch ys yn dese beghyfftinghe bescheyden offt ene
van vors. kynderen sunder wytlike gheboerte van syck nalatende verstorve, sall de dode up die levendighen sijn anpart voirt verarven.
Storven se oick beyde ende gheen kyndt off kynderen van sick yn den levende achterleten, solen de vors. landen end ghoederen arven end ver-
starven neet up der kynder vors. vrunden dan up Claes Kater end Everdt Clandt tho gheliker dele ende hoerer twyer arfghenamen
offschoen oeck Claes Cater ende Everdt Clandt alsdan muchten wesen verstorven off ene van hem beyden, solen nochtans des doden
arfghenamen yn de stede staen ende gheneten ghelick de levendighe solde ghedaen hebben. Noch ys bescheyden dat de vors. kynderen uuth dese
vorgenoempte ghuederen hoir moeijen tho Oldencloister juffer Haye ende Grete tho Solwerdt tot ene gheheichnisse van vrouw Lewen
vors. jaerlixs soelen gheven dre rider ghulden lijfftucht so langhe de moeyen beyde offt hoerer ene yn den levende ys ende neet langher.
Oeck ys persoenlick vor uns ghekomen juffer Ode Lewens, vrow Gese Lewens dochter, als hoers moders rechte naeste arffghename ende hefft vor
hoir ende hoeren arffg. yn dese beghyfftinghe vors. yn alle sijnen puncten ende articulen bewillighet ende consenteert. Sunder argelist.
Dat oirkunde wij myt unser stadt seghell. Gegeven in den jaer uns Heren dusent viffhundert soevenendeveertich, woensdaech nae
Decollationis Johannis Babtiste, do Everdt Mepsche, Reynt Albarda, olde Johan Hoernken ende Johan Sickynge borgermesteren waren unser
stadt.
x
| Archief | Groninger Archieven |
|---|---|
| Fonds | H.A. Lulema |
| Toegangsnummer | 622 |
| Inventarisnr. | 0177 |
| Jaar | 1547 |
| Datumcode | EpDecJoh |