| Nummer:han012 | Datum:1512 | Overlevering:Origineel | Vindplaats:H.A. Nienoord, inv.nr. 12 |
Koopbrief, waarbij Clawes Buwenz en Yeselle zijne echtg. verkoopen aan Pape op der Lynden en Frouwe zijne echtg. een erf lands op de Lynde, benevens landen in de Broeckhorne, in Noordwijker Broeck, in Rytsemaweert te Luuxwolde.
Ick Hermen Bennekema, grietman in Vredewolt, vanwegen mijns g. h. bekenne myt dessen openen breve
dat voer my sint ghekomen Clawes Buwenz. ende Yeselle, zijn huusfrouwe, ende bekanden voer hem ende oeren
erffgen. dat sie hadden vorkofft, opgedragen ende overgegeven Papen op der Lynden ende Frouwen, zijnre huusfrowen
ende oeren erffgen. een arve landes soe luttick ende groet als Clawes ende Yesele dat liggen hadden in den karspell toe
Marum gheheten op de Lynden als Papo ende Frowe dat in voirtijden van hem in der huere ghehatt hadden myt soda-
ne hues als daerop steet myt stock, struuck, hemynghe, thunynghe myt alle dat eertvast ende nagelvast is in den
voirs. huusinghe ende hemynghe. Noch beth dat landt bij de zuuderzijdt de Hoernen, soe luttick ende groet als dat gelegen is.
Item noch beth een stucke maetlandes van twe grasen ghelegen in de Broeckhorne daer Hoyt op Ackeren naest
bij ghelandet is op de noerderzijdt. Item noch beth een grass maetlandes in Noertwijckmer Broeck ghelegen, daer Marum-
mer hillighen op beyden tzijden naest by ghelandet sint. Item noch beth eene venne landes van dre grasen toe
Luuxwolde ghelegen in Rytsema weer, op ende uuth van den dijcksloet an de Ee, daer Poppe Honsemma naest bij
ghelandet is op de oesterzijdt ende Luuxwoldemer hillighen op de westerzijdt, vrij ende quijt, ewelicken ende erfflicken
dyt voirs. landt ende arve toe brucken ende toe besitten oeren vrijen wyllen daermede toe done ende vrij toe waren voer
alle ansprake voer eene summe van pennynghen de wij Clawes en Yesele voirg. bekanden dat hem vull ende all
betaelt was den lesten pennynck mitten eersten. Sunde alle argelist. Dyt oirkonde ick grietman voirg. myt
des ghemeenen landes zegell van Vredewolt beneden an dessen brieff ghehangen. Ghegeven in den jaer ons Heren
dusent vijffhondert ende twaleff, des dinxdages nae Pinxteren.
dat voer my sint ghekomen Clawes Buwenz. ende Yeselle, zijn huusfrouwe, ende bekanden voer hem ende oeren
erffgen. dat sie hadden vorkofft, opgedragen ende overgegeven Papen op der Lynden ende Frouwen, zijnre huusfrowen
ende oeren erffgen. een arve landes soe luttick ende groet als Clawes ende Yesele dat liggen hadden in den karspell toe
Marum gheheten op de Lynden als Papo ende Frowe dat in voirtijden van hem in der huere ghehatt hadden myt soda-
ne hues als daerop steet myt stock, struuck, hemynghe, thunynghe myt alle dat eertvast ende nagelvast is in den
voirs. huusinghe ende hemynghe. Noch beth dat landt bij de zuuderzijdt de Hoernen, soe luttick ende groet als dat gelegen is.
Item noch beth een stucke maetlandes van twe grasen ghelegen in de Broeckhorne daer Hoyt op Ackeren naest
bij ghelandet is op de noerderzijdt. Item noch beth een grass maetlandes in Noertwijckmer Broeck ghelegen, daer Marum-
mer hillighen op beyden tzijden naest by ghelandet sint. Item noch beth eene venne landes van dre grasen toe
Luuxwolde ghelegen in Rytsema weer, op ende uuth van den dijcksloet an de Ee, daer Poppe Honsemma naest bij
ghelandet is op de oesterzijdt ende Luuxwoldemer hillighen op de westerzijdt, vrij ende quijt, ewelicken ende erfflicken
dyt voirs. landt ende arve toe brucken ende toe besitten oeren vrijen wyllen daermede toe done ende vrij toe waren voer
alle ansprake voer eene summe van pennynghen de wij Clawes en Yesele voirg. bekanden dat hem vull ende all
betaelt was den lesten pennynck mitten eersten. Sunde alle argelist. Dyt oirkonde ick grietman voirg. myt
des ghemeenen landes zegell van Vredewolt beneden an dessen brieff ghehangen. Ghegeven in den jaer ons Heren
dusent vijffhondert ende twaleff, des dinxdages nae Pinxteren.
x
| Archief | Groninger Archieven |
|---|---|
| Fonds | H.A. Nienoord |
| Toegangsnummer | 626 |
| Inventarisnr. | 12 |
| Jaar | 1512 |
| Datumcode | MpPentec |
x
| Commentaar | met het uithangend zegel van Vredewold, verzegeld door Hermen Benckema, grietman in Vredewold |
|---|