| Nummer:jag006 | Datum: | Overlevering:Origineel | Vindplaats:Arch. Jacob- en Annagasthuis, inv.nr. 0001, reg. 006 |
Wy Borgermesteren ende Raedt in Gronyngen betugen mit dessen openen breve dat voir onss is gekomen Luken Clant ende bekande voer em ende sine erffgenamen dat hie
heff verwisselt ende in enen rechten coup opgedragen ende overgegeven Jacob Grovens ende synen erffgenamen een lege stede gelegen toe noerden byde ae streckende sich
oestwert an Jacobss vorss gasthuuss ende westwert an Grete Clantess erve Beholdelick Grete Clantess vorss ende oeren erffgenamen een stucke erves van de lege stede vorss alsoe
veer als dat nu ter tyt off gemuert is ende zuutwert ande stadt strate ende noertwert an houten erve dat nu ter tyt Jacob vorss toe behoert vry ende quyt erff-
licken ende ewlicken toe bruken ende toebesitten ende vry erfflicken toe waren ende ene summe geldes daer toe de Jacob vorss bekande dat em vull ende all betaelt
is als voir twe deymet landes soe als de liggende sint op godhus uterdyck daer Luken vorss selven naest by ter zwette gelandet is op zuider syde ende op de
noerder syde ende Eggerick Ripperda op de wester syde ende Tiabbe Ebbens mit sine medesyden op de oestersyde de Jacob vorss bekande voir em ende sine erffgenamen
daer weder voir hefft opgedragen ende overgegeven Luken vorss ende sinen erffgenamen vry ende quyt erfflicken ende ewelicken van toe waren sonder argelist
Dat orkonde wy mit onss Stadt Segell Ghegeven in den jaer onss heren dusent vierhondert ende eenendetnegentich des donderdages nae sunte
margaretendach virginess doe Garmet Allema, Herman Potter, Henrick Raborges, Herman Lewe Borgermeisteren waren onss Stadt.
heff verwisselt ende in enen rechten coup opgedragen ende overgegeven Jacob Grovens ende synen erffgenamen een lege stede gelegen toe noerden byde ae streckende sich
oestwert an Jacobss vorss gasthuuss ende westwert an Grete Clantess erve Beholdelick Grete Clantess vorss ende oeren erffgenamen een stucke erves van de lege stede vorss alsoe
veer als dat nu ter tyt off gemuert is ende zuutwert ande stadt strate ende noertwert an houten erve dat nu ter tyt Jacob vorss toe behoert vry ende quyt erff-
licken ende ewlicken toe bruken ende toebesitten ende vry erfflicken toe waren ende ene summe geldes daer toe de Jacob vorss bekande dat em vull ende all betaelt
is als voir twe deymet landes soe als de liggende sint op godhus uterdyck daer Luken vorss selven naest by ter zwette gelandet is op zuider syde ende op de
noerder syde ende Eggerick Ripperda op de wester syde ende Tiabbe Ebbens mit sine medesyden op de oestersyde de Jacob vorss bekande voir em ende sine erffgenamen
daer weder voir hefft opgedragen ende overgegeven Luken vorss ende sinen erffgenamen vry ende quyt erfflicken ende ewelicken van toe waren sonder argelist
Dat orkonde wy mit onss Stadt Segell Ghegeven in den jaer onss heren dusent vierhondert ende eenendetnegentich des donderdages nae sunte
margaretendach virginess doe Garmet Allema, Herman Potter, Henrick Raborges, Herman Lewe Borgermeisteren waren onss Stadt.
x
| Archief | Groninger Archieven |
|---|---|
| Fonds | Arch. Jacob- en Annagasthuis |
| Toegangsnummer | 1463 |
| Inventarisnr. | 0001 |
| Regestnr. | 006 |
| Jaar | 1491 |
| Datumcode | JpMargar |