| Nummer:kfh056 | Datum: | Overlevering:Origineel | Vindplaats:Arch. Klerken- en fraterhuis, inv.nr. 0158, reg. 056 |
Wy borgeremestere ende Raed in Groningen betugen myt dessen openen breve dat voer ons sint gekomen
Lyse salige Herman Jarichs wedewe ende Luken salige Albert Jarichs wedewe samentlike bekennende
voer em ende oeren erffgenamen dat sie hebben upgedragen ende omme salicheyt oere zelen vry ende
quyt overgegeven tot een ewich testament heren Adulfo rector inder tyt des clerchuuses achter
sunte Walburge kerke in onser stad ende den gemenen broders aldaer ende oeren naekomelingen die
twedeell van enen franxschen olden schilt rente welke olde franxsche schilt Odeken Jarichs
saliger gedachte Lysens ende Lukens vorscr. manne moder was Voertydes den vorscr. clerchuuses tot
enen ewigen testamente hevet gegeven Also Lyse ende Luken voerscr. voer ons bekanden alze erffgenamen
mede tot saligen Odekens guede vorscr. jaerlix te boren ende te manen ewichliken ende erffliken
myt allen rechte ende eygendome uut Alert knokenhouwers huus in die Oesterstrate sunder
alle argelist Dat Orkunde wy myt onser stad zegell Ghegeven inden jair ons heren dusent vier
hundert vyff ende vyfftich des vrydages nae sunte Margarieten dach Do Henrick Kater, Gosen
vanden Grave, Clawes van Banlo ende Evert Hubbeldinge borgermestere waeren onser Stad.
Lyse salige Herman Jarichs wedewe ende Luken salige Albert Jarichs wedewe samentlike bekennende
voer em ende oeren erffgenamen dat sie hebben upgedragen ende omme salicheyt oere zelen vry ende
quyt overgegeven tot een ewich testament heren Adulfo rector inder tyt des clerchuuses achter
sunte Walburge kerke in onser stad ende den gemenen broders aldaer ende oeren naekomelingen die
twedeell van enen franxschen olden schilt rente welke olde franxsche schilt Odeken Jarichs
saliger gedachte Lysens ende Lukens vorscr. manne moder was Voertydes den vorscr. clerchuuses tot
enen ewigen testamente hevet gegeven Also Lyse ende Luken voerscr. voer ons bekanden alze erffgenamen
mede tot saligen Odekens guede vorscr. jaerlix te boren ende te manen ewichliken ende erffliken
myt allen rechte ende eygendome uut Alert knokenhouwers huus in die Oesterstrate sunder
alle argelist Dat Orkunde wy myt onser stad zegell Ghegeven inden jair ons heren dusent vier
hundert vyff ende vyfftich des vrydages nae sunte Margarieten dach Do Henrick Kater, Gosen
vanden Grave, Clawes van Banlo ende Evert Hubbeldinge borgermestere waeren onser Stad.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0158 |
| Regestnr. | 056 |
| Register Feith | 1455.004 |
| Jaar | 1455 |
| Datumcode | VpMargar |