| Nummer:kfh122 | Datum:18 maart 1467 | Overlevering:Vidimus | Vindplaats:Arch. Klerken- en fraterhuis, inv.nr. 0218, reg. 122 |
David van Bourgoenden byder genaden goits Bisscop Tutrecht maken kont allen luden
dat voet ons quam ende voer onse mannen hiir nae bescreven Lutken wedue Albert Jarghes onsse leenwijff myt hoer momber daer sij an quam als recht was ende
droech up in onse hant myt hoeren Momber ende vrijen wille twee hofsteden gelegen bynnen onser Stad van Groningen ende die woningen die op die ene hofstede staen Ende
die andere hofstede strect tegen die Peperstrate ende is geheyten die Valkenvlocht ende enen tijenden geheijten Hughinge tijende myt allen sinen toebehoeren als die geleghen ende
bepaelt is om onse stad van Groningen vorscr. ende verteech daer aft clairlicke als onse manne wijsden dat Recht was ende se sculdich was te doen Alsoe dat se daer niet meer
an en behielt noch wachtende en was ende wij onsen vrije wille daer mede doen mochten Doe dat gescheet was doe verlijden wij aldaer rechtevoert ende beleenden ver
lijen ende belenen myt desen onsen breve heren Johanne van Monster Rectoer vander klerckehuys bynnen onsser Stad van Groningen voirscr. tot behoeff des Convents des
voirscr. huyses die voirscr. hofsteden ende tijenden Te houden van ons ende van onsen gestichte als Lutken vorscr. die te houden plach Ende als men onss ghestichts leen myt
rechte sculdich is te houden Niet teghenstaende dat sie gheestelicke lude syn hebben wy hem ghegunt uut sonderlinge gracie dat sie die hofsteden ende tijenden te leene
sullen mogen houden Ende hiir op hebben wij ende huldinge ontfangen tot onssen ende onss ghestichts behoeff van Gherit Helt borger onsser Stadt van Groningen den ons
heere Johan van des Convents ende huyses weghen vorscr. ghesat heeft tot enen man die welcke staen ende wesen sal in allen lasten diensten ende verbande die op die pe
ne daer to staende van des voirscr. leens weghen als Lutken wedue voirscr. te wesen plach ende van Rechtes weghen behoert te wesen Myt vorwarden wanneer die
selve Gherit niet langer in levendigen lijve en is oft myt deser manscop niet langer verbonden en wil wesen dat dan de Rectoer vanden vorscr. klerckehuijs inder .ijt
die vorscr. hofsteden ende Tyenden an onss oft onsen Nacomelingen Bisscopen Tutrecht versoeken sal myt eenren heergewaden ende anders doen als ons ghestichts R..ht
daer af is Ende setten ons alsdan enen anderen gueden man Eede ende huldinge te doen in allen manieren als Gherit vorscr. ghedaen heeft ende myt Rechte sculdich
sal wesen te doen Ende soe voert ewelicke durende Behoudelick ons onssen ghestichte ende Malck sijns rechtes Hiir waren over ende aen onse lieve ghetruwe
Raet ende hovemeister Roeloff van Bevervoerde Henrick Freyse van Cuenre onse manne ende meer goeder lude genoech In oirkonde sbriefs besegelt myt onsen Seghel
Ghegeven in onser Stad van Utrecht int Jaer ons heren Dusent vierhondert Sevenende tsestich opten Achttyensten dach in Marcio[...] mynnenprijs.
dat voet ons quam ende voer onse mannen hiir nae bescreven Lutken wedue Albert Jarghes onsse leenwijff myt hoer momber daer sij an quam als recht was ende
droech up in onse hant myt hoeren Momber ende vrijen wille twee hofsteden gelegen bynnen onser Stad van Groningen ende die woningen die op die ene hofstede staen Ende
die andere hofstede strect tegen die Peperstrate ende is geheyten die Valkenvlocht ende enen tijenden geheijten Hughinge tijende myt allen sinen toebehoeren als die geleghen ende
bepaelt is om onse stad van Groningen vorscr. ende verteech daer aft clairlicke als onse manne wijsden dat Recht was ende se sculdich was te doen Alsoe dat se daer niet meer
an en behielt noch wachtende en was ende wij onsen vrije wille daer mede doen mochten Doe dat gescheet was doe verlijden wij aldaer rechtevoert ende beleenden ver
lijen ende belenen myt desen onsen breve heren Johanne van Monster Rectoer vander klerckehuys bynnen onsser Stad van Groningen voirscr. tot behoeff des Convents des
voirscr. huyses die voirscr. hofsteden ende tijenden Te houden van ons ende van onsen gestichte als Lutken vorscr. die te houden plach Ende als men onss ghestichts leen myt
rechte sculdich is te houden Niet teghenstaende dat sie gheestelicke lude syn hebben wy hem ghegunt uut sonderlinge gracie dat sie die hofsteden ende tijenden te leene
sullen mogen houden Ende hiir op hebben wij ende huldinge ontfangen tot onssen ende onss ghestichts behoeff van Gherit Helt borger onsser Stadt van Groningen den ons
heere Johan van des Convents ende huyses weghen vorscr. ghesat heeft tot enen man die welcke staen ende wesen sal in allen lasten diensten ende verbande die op die pe
ne daer to staende van des voirscr. leens weghen als Lutken wedue voirscr. te wesen plach ende van Rechtes weghen behoert te wesen Myt vorwarden wanneer die
selve Gherit niet langer in levendigen lijve en is oft myt deser manscop niet langer verbonden en wil wesen dat dan de Rectoer vanden vorscr. klerckehuijs inder .ijt
die vorscr. hofsteden ende Tyenden an onss oft onsen Nacomelingen Bisscopen Tutrecht versoeken sal myt eenren heergewaden ende anders doen als ons ghestichts R..ht
daer af is Ende setten ons alsdan enen anderen gueden man Eede ende huldinge te doen in allen manieren als Gherit vorscr. ghedaen heeft ende myt Rechte sculdich
sal wesen te doen Ende soe voert ewelicke durende Behoudelick ons onssen ghestichte ende Malck sijns rechtes Hiir waren over ende aen onse lieve ghetruwe
Raet ende hovemeister Roeloff van Bevervoerde Henrick Freyse van Cuenre onse manne ende meer goeder lude genoech In oirkonde sbriefs besegelt myt onsen Seghel
Ghegeven in onser Stad van Utrecht int Jaer ons heren Dusent vierhondert Sevenende tsestich opten Achttyensten dach in Marcio[...] mynnenprijs.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0218 |
| Regestnr. | 122 |
| Register Feith | 1467.016.1 |
| Jaar | 1467 |
| Datumcode | 1803 |