Wy Theodoricus Sutphaniensis pater vant ffrater
hys bynnen Gronyngen Joannes Lovensis Hendrick
van Haelen mijt den anderen Conventualen aldaer Be-
kennen vormydts dessen apenen bryeve voer onss
ende onssen nakomelyngen dat wij hebben verpacht
van wegen den armen wyven yn vrow Luykens
Gasthuys tusschen Volkynges ende Harderijnges
straete ghelegen Jorien van Spanhou ende Talle
syen huysfrouwe ende hoeren arffgenamen een
stucke vender voerscr. armen vrouwen hoff
tot behoeff der armer vrouwen ghelegen ynt
westen an hoiren voerscr. kamer soe groet unde
kleyn als Joryen dat nuu myt een planket
affgeschaten heff lanck wesen twyntych
voet ende sestyen voet breet Twyntych yae
ren lanck van welcken yaeren dat Eerste
yaer anghaende wordt anno dusent vyff
hondert veer undo tsestych alle Jaeren tho bethae-
len up dach Margharete ynden somer
Darthyen arns gulden thyen stuver voerden gulden ghe-
rekent Myt vorwarden dat nae desse
verscr. yaermaelen dye selve plaetse weder
ome andye verscr. vrouwen hoff wederom
komen sall ende Jorien verscr. sal dye plaetse
wederom ruymen mijt alle dat ghene dat
hye daer an offte up ghetymmert hefft
sall hye off syen arffgenamen daer weder
aff brekenn soe veer hye off syen arffgenamen
myt den Pater off syen nakomenlijngen nijet
weder sijck kan verlycken sondor arghelyst
yn oerkonde der waerheyt hebbe wy Pater
onsses convents segel beneden an dessen
bryeff gehangen int jaer onss heren
dusent vyffhondert veer ende tsestych
up avent Andree apostoli
collationeert tegens sijnen originalen
versegelden breeff und daer mede
van woerde tot woerden accor
derende bevonden
per me secretarium Groeningensem
J.C.Julsing (handtekening) 5 - 6 - 79.

x

x

Archief	Groninger Archieven
Fonds	Arch. Klerken- en fraterhuis
Toegangsnummer	1237
Inventarisnr.	0281
Regestnr.	331
Register Feith	1564.009
Jaar	1564
Datumcode	vAndree

x

x

Materiaal	papier