| Nummer:kfh333 | Datum: | Overlevering:Afschrift | Vindplaats:Arch. Klerken- en fraterhuis, inv.nr. 0285, reg. 333 |
Dit is dat ghene welcker ick van F. Reynerus den Rectoer belanghende der armen Clercken goederen verstaen unde beholden hebbe.
Inden eijrsten dat bij tijden Wilhelmi Frederici des pastoers unde daer voir dat procuratorium der armer klercken niet alleene was bij den pater int Fraterhuijse dan hadde eenen medehulper van den senioren in Sinte Martens kercke tot hem van welcke die laste meester Hendrick genaemt int licbaer begraven legt Nae welckers doot Robert de pater des tijdes gheene mede hulper meer wolde hebben und Wilhelmus Fredericus pastoor dem pater uuth seker weldaden hercommende vande personaetschap verplichtiget wolde hem oick teghen zijnen danck geenen weder setten. Aldus blijft Robaert alleene procurator pauperum rommelt vrij mit der armen gelt unde goeder omme kost und timmert wes hem ghelievet woe dat alles is tzo gegaen hier hyr tho lanck te schrijven doch ick wil der waerheyt gerne vertellend.
Ten ander dat Robert als hij nu alleene procurator pauperum was dat groote huijs daer hoer kercke nu is heeft aenghelecht und voltimmert mit hulpe ende bijstandt der armen goederen doch alst nu rede was heeft he dat heele convent bij den ander ghenomen und dit naebescr. hoer tho ghesproken und bevolen fratres doe ick dat huijs aenlegt hadde ick niet meer dan eenen braspenninck daer tho und nu sijnt wij niet meer daer van schuldich dan hondert gholt gulden den ick vande wedue op Rente genomen hebbe und tachtentych goldt gulden Peeter van Leyden tho Deventer daer ick den balcken van ghecocht hebbe dan ick hebbe der armen Clarcken guederen aenghesproken en hoer Renten laeten afflossen hebbe van de hondert genomen vijff und tnegentich jae tnegentich dat ick die penningen mochte bekomen alsoo dat ick den derden stein ofte derde penninck van hoer goeden wael getimmert hebbe. Bevele der halven Ju allen op Ju conscientie und zalicheijt dat ij de arme clercken die wij doch holden moeten des tho rijcker hier naemaels uuijt uwen guederen sult holden Hijr was der olde Laurentius bij an undo over undt heeft sulckes Reijnero bekandt und bij hem deponeerte. Woe overst sulckxs is tho gegaen wil ick wael soe idt nodich is U. Erb. vertellen.
Den darden hebbe ick van Reijnero zaligher verstaen dat die moncken zesse grasen landts oft sestehalft grasen buijten Potteringhen poort gheleghen de Katherina Luijkens plach tho bruijcken heel aen sick trecken hoe wael de halff den armen klarcken van rechtweghen tzo commen und ghegheven zijn dat welcker aldus gheschie is Enen ghenaemt Bernt Vlaskoper heeft in zijn testament gegeven hondert golt gulden staende op dat voirscr. landt halff den fraters und halff den armen klercken und voirt daer nae is dat landt voir die renten blijven legghen Soo is gecomen Derck backer wonende inde Ebbinghe strate daer Derck backer oick nu woonet und beredende den naerkoop doch he conde dat gelt niet opbrenghen soe hee heeft de pater met Derck voirscr. verdraghen dat de pater dat landt solde beholden und Derck zijn ontcoft wijdder gheven de worden ghetaxeert op XII golt gulden ofte XII philippus gulden. Soo is dit voirscr. landt metter armer gelt halff gecocht uuijtghesegt ses golt gulden unde de moncken holden dat heele an sick und gheven den armen man drije goldt gulden jaerlijcx. Dit ind derghelijcken genoech meer dat ick nu een part vergeten hebbe, hebbe ick van F. Reijnerts verstaen und nademael dat inde twe registers niet en staet de ick uuijt Boeckums monde und een part vanden F. rectoer gheschreven hebbe ben ick veroirsaeckt U. Eerb. al sulcke upden contsten tho vertellen. Wil oeck daer voir doen wes een recht vermach dat dit alzoo warachtih gheschiedt es.
Dijt sijnt der armen renten int klarckhuijss soo mij F. Reijnerus de Rectoer und Boeckum vaecken ghesecht unde geclaecht hebben de quellick gebruijckt und versdunckert worden.
Item ses philips gulden jaerlijcx gelosset van den proost tho Schiltwolde van weghen Oesbrant Fraijelma bij den pater Arnoldus Tekenborch und Johannes Halen thijden neet weder belecht.
Item vier arns gulden bij arnoldus Teeckenborch tijden gelosset und .......... gaende uuijt een huijs inde Herstrate daer sij selven gulden uuijt hadden niet weeder belecht.
Item uuijt Reijndt Sijgers hoff drij arns gulden buijten Oisterpoort.
Item vier emder gulden van Stijne Hertijghers die Goswinus de pater ontfinck op rente doen hij dat nieu huijs timmerden nae huer doot den armen clercken eewelyck und erffelyck daer geen brieven van zijnt als de pater Bartholomeus bij den Raedt verdedinghet heft.
Item uuijt de Herstrate X stuijvers dat wetet die pater Bartholomeus uuijt wat huyss
Item een camer in de Folckeringe strate doet IIII embder gulden.
Item uuijt Jan Henscoff huijs in Lamme Hugen strate twee damber gulden welcker de Klanten (ick meijne dattet Herman Cant geweest is) affghelost hebben met vole jaeren achterstellinge Rentene.
Item uuijt de grote apteecke XIIII edder XXII st.
Item uuijt Wicher Helts landts buijten Botteringhe port dat Katharina Luijtkens plach te gebruijcken drije golt gulden van Bernt Vlascooper testament welcker landt den armen clercken van rechts weghen halff tho compt.
Item de helfte van XXV grasen landts tho Suijtwolde ghelegen de F. Reint Germer arffgenamen gebruijcken.
Item dat hoff buijten de Botteringe poort mit de camer daer in staende.
Item Frederick van Esens huijss in de Poelstraete welcker sij gebuijtet hebbe aen seker landen van den Jensema den armen clareken eertijdes gegeven wat sij toe gecreghen hebben is Willems vergeten.
Item dat huijs inde Peperstrate achter Frederick van Esens.
Dat dit boven geschreven waer is betuijget Bockum handt de bij mij is.
Dit nae beschreven heeft mij Boeckum gesegt und heijten schrijven oick de waerheijt daer aff bevolen doch hebbe ick dat meijstelijck al van F. Reijnerus den Rectoor ghehoirt und genoech meer daer tho lanck om tho schrijven.
Item Agatha Hilbrandi deenstmaecht int klarcken huijs heeft den armen clarcken dree arns gulden erffelijck gegeven welcker de fratres onder sick holden.
Item zaligher Thomas schrijver heeft den armen clercken arffelijck gegeven nae Griete Hoedemakers doot drie arns gulden de welcke de fratres niet eer betalen en solden dan naer Greeten doot.
Item doe F. Oldekercken pater in fraterhuijs dat huijs timmerden aen sinte Johannes strate gaff meester Arnoldus Heillensma wesende Rectoir toe S. Marten und daer verdreven wordt hij Rectoir ter A hondert golt guldens dat doe een grote penninck was.
Item bij Goeswinus tijden is een man gheweest reijsende nae Sint Jacob welcker een goede summa Johannes Halen gaff daer mede gelost is ses goltgulden Renten van Jacob Lubberts staende opt huijss in sinte Johannes strate.
Item Johan de Maeck gaff hundert arns gulden in Jagers doe see dat huijss koften van Albert
van Ballen und daer tho verre binnen de weerden den armen tho voirdeel gekoft want gelijck de ander huijse gemeenlijck.
Item de van Euszum Entensen und meer hoofschappen in den landen hebben ider daer tho gegeven steine, holty calck, geit etc, also dat de frater moncken de huijsen neet dorven sick tho seghen gelijck sij nu doen nae deser voirscr. dinghen memorie.
Item Gosuinus und Johannes Halen hebben den brouketet gecocht van Johan de Mack erffgenamen voir hondert arns gulden min vijff ende stonde op huer voir neghen arns gulden wat he beter was ic den armen klercken gheschoncken, desen hebben de fratres in haer hol gesleijpet gelijck alle dat schoon broureitschap he holt over neghen tonnen und is soo goedt als nije.
Item bij Oldekercken und Guoswinus metten senioren in den tijden gaff men den armen clercken uuijten fraterhuijse des wekes vier Jagers brode daer crijghen sij nauwe twee van Dijt bracht Marsilius aff dat hij zijnen sack des tho volder mocht vullen gelyck hij nae gewesen heeft.
Item de eerbaer Raedt heeft tot behoeff der armen clercken gegeven den wal thegen over dat fraterhuijs mit een huijs daer op staende dat welcke de moncken schentlijcken gequstet hebben als mij am alder beste kundich is wandt ick wasser doe lector als dat geschach.
Dit voirscr. hebbe ick vuijt Bouckums monde geschreven und oick een paert sulves gesien unde gehoirt tot sulcken eijnde dat ick mit hulp de F. Rectoirs op gelegener thijt de moncken mit rechte om der armer goeder wolde aen ghesproken hebben sulckes oick langhe gheschiet weer hadde god den Rectoir niet uuijter thijt gehaelt.
Ten lasten hebbe ick van F. Reijnerus gehoort dat de pater Robert huer principael kerck ofte dat nieu huijs meer als den derden penninck uuijter armer kinder goeder getimmert heeft woe sij doe mitter armerkinder renten omme sprongen heeft mij mannichmael F. Reijnerus de Rectoir vertelt doch hijr tho lanck om te verhalen wandt he hadde daer seker wetenschap van vanden olden frater monck heer Laurentius.
Doe ick dijt meistlick al uuyt Bouckum monde schrijff beval hij mij dat ik daer onder aenschrijvensolden desen nae beschreven versen van hem gemaect.
Nisi pauperes decipiant tutores
timeo valde de ipsorum bonis
hiis licet dijcere.
Et quod probi congessorunt
impii illi denovabunt.
Geschreven naer een oud handschrift waarvan het papier grootendeels door het vuur was aangetast en vergaan.
Groningen den 30 September 1853.
de Archivarius der Prov. Groningen.
H.O.Feith.
Inden eijrsten dat bij tijden Wilhelmi Frederici des pastoers unde daer voir dat procuratorium der armer klercken niet alleene was bij den pater int Fraterhuijse dan hadde eenen medehulper van den senioren in Sinte Martens kercke tot hem van welcke die laste meester Hendrick genaemt int licbaer begraven legt Nae welckers doot Robert de pater des tijdes gheene mede hulper meer wolde hebben und Wilhelmus Fredericus pastoor dem pater uuth seker weldaden hercommende vande personaetschap verplichtiget wolde hem oick teghen zijnen danck geenen weder setten. Aldus blijft Robaert alleene procurator pauperum rommelt vrij mit der armen gelt unde goeder omme kost und timmert wes hem ghelievet woe dat alles is tzo gegaen hier hyr tho lanck te schrijven doch ick wil der waerheyt gerne vertellend.
Ten ander dat Robert als hij nu alleene procurator pauperum was dat groote huijs daer hoer kercke nu is heeft aenghelecht und voltimmert mit hulpe ende bijstandt der armen goederen doch alst nu rede was heeft he dat heele convent bij den ander ghenomen und dit naebescr. hoer tho ghesproken und bevolen fratres doe ick dat huijs aenlegt hadde ick niet meer dan eenen braspenninck daer tho und nu sijnt wij niet meer daer van schuldich dan hondert gholt gulden den ick vande wedue op Rente genomen hebbe und tachtentych goldt gulden Peeter van Leyden tho Deventer daer ick den balcken van ghecocht hebbe dan ick hebbe der armen Clarcken guederen aenghesproken en hoer Renten laeten afflossen hebbe van de hondert genomen vijff und tnegentich jae tnegentich dat ick die penningen mochte bekomen alsoo dat ick den derden stein ofte derde penninck van hoer goeden wael getimmert hebbe. Bevele der halven Ju allen op Ju conscientie und zalicheijt dat ij de arme clercken die wij doch holden moeten des tho rijcker hier naemaels uuijt uwen guederen sult holden Hijr was der olde Laurentius bij an undo over undt heeft sulckes Reijnero bekandt und bij hem deponeerte. Woe overst sulckxs is tho gegaen wil ick wael soe idt nodich is U. Erb. vertellen.
Den darden hebbe ick van Reijnero zaligher verstaen dat die moncken zesse grasen landts oft sestehalft grasen buijten Potteringhen poort gheleghen de Katherina Luijkens plach tho bruijcken heel aen sick trecken hoe wael de halff den armen klarcken van rechtweghen tzo commen und ghegheven zijn dat welcker aldus gheschie is Enen ghenaemt Bernt Vlaskoper heeft in zijn testament gegeven hondert golt gulden staende op dat voirscr. landt halff den fraters und halff den armen klercken und voirt daer nae is dat landt voir die renten blijven legghen Soo is gecomen Derck backer wonende inde Ebbinghe strate daer Derck backer oick nu woonet und beredende den naerkoop doch he conde dat gelt niet opbrenghen soe hee heeft de pater met Derck voirscr. verdraghen dat de pater dat landt solde beholden und Derck zijn ontcoft wijdder gheven de worden ghetaxeert op XII golt gulden ofte XII philippus gulden. Soo is dit voirscr. landt metter armer gelt halff gecocht uuijtghesegt ses golt gulden unde de moncken holden dat heele an sick und gheven den armen man drije goldt gulden jaerlijcx. Dit ind derghelijcken genoech meer dat ick nu een part vergeten hebbe, hebbe ick van F. Reijnerts verstaen und nademael dat inde twe registers niet en staet de ick uuijt Boeckums monde und een part vanden F. rectoer gheschreven hebbe ben ick veroirsaeckt U. Eerb. al sulcke upden contsten tho vertellen. Wil oeck daer voir doen wes een recht vermach dat dit alzoo warachtih gheschiedt es.
Dijt sijnt der armen renten int klarckhuijss soo mij F. Reijnerus de Rectoer und Boeckum vaecken ghesecht unde geclaecht hebben de quellick gebruijckt und versdunckert worden.
Item ses philips gulden jaerlijcx gelosset van den proost tho Schiltwolde van weghen Oesbrant Fraijelma bij den pater Arnoldus Tekenborch und Johannes Halen thijden neet weder belecht.
Item vier arns gulden bij arnoldus Teeckenborch tijden gelosset und .......... gaende uuijt een huijs inde Herstrate daer sij selven gulden uuijt hadden niet weeder belecht.
Item uuijt Reijndt Sijgers hoff drij arns gulden buijten Oisterpoort.
Item vier emder gulden van Stijne Hertijghers die Goswinus de pater ontfinck op rente doen hij dat nieu huijs timmerden nae huer doot den armen clercken eewelyck und erffelyck daer geen brieven van zijnt als de pater Bartholomeus bij den Raedt verdedinghet heft.
Item uuijt de Herstrate X stuijvers dat wetet die pater Bartholomeus uuijt wat huyss
Item een camer in de Folckeringe strate doet IIII embder gulden.
Item uuijt Jan Henscoff huijs in Lamme Hugen strate twee damber gulden welcker de Klanten (ick meijne dattet Herman Cant geweest is) affghelost hebben met vole jaeren achterstellinge Rentene.
Item uuijt de grote apteecke XIIII edder XXII st.
Item uuijt Wicher Helts landts buijten Botteringhe port dat Katharina Luijtkens plach te gebruijcken drije golt gulden van Bernt Vlascooper testament welcker landt den armen clercken van rechts weghen halff tho compt.
Item de helfte van XXV grasen landts tho Suijtwolde ghelegen de F. Reint Germer arffgenamen gebruijcken.
Item dat hoff buijten de Botteringe poort mit de camer daer in staende.
Item Frederick van Esens huijss in de Poelstraete welcker sij gebuijtet hebbe aen seker landen van den Jensema den armen clareken eertijdes gegeven wat sij toe gecreghen hebben is Willems vergeten.
Item dat huijs inde Peperstrate achter Frederick van Esens.
Dat dit boven geschreven waer is betuijget Bockum handt de bij mij is.
Dit nae beschreven heeft mij Boeckum gesegt und heijten schrijven oick de waerheijt daer aff bevolen doch hebbe ick dat meijstelijck al van F. Reijnerus den Rectoor ghehoirt und genoech meer daer tho lanck om tho schrijven.
Item Agatha Hilbrandi deenstmaecht int klarcken huijs heeft den armen clarcken dree arns gulden erffelijck gegeven welcker de fratres onder sick holden.
Item zaligher Thomas schrijver heeft den armen clercken arffelijck gegeven nae Griete Hoedemakers doot drie arns gulden de welcke de fratres niet eer betalen en solden dan naer Greeten doot.
Item doe F. Oldekercken pater in fraterhuijs dat huijs timmerden aen sinte Johannes strate gaff meester Arnoldus Heillensma wesende Rectoir toe S. Marten und daer verdreven wordt hij Rectoir ter A hondert golt guldens dat doe een grote penninck was.
Item bij Goeswinus tijden is een man gheweest reijsende nae Sint Jacob welcker een goede summa Johannes Halen gaff daer mede gelost is ses goltgulden Renten van Jacob Lubberts staende opt huijss in sinte Johannes strate.
Item Johan de Maeck gaff hundert arns gulden in Jagers doe see dat huijss koften van Albert
van Ballen und daer tho verre binnen de weerden den armen tho voirdeel gekoft want gelijck de ander huijse gemeenlijck.
Item de van Euszum Entensen und meer hoofschappen in den landen hebben ider daer tho gegeven steine, holty calck, geit etc, also dat de frater moncken de huijsen neet dorven sick tho seghen gelijck sij nu doen nae deser voirscr. dinghen memorie.
Item Gosuinus und Johannes Halen hebben den brouketet gecocht van Johan de Mack erffgenamen voir hondert arns gulden min vijff ende stonde op huer voir neghen arns gulden wat he beter was ic den armen klercken gheschoncken, desen hebben de fratres in haer hol gesleijpet gelijck alle dat schoon broureitschap he holt over neghen tonnen und is soo goedt als nije.
Item bij Oldekercken und Guoswinus metten senioren in den tijden gaff men den armen clercken uuijten fraterhuijse des wekes vier Jagers brode daer crijghen sij nauwe twee van Dijt bracht Marsilius aff dat hij zijnen sack des tho volder mocht vullen gelyck hij nae gewesen heeft.
Item de eerbaer Raedt heeft tot behoeff der armen clercken gegeven den wal thegen over dat fraterhuijs mit een huijs daer op staende dat welcke de moncken schentlijcken gequstet hebben als mij am alder beste kundich is wandt ick wasser doe lector als dat geschach.
Dit voirscr. hebbe ick vuijt Bouckums monde geschreven und oick een paert sulves gesien unde gehoirt tot sulcken eijnde dat ick mit hulp de F. Rectoirs op gelegener thijt de moncken mit rechte om der armer goeder wolde aen ghesproken hebben sulckes oick langhe gheschiet weer hadde god den Rectoir niet uuijter thijt gehaelt.
Ten lasten hebbe ick van F. Reijnerus gehoort dat de pater Robert huer principael kerck ofte dat nieu huijs meer als den derden penninck uuijter armer kinder goeder getimmert heeft woe sij doe mitter armerkinder renten omme sprongen heeft mij mannichmael F. Reijnerus de Rectoir vertelt doch hijr tho lanck om te verhalen wandt he hadde daer seker wetenschap van vanden olden frater monck heer Laurentius.
Doe ick dijt meistlick al uuyt Bouckum monde schrijff beval hij mij dat ik daer onder aenschrijvensolden desen nae beschreven versen van hem gemaect.
Nisi pauperes decipiant tutores
timeo valde de ipsorum bonis
hiis licet dijcere.
Et quod probi congessorunt
impii illi denovabunt.
Geschreven naer een oud handschrift waarvan het papier grootendeels door het vuur was aangetast en vergaan.
Groningen den 30 September 1853.
de Archivarius der Prov. Groningen.
H.O.Feith.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0285 |
| Regestnr. | 333 |
| Jaar | 1566 |
| Deviatie | 20 |