| Nummer:kfhi284 | Datum: | Overlevering:Origineel | Vindplaats:Arch. Klerken- en fraterhuis, inv.nr. 284 |
Inden Name des Alderhogesten Amen.
Durch dit apen Instrument ijs allen unde ydermennichlick kund
unde apenbaer dat nha Christi unses heren gebuet alsmen screff
dusent viffhundert enen tachtentich den 19 Septembris Indictio Romana
1 der Romeinse tzinstall Negen des etzgen ende helge vaders
by der genade Gades paus van Romen Gregorius dye viffte des na
...... yn sijn darde yaer Is ijn mijender unde tuigen under up
spacium met mij angetekent tegenwordicheit erschenen dye Eer. unde
Religiosen Suster Suster Aeltgen Ruberts Bedachtes muedes sunder
swack van Licham liggende ynder gave Gades yedoch gueder ver
nuft unde verstandich van sinnen Overdenckende dat alle vlees
een maell sterven unde nicht weten wanneer Wyllende daer met
voerkomen dije ure des doets hefft met gueder versinnicheit onge
dwongen met vrien wille dit Testament laten bescriven ijn
manyren unde mydlen nha ynholt naestvolgent
Inden ersten wanneer Godt almechtich aver Aeltgen vorgen. gebuth
unde dorch den doot affgenamen wijll sie hoer arme siell syn godt
licke genaed unde barmharticheit bevalen hebben Ordeniert unde
verschafft dat hoer sundige Licham yn Sunt Walbeicht
kerck ter erden bestadet unde begraven sall warden
Ten anderden maket Suster Aeltgen vorgen. tho een Testament hoer
Brueders zaliger Soen Ruebert Hermes vifftich emder gulden
nha luidt enen versegelden Brieff opt Olde Ampt erholden yn gue
der custedi by dem Eer. heren Burgermeester Derck Ruberts
Daer tho alle achterstallige Renten vant hues daer Rubert vorgen.
moeder nu ter tydt noch yn wonet Summa facit hundert gulden
Maket hoer L. Nicht Aeltjen Ruberts hoer silvere messen
met alle annex unde een van hoer beste ringen Maket hoeren
Bichtvader hoer beste faly (dat Aaltgen obgemelt namaels ijn
des Bichtvaders, soe hie bericht afwesent, wederroepen hefft
Maket Suster Vrouken voer hoeren truwen denst horen besten
swarten rock Delegiert Suster Margareta hoer silvere gor
dell soe sie dat gedragen Disponiert unde maket dat wese kint
Lubbetgen hoer dagelickse rock Delegiert unde vereret tho
een testament dat frater gasthuis met twintich daler
Maket Her Dercks maget Immetgen twe hemden ende twe halsduken
Dit Testament unde dusse dingen sint alsoe gedaen ynt
Fraterhuis boven upt lutticke kamerken Int yaer maent
unde dach als boven gescreven
In presentie van Suster
Margareta zalige Suster
Vrouken unde Fenngen
van Leuwerden.
Ick Her Derek Ruschemburch Sa
cellaen unde priester S. Meerten
bynnen Gronningen bekenne met
egener handt dit Instrument ord
ininge ende lesten wille uth Suster
Aeltgen munt also gescreven un
dergescreven unde met myn gewoentlicke
pitzier verfertiget etc. subscripsi.
Dubbel blad.
Durch dit apen Instrument ijs allen unde ydermennichlick kund
unde apenbaer dat nha Christi unses heren gebuet alsmen screff
dusent viffhundert enen tachtentich den 19 Septembris Indictio Romana
1 der Romeinse tzinstall Negen des etzgen ende helge vaders
by der genade Gades paus van Romen Gregorius dye viffte des na
...... yn sijn darde yaer Is ijn mijender unde tuigen under up
spacium met mij angetekent tegenwordicheit erschenen dye Eer. unde
Religiosen Suster Suster Aeltgen Ruberts Bedachtes muedes sunder
swack van Licham liggende ynder gave Gades yedoch gueder ver
nuft unde verstandich van sinnen Overdenckende dat alle vlees
een maell sterven unde nicht weten wanneer Wyllende daer met
voerkomen dije ure des doets hefft met gueder versinnicheit onge
dwongen met vrien wille dit Testament laten bescriven ijn
manyren unde mydlen nha ynholt naestvolgent
Inden ersten wanneer Godt almechtich aver Aeltgen vorgen. gebuth
unde dorch den doot affgenamen wijll sie hoer arme siell syn godt
licke genaed unde barmharticheit bevalen hebben Ordeniert unde
verschafft dat hoer sundige Licham yn Sunt Walbeicht
kerck ter erden bestadet unde begraven sall warden
Ten anderden maket Suster Aeltgen vorgen. tho een Testament hoer
Brueders zaliger Soen Ruebert Hermes vifftich emder gulden
nha luidt enen versegelden Brieff opt Olde Ampt erholden yn gue
der custedi by dem Eer. heren Burgermeester Derck Ruberts
Daer tho alle achterstallige Renten vant hues daer Rubert vorgen.
moeder nu ter tydt noch yn wonet Summa facit hundert gulden
Maket hoer L. Nicht Aeltjen Ruberts hoer silvere messen
met alle annex unde een van hoer beste ringen Maket hoeren
Bichtvader hoer beste faly (dat Aaltgen obgemelt namaels ijn
des Bichtvaders, soe hie bericht afwesent, wederroepen hefft
Maket Suster Vrouken voer hoeren truwen denst horen besten
swarten rock Delegiert Suster Margareta hoer silvere gor
dell soe sie dat gedragen Disponiert unde maket dat wese kint
Lubbetgen hoer dagelickse rock Delegiert unde vereret tho
een testament dat frater gasthuis met twintich daler
Maket Her Dercks maget Immetgen twe hemden ende twe halsduken
Dit Testament unde dusse dingen sint alsoe gedaen ynt
Fraterhuis boven upt lutticke kamerken Int yaer maent
unde dach als boven gescreven
In presentie van Suster
Margareta zalige Suster
Vrouken unde Fenngen
van Leuwerden.
Ick Her Derek Ruschemburch Sa
cellaen unde priester S. Meerten
bynnen Gronningen bekenne met
egener handt dit Instrument ord
ininge ende lesten wille uth Suster
Aeltgen munt also gescreven un
dergescreven unde met myn gewoentlicke
pitzier verfertiget etc. subscripsi.
Dubbel blad.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 284 |
| Register Feith | 1581.006 |
| Jaar | 1581 |