De abt en het convent te Rottum hebben verkocht aan de abdis en het convent te Essen enig land te Kropswolde, geheten de Virge, zijnde een twaalfde deel van de plaats, geheten Salmewere, met behoud van vrije vaart.

Universis Christi fidelibus ad quos praesens scriptum pervenerit. Abbas et conventus monasterii sancte Juliane in Rotthem ordinis sancti Benedicti monasteriensis
dyocesis salutem in summi boni letitia sempiterna. Ad rei geste memoriam non absque ratione in consuetudinem venit inter praesentes acta
scriptura anotare quia per hoc veritas declaratur et iurgiorum materia tollitur et pax conservatur ea propter notum esse volumus universis huius pagine
inspectoribus quod nos de communi consensu conditionem monasterii nostri meliorem facere cupientes, ut eris alieni sarcinam tolleremus quaedam praedia
ad nos pleno jure pertinencia in parrochia de Crepeswolda iacentia et ex utraque parte praediorum monasterii de Iesse confinia ibidem
quae vulgariter dicuntur Virge numero duodecimo in loco, qui dicitur Salmewere abbatisse et conventui de Iesse ordinis Cyrtersiensis
traiectensis dyocesis vendidimus pro septuaginta et duabus marcis sterlinc probate et usualis monete cum omni iure quod in ipsis praediis
habuimus et dictam summam recepimus quod protestamur per praesentes et proprietatem et dominii ipsis resignavimus, prout moris est
et super evictione cautionem dedimus honestos viros Hermannum /Butzel\ et Ludolfum de Groninghe Sickinghe, ita ut hanc cautionem
teneantur intra annum a die quo conventus de Jesse possessionem ipsorum praediorum acceperit. Si vero aliquis ipsos inpulsaverit aut
molestaverit quocumque modo super ipsis praediis infra terminum praedictum huiusmodi molestationem tollemus praestitis sacramentis duodecim
personarum. Fossatum vero quod inter iacet praediis nostris et dictis praediis ab australi parte liberum habebymus in navigando, pro ut consuevimus
habere, viam vero quae est in praedio monachorum de Iesse eo modo qualiter habuimus ante huiusmodi contractum nobis in eundem modum praestabant. In cuius
rei testimonium praesens scriptum nostris sigillis et Adolfi domicelli de Groninghe et civitatis Groniensis est roboratum.
Actum anno domini M^o CC^o nonagesimo primo mense julio tercio nonas eiusdem mensis in octava apostolorum Petri et
Pauli.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	143
Regestnr.	14
Olim	Arch. Klooster Essen, inv.nr. 9, reg. 2. Reg. Feith 1291.2.
Jaar	1291
Datumcode	oPetPau

x

x

Commentaar	Met het zegel van Adolfus, domicellus in Groningen; de zegels van het klooster van Rottum en van de stad Groningen zijn verloren

x

Materiaal	perkament

x

Edities	Oorkondenboek Groningen en Drente, nr. 188 (ogd0188).

x