Azego te Obergum heeft verkocht aan Johan Wolters, burger van Groningen, 4 1/2 jukken land in Obergumerhamrik.

Kundich unde openbaer zeet allen luden die dessen breeff zien off oren lezen
dat ick Azego to Obergum heb vercofft Iohan Wolters borger to Groningen vijff-
ten half iuck landes welck vorscr. land gelegen is in den hammerick van Obergum
welcke land gehieten is die dre Joke in den luttiken Everts meden by der wester-
zyde groete Everts meden dat anderhalve iuck in den breden lande Vor ene
summe geldes die mij walbetaelt is unde gheve Iohanne vorscr. over vrij oren vrijen
willen daer mede to doen Alzoe dat ick Azego vorscr. noch mijne erffgenamen noch gheen man van
mynre wegen Iohan vorcsr. anspreken moegen In dessen vorscr. coep hebben gelyet
Syweke bure to Obergum, Yelteka Peters in wedmans stede unde want ick Azega
vorcsr. gheen zegel en hebbe Soe hebbe ick her Meynart mynen cureet gebeden dat hie
dessen breeff om mijnen willen bezegelen wolde unde ick her Meynert vorscr. tot enen
tughe der waerheit Soe heb ick mijn zegel beneden an dessen breeff gehangen
Int iaer ons heren Dusent veerhondert unde soventyn op sunte Marien Magdale-
nen Avent.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 093r
Regestnr.	101
Olim	Arch. Klooster Selwerd, inv.nr. 1, reg. 14.
Jaar	1417
Datumcode	vMarMag

x

x

Materiaal	perkament