Elle Thiaert Schoelreszoene en Hille, echtelieden te Zuidwolde, verkopen aan Syabbe en Emeke, echtelieden te Harsens, en hun schoonzoon ('zwager') Frederick en Auke, echtelieden, 4 1/2 grazen land, in Oestermeden, in de Bate,in Diurdes venne, in de Langen Campe en in Enenserhamrik.

Ick Elle toe Zuutwolde Thiaert Schoelreszoene ende Hille mijn echte wyf Doen
condich allen luden ende bekennen mit dessen openen breve Vor ons ende vor onse
rechte erffgenamen Dat wij hebben vercofft Syabbe ende Emeken sijnen wijve to Harzense
ende Frederick oeren zwager ende Auken sijnen wijve vijfte half gras landes Daer
die twe graze van gelegen synt in oester meden in eenre venne van vijf grase Da
Daer Syabbe ende Emeke Frederick ende Auke vorscr. mede land in hebben Item in der Bate
een gras landes in eenre venne van derden halven grase Daer die vorscr. lude lant
mede in hebben Item inden Tuichen een half gras landes Daer die vorscr. lude lant bi
hebben Item in Diurdes venne een vierndel van enen grase landes Daer die vorscr.
lude ock lant bi hebben. Item in den Langen Campe een vierndel van enen grase Da
er die voerscr. lant loepet op vyftehalf gras landes Dat wi hem vercoft hebben
voer ene summe geldes die sie ons vul ende al wal betaelt hebben Ende desse vorscr. vijften
half gras landes heb wi Elle ende Hille voerscr. opgedragen ende overgegeven Syabben
ende Emeken Frederick ende Auken voerscr. ende oren erffgenamen Vrij ende quijt allen rechten
ende eghendoeme erfflike ende ewelike to bruken ende to besitten ende oeren vrien willen
mede toe doene sonder alle argelist Ende die vijfte half gras landes vorscr. hebben onge-
scheiden wezen van den anderen vorscr. lande In orconde ende tuech der waerheit want
ick Elle vorscr. gheen zegel en hebbe Soe heb ick ghebeden den eersamen heren Heer
Onne cureet toe Noertwolde unde verwarer to deser tijt myne kerspelkerke Toe Zuetwolde ende
heer Roelef cureet to Herzense Daer dat vorscr. land gelegen is dessen breef voer my
ende voer Hillen mijn wijf vorscr. ende vor onse erffgenamen to bezegelen ende wij Onno ende
Rodolphus cureten vorscr. hebben om bede wille Ellen vorscr. onsen zegelen to enen vasten
ende ewighen tughen der vorscr. puncten an dessen breeff gehangen ende om die mere
vestenisse so heb ick Elle vorcsr. gebeden Den eerbaren man Eyleken Onsta redge
in der tijt in Herzenser redscap dessen breef mede to bezegelen vor my vor Hillen myn
wijf vorscr. ende vor onsen erffgenamen Ende ick Eileke Onsta vorscr. heb om Ellen voerscr. bede
wille tot enen steden ende vasten tuge der vorscr. articulen myn zegel mede an dessen
breeff gehangen gegeven in den iaer ons heren Dusent vierhondert vier ende twin-
tich op sunte Iohannes dach evangelisten ante porteam latinam.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 075v
Regestnr.	117
Olim	Arch. Klooster Selwerd, inv.nr. 1, reg. 19.
Jaar	1424
Datumcode	JohaPL

x

x

Materiaal	perkament