Burgemeesters en raad te Groningen verklaren dat Ghijse Peters verkoopt aan Albert Fijens een stuk veen in de marke van Zuidlaren.

Wij Borgemestere unde Raed in Groningen bekennen unde be
tughen mit dezen openen brieve dat vor ons is gecomen Ghijse Peters unde
becande dat hie hevet vercofft vrij unde quijt opgedragen unde overgege
ven vor em unde vor sijnen erffgenamen Albert Fijens unde sijnen erffgenamen enen veen
mit allen rechte unde egendoeme eweliken unde erffliken to bruken unde to besitten
Als Ghijse vorscr. liggende hadde in Zuetlarer marcke daer Werffummer
monneke feen naest bij licht op der noerder zijd unde Albert Kenema feen op
der zuder zijd vor ene schute swartes torffs die Ghijse vorscr. unde syne erffgenamen
iaerlikes hebben soelen van Albert Fyens vorscr. unde sijnen erffgenamen tot ewigen
daghen Unde die vorscr. schutes torffs jaerlikes to leveren an onser stad muren
tusschen sunte Iacob unde onser vrouwendaghe Nativitatis buten Ghijsen
scaden unde sijnre erffgenamen Dyt orconde wij mit onser stad zegel gegeven
in den iaer ons heren dusent vierhondert vijff unde twintich in sunte
Willibrordus dage Doe Reinolt Hughinge, Bruen Clinge, Henrick ter Brug-
gen unde Dytmar Rengers Borgemestere waren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 115v
Regestnr.	118
Olim	Arch. Klooster Selwerd, inv.nr. 1, reg. 20.
Jaar	1425
Datumcode	Willeb

x

x

Materiaal	perkament