Wyerd en Remmerich, echtelieden te Zandeweer, enerzijds en commandeur Thyard en de commanderij en de voorwerken van Wijtwerd anderzijds, verklaren dat zij overeenstemming hebben bereikt in hun geschil over de nagelaten goederen van Tetteke, weduwe van Thadeko Hiddama.

Wy Wyerd ende Remmerth echteliude in den kerspil tho Santwere Ende her Thyard Commendur Ende de meyne amptis
ende conventis liude in den convents ende vorwerken tho Wytwerth by kennen ende bytughen myth dessen opin breve
Dat alle de schelinghe de is ende wezin hevt twisken uns van beyden zyden als van Teteken Thadeken
zalighen wyves ghude Hiddama dar ghod ghenadich zy is ghesletin in eyne vaste vrentschip ewelike ende
entlike als hyr nae scr. steyth Dat Wyerd ende Remmerth vorsc. solin byholden van uns ende unze nakomelingh
in den convente tho Wytwerth vorsc. Fockama herth tho Sandwere mith al zyn tho bihor reppelike ende unreppelike
al waer dat legin is in den kerspil tho Sandwere vorsc. daer Thadeko ende Tetteke recht an hat hebben Ende
wy van horen weghinin rech an hebben moghin Ende ko daer methe veer hunderd landis in Uuthura
hamreke van Thadeken lande Hiddama vorsc. twe hundird in Folkirda fenna Hiddama ackir Focko Lowama
by der westir zyde tho der sweththa Dat derde hundird uppa northra werum Ethama herth tho der
sweththa dat verde uppa Ondils dyke Uuthusra helgha by der norder zyde tho der sweththa Ende alle
dat andir ghut tylbar ende untilbar levende have reyd ghelt off andirs war lant ende erve dat Thadeko
ende Tetteken ewerde bruket off byzetin hebben Den convente tho Wytwerth vorsc. vry ende verdich tho
setten tho vorwislen tho vorkopen ende allen horen vryen wyllen daer methe ty doen in dat euighe
Hyr hebben an ende ovir wezin die vruntschip tho maken de erbaere mans Her Abeko Curet tho Uuthusum Ebelo
Fockama Remmerthis vader Remmeko Deddama Roliff Kremer tho Uuthusum Broder Remmeko tho Wytwerth
ende anders vele ghuder liude In eyn orkunde desser warheyd zo hebben sy Wyerd ende Remmerdt vorsc. her Aleken
unzen Cur. bethin dessen breff tho by Segillen ende Ik her Aleko umbe bethe wylle wyrdis ende Remmergis hebbe
myn Segill. by nethin an dessen breff ghehanghen Int jar unz herens als men scr. Mo CCCCo ende Ses ende
dertych up elve duzent magheden avent.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	276
Regestnr.	166
Olim	Arch. Klooster Wijtwerd, inv.nr. ?, reg. 60. Reg. Feith 1436.9.
Jaar	1436
Datumcode	vXImVir

x

x

Commentaar	Met het zegel van Aleko, pastoor te Zandeweer

x

Materiaal	perkament