Roloff Hundeberch verkoopt aan de prior en het klooster te Essen de tiende uit het Nijeland te Dilgt.

Ic Roloff Hundeberch make kond ende kentlic allen luden ende betuge mit dessen apenen
breve vor my ende vor myne erfgenamen dat ic erfliken hebbe vorcoft ende vorcope rechtes
stedes erfcopes erflike ewelike ende ommermeer den pryor ende gemeynen conventhe
des cloesters tot Essen belegen by Gronyngen den tenden aver dat nye land
belegen inden kerspele van Haeren inde burschap toe Dylget vorder Hundeborch
ombe eyne summa van gelde die wij [sic] wal toe vullen betaelt is daer my ende mynen
erfgenamen vorscreven altoes wal an genogen sal. Ende ic ende myne erfgenamen vorscreven solen ende
willen em desses vorscreven tenden mit sinen toebehorne rechte waerschap doen tot
ewigen dagen gelyc der anderen erfnissen ende guede dat ic em in den selven kerspele
van Haren vorscreven in vortyden erfliken vorcoft hebbe. Sonder al argelist. In orkunde
der waerheit soe heb ic Roloff Hundeborch vorgenoemd myn segel vor my ende myne
erfgenamen vorscreven wytliken an dessen bref gehangen. Gegeven inden jaer ons heren dusent
virhondert achte endertich des naesten maendagen nae Sacramenti.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	178
Regestnr.	179
Olim	Arch. Klooster Essen, inv.nr. 4, reg. 30. Reg. Feith 1438.20.
Jaar	1438
Datumcode	LpSacram

x

x

Commentaar	Met het zegel van Roloff Hundeberch

x

Materiaal	perkament

x