Aelric Eysinghe en Aylseke, echtelieden te Breede, verkopen aan Hayko, hofmeester te Maarhuizen, 3 jukken land in de valge van Maarhuizen en nog een 1/2 juk land.

Wy Aelric Eysinghe ende Aylseke echte lude wonende up de Bredert inden kerspel
to Werfum doen kundich ende openbaer allen luden in dessen openen breve dat
wy hebben verkoft myt vryen willen broder Hayken den hofmeister to
Merrehusen dre jucke landes de gheleghen sint in Marrahuseter falch
Item een half juc daer Melle by de noorder side ende Hybele up de wester
side den soven forlinghe ende oeck so lecht Hybele vorsc. bider wester side ter svette
der achteyn forlinghe voer ene summa gheldes de ons Aelric ende Aylseke
vorsc. vul ende albetaelt is van broder Hayeken hiir umme so gheve wy voer
ons ende onse arfghenamen ende voer al de ghene de dar myt rechte up spreken
moghen desse dre jucke landes broder Hayeken vorsc. ende sine nakomelinghe
Ewelike ende arfliken to bruken to besitten ende al oren vryen wille daer mede to doen
sunder arghelist hiir hebben by an ende over ghewesen Ubbo Hankama ende Tyanan? up Bete-
kama hues wedmans to Werfum to gheropen ende ghebeden In orkunde desser waer
heit so heb ic Aelric vorsc. myn seghel an desse brief ghehanghen ende um een merre
vestnisse so heb ic her Wabbo curiet to Werfum mynen seghel an dessen brief ghe-
hanghen umme bede wille Aelrickes ende Aylsekens Ghegheven int jaer ons heren
Mo CCCCo acht ende dertich des naesten dages voer sunte Thomas avent.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	266
Regestnr.	181
Olim	Arch. Klooster Wijtwerd, inv.nr. 9, reg. 62. Reg. Feith 1438.11.
Jaar	1438
Datumcode	uThome

x

x

Commentaar	Met de zegels van Aelric Eysinghe en Wabbo, pastoor te Warffum

x

Materiaal	perkament