Hyddo en Syerd, echtelieden te Pieterburen, dragen over aan de commanderij te Wijtwerd al hun goederen te Pieterburen en verklaren in het klooster in te treden.

Wy Hyddo ende Syerd echteluide nu tho dessen tyd wonhaghtigh in Peters-
buren bykennen ende bytughen mith dessen oepin breve, dat wy mith
vastin opzate ende fullen byraed over draghin ende draghin
ovir evigh ende erfflike ghode ende Sunte Johannes ende den convent tho
Wytwerth alle dat erve dat Syerd vors. ligghen hevet
in Petersburen, uutzeghit twe ackeren bulandes de ligghen by
der sutherzyde des husis daer Syerd ende Hidda tho disser tyd anwo-
nen hebben, by der andirzide des platis ovir der husfenne, daer
Hidda ende Syerd vrykorich methe moghen wezen tho secken tho vorko-
pen hore schult tho bytalen ende hore unkost daer methe tho doen.
Item zolen wij twe Hyddo ende Syerd den orden untfaen als wy erst
tho convente komen moghen. Hiir hebben an ende over vezin Mello Awens
wedmanswyze tho gheropin ende bethen Aytiko unze cureet, broder
Sicko tho den Nyenhuse hoffmester ende ander veler ghuder luide. In
eyn orkud der waerheyd zo hebben wy Hyddo ende Syerd vors. den
erbaeren man her Aytiken, tho desser tyd unzen cureet, ghebethen
dessen breff wor uns tho bysegillen. Ende yk heer Aytiko umbe bethe
wille Hyddens ende Syerdis hebbe myn Segill by nechin an dessen breff
ghehanghin. Int jaer als men screef dusent veerhunderd ende neghin
ende dertych op zunte Katerina aevet der helyghe juncvrowens.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	245
Regestnr.	193
Olim	Arch. Klooster Wijtwerd, inv.nr. 11, reg. 65. Reg. Feith 1439.19.
Jaar	1439
Datumcode	vCathar

x

x

x

Commentaar	Met het zegel van Aytiko, pastoor te Pieterburen

x

Materiaal	papier