Burgemeesters en raad te Groningen verklaren dat Hilke Sygers en haar zoon Herman verkopen aan het klooster te Selwerd vijf grazen land bij Houwemaheem.

Wy Borgemesteren ende Raed in Groningen bekennen ende tugen mit dessen
openen brieve Dat vor ons sint gecomen Hilke Sygers ende Herman oer zoene
samentlick bekennende dat sie hebben vercofft Droegen opp ende gaven over vor
em ende oren erfgenamen den cloester toe Selwert vyff grase landes alsoe die nu
gelegen sint by Houwema heem daer die ander vyff grase die Zygr Iohans
zoen den vorscreven convente vercofft hevet naest by liggen ende Houwema wech op die
noertzyde ende Buugma land op die zuet zijde ende strecket mitten wester ende
an die strate vry ende quijt eweliken ende erffliken myt allen rechte ende egen-
dome toe bruken ende toe besitten voer een somme geldes die Hilke ende Hermen vorgen.
becanden dat em vul ende al is betaelt sonder argelist Dat orkonde wy myt onse
stad zegel Ghegeven int iaer ons heren Dusent Vierhondert vier ende viertich op
Sunte Peters dach ad vincula Doe Henrick Baroldes Otto Clant Goesen ten
Grave ende Ludeken Evert Wigboldessoen borgemeysteren weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 035r
Regestnr.	216
Olim	Arch. Klooster Selwerd, inv.nr. 1, reg. 65.
Jaar	1444
Datumcode	VinPet

x

x

Materiaal	perkament